Моңғолияда
«ҚазАқпараттың» 100 жылдығы сыйлығын KazNews.mn жеңіп алды
Published
3 years agoon

Қазақстан Республикасының Ақпарат және қоғамдық даму министрлігі ұйымдастырған «Үркер» сыйлығы аясында «ҚазАқпарат» ХАА 100 жылдығына арналған арнаулы сыйлық табыс етілді, деп хабарлайды ҚазАқпарат тілшісі.
Марапат ресейлік «ТАСС» агенттігі мен Моңғолиядағы қазақтілді «Кaznews.mn» порталына берілді.
«Бір ғасырлық тарихы бар «ҚазАқпарат» халықаралық ақпарат агенттігінің негізгі дамуы біздің еліміздің тәуелсіздік алған кезінен басталды. Сол кезде біз халықаралық ақпарат агенттігі атандық. Сонымен, осы арнайы жүлдені біз өзіміздің шетелдік әріптестерге беретін болдық. Екіге бөлетін болдық. Сондықтан, Үркер мүсіншесі мен сертификатты 100 жыл бойы әріптес болған ресейлік ТАСС ақпарат агенттігіне беруді ұйғардық», – деді «ҚазАқпарат» АҚ Басқарма төрағасы Асқар Умаров «Үркер-2020» ұлттық сыйлығының марапаттау кешінде.
Сыйлықты ТАСС агенттігінің Қазақстандағы өкілі Дмитрий Караман алды. «Күтпеген жерден мұндай сыйлық алғанымызға қуаныштымыз. Жеке өзім Қазақстанда бір жылдан бері жұмыс істеп келемін. Осындай аз уақытта Қазақстан мен үшін жақын әрі ыстық елге айналды. Біздің агенттіктің Қазақстанмен және ҚазАқпарат агенттігімен жылдар бойғы табысты қарым-қатынасы әлі де жалғасын табады деп үміттенемін. Рахмет», – деді Дмитрий Караман.
Тиісінше, 1 миллион теңге ақшалай жүлде Моңғолиядағы қазақтілді «Kaznews» порталына берілді. «Біздің агенттікте 46 халықаралық серіктесіміз бар. Одан бөлек, былтыр Отандастар қорымен бірігіп, Ақпарат және қоғамдық даму министрлігінің қолдауымен алғаш рет «Шетелдегі қазақтілді БАҚ» жиынын өткіздік. Жақында қауымдастық құрылады. Сонымен осы миллион теңгені шетелдегі қандастарға, Моңғолиядағы жалғыз қазақтілді «Kaznews» порталына тапсыратын болдық», – деді А. Умаров.
Сайттың құрылтайшысы және редакторы Өмірбек Қабайұлы Моңғолиядан келе алмағандықтан, сыйақы оның Қазақстандағы інісі Құдайбергенге тапсырылды. 2011 жылы Моңғолияда алғаш рет қазақ тіліндегі www.kaznews.mn вебсайтының іргетасы қаланып, 9 жыл бойы ғаламторда Моңғолия мен осы елдегі қазақтар туралы қазақ тілінде ақпарат таратып келеді. Сайттың құрылтайшысы да, шығарушысы да – Өмірбек Қабайұлы. Сайтқа еш ұйымнан қаржы бөлінбейді, Өмірбек Қабайұлы өз қаражатына шығарып келеді және бұл Моңғолиядағы жалғыз қазақ сайты.
KAZNEWS.MN – Моңғолияның, моңғолия қазақтарының, Баян-Өлгей аймағының ғаламтордағы тынысы бола алды. Бүгінге дейін 3000-ға жуық мақала сайтқа жарияланып, ғаламторда шетелдік қазақ тіліндегі контентті дамытуға үлес қосты. Интернетте Баян-Өлгей, моңғолия қазақтары туралы ілмектер іздеу жүйесінде жоғары орын алды. Шетелде қазақ тілінің дамуына үлес қосу, қазақ тілінде жаңалықтар таратып, мақалалар жариялау басты мақсаты болды.
You may like
-
Спорт фестивалі: 13, 10, 1 бақ құрама командалары үздік үштіктен көрінді
-
Баян-Өлгийде “Интеллигенттер додасы” ұйымдастырылды
-
Казньюс ақпарат агенттігінің 10 жылдық мерейтойы
-
Казньюс: Өмірбек Қабайұлының Баян-Өлгий аймағы радиосына берген сұхбаты
-
Баян-Өлгий аймағының жыл үздіктері марапатталды
-
Казньюс ақпарат агенттігінің 10 жылдық мерей тойы тойланды
Моңғолияда
Моңғолия-Қазақстан үкіметаралық комиссияның 9-шы отырысы өтті
Published
2 weeks agoon
May 27, 2023
26 мамыр, KAZNEWS. Қазақстан Республикасының Ақпарат және қоғамдық даму министрі, Қазақстан-Моңғол Үкіметаралық комиссияның тең төрағасы Дархан Қыдырәлі моңғол тарапының қонақжайлылығына алғыс білдіріп, екі ел арасындағы сауда-экономикалық, ауыл шаруашылығы, көліктік- логистика, инвестиция салаларындағы байланыстардың қазіргі жағдайына тоқталды. Бұл туралы ҚР Елшілігінің баспасөз қызметі хабарлады.
Министрдің айтуынша, 2020 жылы пандемияға байланысты тоқтатылған “Ұлан-Батыр – Алматы – Ұлан-Батыр” бағыты бойынша тұрақты әуе қатынасы қайта іске қосылды. Дегенмен, бұл салада әлі де істейтін жұмыстар көп.
«Қазақстан достас әрі бауырлас Моңғолиямен тығыз көпсалалы байланысты дамытуға мүдделі және бұған ерекше мән береді. 2022 жылы екі ел арасындағы дипломатиялық қарым- қатынастардың 30 жылдық мерейтойын атап өттік. Биыл Қазақстан мен Моңғолия арасындағы достық қатынастар мен ынтымақтастық туралы шартқа қол қойғанына 30 жыл толып отыр. Осылайша, екі ел достық қарым-қатынастардың символдық әрі әріптестік байланыстардың жаңа тарихи кезеңіне аяқ басты. Бүгінгі комиссияның отырысы сауда-экономикалық, мәдени-гуманитарлық салалардағы өзара ынтымақтастықты нығайтуға серпін береді деп сенеміз», – деді Д.Қыдырәлі.
Қос тарап Қазақстан мен Моңғолия арасындағы сауда-экономикалық ынтымақтастықты кеңейтуге және екі елдің экономикасының дамуына елеулі үлес қосатын ірі жобаларды жүзеге асыруға мән берді. Сондай-ақ, мәдениет, білім, ғылым, туризм, ақпарат, дін, азаматтық қоғамды дамыту және жастар саясаты салаларындағы байланыстарды күшейту туралы қозғалды.
Моңғолияның Қаржы министрі, Қазақстан-Моңғолия Сауда-экономикалық, ғылыми-техникалық және мәдени ынтымақтастық жөніндегі үкіметаралық комиссияның тең төрағасы Болдын Жавхлан екі жақты қарым-қатынастардығ жеткілікті әлеуеті бар екенін айтып, Қазақстанның ауыл шаруашылығы, оның ішінде мал мен егін шаруашылығында тәжірибе алмасуға мүдделі екенін білдірді.
Отырыс қорытысында Комиссияның хаттамасына қол қою рәсімі өткізілді.
Сонымен бірге Қазақстан Республикасы Экология және табиғи ресурстар министрлігі мен Моңғолияның Қоршаған орта және туризм министрлігі табиғат қорғау бойынша өзара меморандумға қол қойылды.
Photography: Nurbek Amisha
Моңғолияда
Моңғолия Президенті қазақстандық делегацияны қабылдады
Published
2 weeks agoon
May 26, 2023
26 мамыр, KAZNEWS. Моңғолияның Президенті Ухнаагийн Хүрэлсүх Сауда-экономикалық, ғылыми-техникалық және мәдени ынтымақтастық жөніндегі үкіметаралық комиссияның 9-шы отырысына келген қазақстандық делегацияны қабылдады. Бұл туралы ҚР Елшілігі баспасөз қызметі хабарлады.
Президент Қазақстан мен Моңғолия арасындағы байланыстарға жоғары баға беретінін айтып, Үкіметаралық комиссияның жұмысына сәттілік тіледі.
Өз кезегінде Ақпарат және қоғамдық даму министрі, Қазақстан-Моңғолия үкіметаралық комиссияның тең төрағасы Дархан Қыдырәлі моңғол мемлекет басшысының тығыз жұмыс кестесіне қарамастан, қазақстандық делегацияны қабылдағаны үшін алғысын жеткізді.
Тараптар екі ел арасындағы мәдени-гуманитарлық, экономикалық байланыстар туралы сөз қозғады.
Айта кетейік, Ұлан-Батырда Сауда-экономикалық, ғылыми-техникалық және мәдени ынтымақтастық жөніндегі үкіметаралық комиссияның 9-шы отырысы өтіп жатыр. Онда сауда-экономикалық, мәдени-гуманитарлық, ауыл шаруашылық, көлік, мәдениет пен спорт, білім мег ғылым салаларындағы ынтымақтастыққа қатысты мәселелер талқыланды.
Photography: Nurbek Amisha
Моңғолияда
Д.Қыдырәлі Моңғолияның Білім және ғылым министрі Л.Энх-Амгаланмен кездесті
Published
2 weeks agoon
May 26, 2023
26 мамыр, KAZNEWS. Улаанбаатарда өткізілетін Қазақстан-Моңғолия Сауда-экономикалық, ғылыми-техникалық және мәдени ынтымақтастық жөніндегі үкіметаралық комиссияның ІХ отырысы шеңберінде ҚР Ақпарат және қоғамдық даму министрі, Қазақстан-Моңғолия Үкіметаралық комиссияның тең төрағасы Дархан Қыдырәлі Моңғолияның Білім және ғылым министрі Лувсанцэрэн Энх-Амгаланмен кездесті. Бұл туралы ҚР -ның Елшілігінің баспасөз қызметі хабарлады.
«Моңғолия Қазақстан үшін сенімді серіктес саналады және еліміз әртүрлі салалардағы өзара тиімді қарым-қатынастарды дамытуға үлкен мән беріп келеді.
Халықаралық ұйымдарда да тығыз әріптестігіміз бар. Осы орайда екі ел арасында білім және ғылым, ақпарат, археология саласында, әсіресе, ортақ музей ашу, көшпелілер тарихын бірге зерттеуде біріккен жұмыс істеуге ниетіміз бар. Күні кеше ғана Моңғолияның UBS арнасы мен “Хабар” телеарнасы өзара ынтымақтастық туралы меморандумға қол қойды. Бұл бағыттағы жұмысымыз жалғасады», – деді Д.Қыдырәлі.
Сонымен бірге Д.Қыдырәлі министрліктің жұмысынан ақпарат беріп, алдағы уақытта бірге жұмыс істеуге ниетті екенін жеткізді.
Өз кезегінде Лувсанцэрэн Энх-Амгалан мырза қос мемлекет арасында тату-тәтті байланыс бар екенін және білім, мәдениет, археология саласындағы ортақ жобалар жасау туралы Д.Қыдырәлінің ұсыныстарын қолдайтынын айтты.
Тараптар үкіметаралық гранттар аясында студенттерді оқыту, академиялық байланыс орнату, мәдени-гуманитарлық қарым-қатынастарды нығайту жайын талқылады.
Айта кетейік, Комиссия отырысында сауда-экономикалық, мәдени-гуманитарлық, ауыл шаруашылығы, көлік, мәдениет және спорт, білім және ғылым саласындағы ынтымақтастыққа қатысты мәселелер қаралады.
Моңғолияда
Тілейхан Әлмәлікұлы Сүхбаатар орденімен марапатталды
Published
3 weeks agoon
May 19, 2023
19 мамыр, KAZNEWS. Моңғолия Президенті Ухнаагийн Хүрэлсүх энергетика саласының 100 жылдық мерей тойына орай жарлық шығарып бірқатар азаматтарды мемлекеттік жоғарғы атақ, орден, медалдармен марапаттады.
Президент жарлығы бойынша Моңғолияның Энергетикалық реттеу комитетінің бұрыңғы төрағасы Тілейхан Әлмәлікұлы “Сүхбаатар” орденімен марапатталды.
Тілейхан Әлмәлікұлы 1955 жылы Баян-Өлгий аймағында туылған. 1976 жылы Моңғолия Мемлекеттік Университетін Өндірістік жылумен қамтамасыз ету инженері мамандығы, 1989 жылы Экономикалық кешкі университет Өндірістік экономист бойынша тәмамдаған. Тілейхан Әлмәлікұлы Моңғолия парламентіне екі рет сайланған депутат.
2008-2012 жылдары Моңғолия Парламентінің Әлеуметтік саясат, білім, мәдениет, ғылым мәселелері бойынша тұрақты комитетінің бастығы болды. 1991 жылы Халық Революциялық 70 жылдық медалі, 1993 жылы Энергетика саласының озат қызметкері, 2001 жылы Халық Революциясының 80 жылдық медалі, 2005 жылы Еңбек Қызыл ту орденімен марапатталған. 2014 жылы Моңғолияның “Өнеркәсіп саласына еңбек сіңірген қайраткері” атағын алған.
Бізге жазылыңыз

Моңғолия-Қазақстан үкіметаралық комиссияның 9-шы отырысы өтті

Моңғолия Президенті қазақстандық делегацияны қабылдады

Д.Қыдырәлі Моңғолияның Білім және ғылым министрі Л.Энх-Амгаланмен кездесті

Тілейхан Әлмәлікұлы Сүхбаатар орденімен марапатталды

Әдеби байқауға қатысушылардың шығармаларын қабылдау аяқталды
STUDENTS OF MOSCOW STATE UNIVERSITY AT AL-FARABI KAZAKH NATIONAL UNIVERSITY

Б.Чинзориг бокстан әлем чемпионатының күміс жүлдегері атанды

ТҰРАР РЫСҚҰЛОВТЫҢ ҚАЗАҚСТАНДАҒЫ ҚЫЗМЕТІ

Екінші болма: Кітап не жайлы? БҰЛ КІТАПТАН НЕ ҮЙРЕНЕСІЗ?

ТАҒЫЛЫМЫ ЕРЕН БІЛІМ МЕКЕНІ

1 дана КАРТОП + 1 қасық БАЛ = желке мен мойындағы ТҰЗДЫ кетіреді

СУЫҚ ТИІП АУЫРҒАНДА ЖІБЕРЕТІН 10 ҚАТЕЛІК

Калифорния мемлекеттік унивеситетінің профессоры, доктор ТАНАЙҰЛЫ ЕРТАЙ

ШҰҒЫЛ: Баян-Өлгийде коронавирус жұқтыруы мүмкін деген күдікті тіркелді

Әуез Таштуанұлы – Моңғолиядағы қазақ ұшқышы

Заманбек Абдуллинұлы: Аптасына бір рет отын салатын пеш жасап шығардық

Бекнұр Қалиұлының Қырғызстандағы халықаралық турнирде чемпион атанған сәті

Мен сені сүйдім – Нұрсұлтан Төлеубай

Тұрды Төлекенұлы туралы деректі фильм жарыққа шықты

Қоғам қайраткері Жеңісхан Дүзелбайұлы туралы деректі фильм һәм 10 дерек

FIFA World Cup Qatar 2022 | Official Song

KOBA & NY-ZA – NE BOLDY SAGAN

Төлеген Жапарұлының “Ай хой 25” атты ән кеші өтеді

Моңғолия қақпасына гол соққан Геррит Хольтман туралы 10 дерек
Сөзге тиек


Футзалдан ел біріншілігіне қатысқан футболшылардың орташа жасы – 23 де
6 сәуір, KAZNEWS. Моңғолия Президентінің қолдауымен Дорноговь аймағының Сайншанд қаласында ұйымдастырылған футзалдан 21 аймақтар арасындағы «Ұлттық кубок-2023» ел біріншілігі аяқталды. ...


Таба аласыз ба? Моңғолияда ілбіс суретке түсіп қалды
Ұлыбританиялық DailyMail басылымы америкалық фотограф Макса Воның суретін жариялады. Суретте Алтай тауларының тау-тасты шатқалында сирек кездесетін ілбіс түсірілген. Ерекше ілбісті...


1903-2023 жыл аралығындағы қоян жылында есте қалған оқиғалар
06 қаңтар, KAZNEWS. Қоян жылы– барыс жылынан соң, ұлу жылынан бұрын келетін мүшел есебінің төртінші жылы. Қоян қазақтың шаруашылық тарихында...


Жылдың үздік 10 оқиғасы – KAZNEWS
24 желтоқсан. KAZNEWS ақпараттық агенттігі жыл сайын «Жылдың үздік 10 оқиғасын» анықтауды дәстүрге айналдырған. Агенттіктің көзқарасы бойынша 2022 жылдың үздік...


Тұрды Төлекенұлы туралы деректі фильм жарыққа шықты
04 желтоқсан, KAZNEWS. Көрнекті мемлекет және қоғам қайраткері, Қобда беті қазақтары (Монғолия) арасынан мемлекеттік лауазым атқарған алғашқы қайраткерлердің бірі Тұрды...


“Бүркіт” поэмасы һәм Ақтан Бабиұлы туралы 10 дерек
22 қараша, KAZNEWS. “Бүркіт” поэмасы һәм ақын жазушы, Моңғолия өнеріне еңбегі сіңген қайраткер Ақтан Бабиұлына байланысты 10 деректі назарларыңызға ұсынамыз....


Қоғам қайраткері Жеңісхан Дүзелбайұлы туралы деректі фильм һәм 10 дерек
05 қазан, KAZNEWS. Мемлекет және қоғам қайраткері, халқының адал перзенті, Моңғолияның Баян-Өлгий аймағын құруға атсалысқан қайраткерлердің бірі Жеңісхан Дүзелбайұлы туралы...


Баян-Өлгий аймағынан 8 түлек «Жолдау-2100» стипендиясының иегері атанды
19 қыркүйек, KAZNEWS. Баян-Өлгий аймағынан 8 түлек Моңғолия Президентінің «Жолдау-2100» стипендиясының иегері атанды. Бұл туралы Kaznews.mn Моңғолия Президентінің Баспасөз қызметіне...