Моңғолияда

Баян-Өлгий аймағының жыл үздіктері марапатталды

Published

2 years ago

January 1, 2022

01 қаңтар, KAZNEWS. Баян-Өлгий аймағының 16 азаматы, 4 мекеме «Жыл үздігі – 2021» атағына ие болды. Пандемия кезінде елеулі еңбек атқарған 11 мемлекеттік ұйымға аймақ әкімшілігі тарапынан арнаулы сый-сияпат көрсетілді. Бұл туралы Казньюс ақпарат агенттігі хабарлады.

Жаңа жыл қарсаңында 2021 жылды қорытындылап, үздік деп танылған әр түрлі сала мамандарына аймақ әкімі Бауыржан Дәлелұлы, аймақтық АӨХ-ның төрағасы Бейбітхан Нұриұлы, аймақ әкімі Іс басқармасының басшысы Мұхамед Болайұлы, Моңғолияның Сауда-өнеркәсіп палатасының бөлімше директоры Мұратай Құрманханұлы қатарлы билік өкілдері арнайы марапатты, «Жыл үздігі – 2021» номинацияларын табыстады.

Аймағымыздың болашақ ат ұстарлары мен көйлек тігерлеріне білім нәрін сусындатып, жеке тұлға болып қалыптасуына күш салған Өлгий қалалық жалпы білім беретін №1 мектептің ұстазы М.Майрагүл «Жылдың үздік бастауыш сынып ұстазы», «Бастама» мектебінің математика пәнінің ұстазы С.Серікгүл «Жылдың үздік ұстазы» деп танылды. «Жылдың үздік студенті» номинациясымен Ғылым, технология университетінің 4 курс студенті Арайлым Мағмұтқызы марапатталды.

Халықаралық бейнелеу өнер байқауларында жүлдегер атанған суретші Дастан Қаламханұлы «Жылдың үздік өнер, мәдениет саласының қызметкері», жеңіл атлетиканың халықаралық э-спорт жарыстарында жүлдегер атанған Б.Абылайхан «Жылдың үздік спортшысы» атанды.

«Үркер» ұлттық сыйлығының иегері, Казньюс ақпарат агенттігінің негізін қалаушысы Өмірбек Қабайұлы «Жылдың үздік ақпарат саласының қызметкері» деп танылды. Аймақтық Радио, телевизия желісінің текникалық маманы М.Бақытбек «Жылдың үздік инженері» атанды.

Кәсіпкерлікпен айналысып қана қоймай, табыстың көзін кәсіптен іздеп жүрген жастарға үлгі болар кәсіпкер “Баян Цамбагарав” компаниясының директоры С.Жолболат «Жылдың үздік менежері», “Цамбагарав өгөөж” компаниясының директоры Б.Энхболд «Жылдың үздік кәсіпкері» атанды. «Орда» компаниясының директоры Ербол «Жылдың үздік туризм қызметкері» атанды.

«Жылдың үздік қызметкері» номинациясын Мейрім денсаулық орталығының қызметкері Қ.Тамара мен Толбо сұмындық Балабақшасының аспазшысы Қ.Гүлжазира еншіледі.

Аймақтық Салық департментінің мемлекеттік инспекторы Д.Нұрлан «Жылдың үздік қаржы саласының қызметкері», аймақтық Мемлекеттік тіркеу департментінің маманы Қ.Имашхан «Жылдың үздік мемлекеттік әкімшілік қызметкері», Өлгий қаласы әкімшілігінің инспекторы Т.Керей «Жылдың үздік құқық қорғаушысы» деп танылды.

Денсаулық саласында ерен еңбек етіп «Жылдың үздік дәрігері» аталымы бойынша аймақтық Біріккен аурухана дәрігері Бақытжан Ғафуұлы, «Жылдың үздік медбикесі» деп аймақтық Біріккен аурухана медбикесі Е.Бишан танылды.

2021 жылы «Ерекше табысқа жеткен адам» номинациясы Улаанбаатар қаласындағы «Гранд мед» ауруханасының Омыртқа хирургиясы бөлімінің меңгерушісі, аға дәрігер Б.Нұрбекке берілді.

«Цахилгаан холбоо» мемлекеттік коммуналдық кәсіпорны «Жылдың үздік мемлекеттік мекеме», «Эрчимбаян-Өлгий» АҚ, Аеро Монголия авиакомпаниясының аймақтағы бөлімшесі «Жылдың үздік коммерциялық мекеме», «Дарын» мектебі «Жылдың үздік мемлекеттік емес мекеме» деп танылды.

Пандемия кезінде елеулі еңбек атқарған аймақтық Төтенше жағдайлар басқармасы, Полиция басқармасы, Мамандық бақылау басқармасы, Барлау басқармасы, Азық түлік, ауыл шаруашылық басқармасы, Денсаулық сақтау басқармасы, Зооноздық аурулар орталығы, Автокөлік орталығы және аймақтық Біріккен ауруханасы, Сансар шипажайы, Жол компаниясы қатарлы 11 ұйымға арнаулы сыйлық табыс етілді.

KAZNEWS AGENCY

Up Next

Моңғолияда мал басы 67,3 миллионға жетті

Don't Miss

Моңғолияда ең төменгі күнкөріс деңгейі – 184747 төгрөг

Kaznews Agency

Казньюс агенттігі

Моңғолияда

Елші Ғабит Қойшыбаев брифинг өткізді

Published

3 weeks ago

September 6, 2023

Kaznews Agency

06 қыркүйек, KAZNEWS. Қазақстан Республикасының Моңғолиядағы Елшілігі Ғабит Қойшыбаев ҚР Президенті Қасым-Жомарт Тоқаевтың 2023 жылғы 1 қыркүйекте Парламент палаталарының бірлескен отырысында жариялаған «Әділетті Қазақстанның экономикалық бағдары» атты Қазақстан халқына Жолдауына арналған брифинг өткізді. Бұл туралы ҚР Елшілігінің баспасөз қызметі хабарлады.

Іс-шараға Моңғолия телеарналарының, ақпараттық агенттіктерінің және баспа басылымдарының өкілдері, сондай-ақ Моңғолияның Стратегиялық зерттеулер орталығының сарапшылары шақырылды.

Брифинг барысында Қазақстанның Моңғолиядағы Елшісі Ғабит Қойшыбаев моңғол бұқаралық ақпарат құралдары мен сарапшылар қауымдастығының өкілдеріне Жолдаудың негізгі мазмұны мен түйінді тұстарын жеткізді. Атап айтқанда, ол аудиторияны бұған дейін Президент Қ.Тоқаев ұсынған бастамаларды іске асырудағы ағымдағы жетістіктермен, сондай-ақ азаматтардың өмір сүру сапасын одан әрі жақсартуға бағытталған елдің әлеуметтік-экономикалық өміріндегі өзгерістерді тереңдету бойынша ҚР Үкіметінің алдына қойған жаңа міндеттерімен таныстырды.

Ол Президент Қ.Тоқаевтың Қазақстанның жаңа экономикалық бағытын айқындайтын қағидаттары әділдік, инклюзивтілік және үнемшілдік екенін атап өтті. Бұл ретте Жолдауда баяндалған міндеттер мен тапсырмаларды іске асыруға үш жыл ғана уақыт бөлінгенін баса айтты.
Сонымен қатар, қазақстандық дипломат алдағы салалық экономикалық реформалардың негізгі бағыттары мен тұстары туралы қысқаша баяндады. Осымен бірге, ол көзделген реформаларды сапалы және толыққанды жүзеге асыру үшін атқарушы билік жүйесінің өзін трансформациялау қажет болатынына назар аударды. Бұл трансформациялаудың негізгі бағыттары ретінде Мемлекет басшысы келесіні айқындады. Салалық шешімдерді әзірлеу және оларды орындау үшін жауапкершілікті, сондай-ақ олардың нәтижелі болуына дербес жауапкершілікті министрлер мен әкімдерге жүктеу; экономикалық саясатты іске асырудың толық жауапкершілігін Үкіметке жүктеу; Президент Әкімшілігін «саяси штаб» ретінде қайта құру және оның күш-жігерін мемлекеттің әлеуметтік-экономикалық дамуының стратегиялық бағыттарына, ішкі және сыртқы саясат, қорғаныс және қауіпсіздік, құқықтық және кадрлық саясат мәселелеріне шоғырландыру; мемлекеттік аппаратты бюрократиядан одан әрі арылту; саяси қызметкерлердің кадрлық резервін құру және т.б.
Қазақстан Елшісі көзделген реформалардың басты мақсаты – жылына 6-7% деңгейіндегі тұрақты экономикалық өсуді қамтамасыз ету, 2029 жылға дейін ұлттық экономика көлемін екі есеге арттырып, 450 миллиард АҚШ долларына дейін жеткізу екенін айтты.
Брифинг барысында Ғ.Қойшыбаев сондай-ақ ағымдағы жылы моңғол тарапының қатысуымен Қазақстанда өткізілетін кейбір көпжақты іс-шаралар туралы әңгімелеп берді. Атап айтқанда, ол аудиторияны 80-нен астам іс-шара аясында өткізіледі деп жоспарланған Шаңхай ынтымақтастық ұйымындағы Қазақстанның қазіргі төрағалығының негізгі басымдықтарымен таныстырып, Моңғолия буддистерінің жоғары лауазымды өкілінің қатысуымен өтеді деп күтілетін Әлемдік және дәстүрлі діндер лидерлері съезі Хатшылығының алдағы мерейтойлық отырысының жоспарланғанын жеткізді.
Іс-шараның аясында қазақстандық дипломат Моңғолияның Стратегиялық зерттеулер орталығының сарапшыларымен Қазақстанда өткізіліп жатқан саяси және экономикалық реформалардың мазмұнын егжей-тегжейлі талқылап, Қазақстанның сыртқы сауда саясаты мен қазақстандық-моңғол екіжақты қатынастарының кейбір мәселелері бойынша пікір алмасты.

Моңғолияда

Рим Папасы Франциск Моңғолияға мемлекеттік сапармен келді

Published

3 weeks ago

September 3, 2023

Kaznews Agency

3 қыркүйек, KAZNEWS. Рим Папасы Франциск Моңғолияға мемлекеттік сапармен келді.

Рим Папасын Моңғолия Президенті Ухнаагийн Хүрэлсүх салтанатты түрде қарсы алды.

Мемлекет басшыларының халық алдында сөз сөйлеу рәсімі өтті.

Президент У.Хүрэлсүх өз сөзінде Рим Папасы Франциск Сіздің Моңғолияға мемлекеттік сапарыңыз еліміздің көп тұғырлы бейбітшілікке бағытталған сыртқы саясаты мен қарым-қатынастары тарихында жаңа парақша ашатынына және екі ел арасындағы достық қарым-қатынаста маңызды рөл атқаратынына сенімдімін.

Рим Папасы Франциск: «Зор тыныштықпен ағаш уықты, киіз туырлықты ордаңыздың алдына келдім” деп өз сөзін құрметпен бастады.

Салт дәстүрін сақтаған Моңғолияны мәңгілік көк аспаны жарылқаған, барлық жаратылысқа қамқорлықпен қарайтын будда дініндегі елде көптеген діндер бірлігінің символына айналғанын атап өтті.

#KazNews

Моңғолияда

Футбол федерациясының бас демеушісі ретінде Turan World компаниясы жұмыстайды

Published

4 weeks ago

August 29, 2023

Kaznews Agency

29 тамыз, KAZNEWS. Баян-Өлгий аймағының Футбол федерациясының бас демеушісі ретінде Turan World компаниясы жұмыстайды.

Бұл туралы ақпарат Turan World компаниясының директоры Ерболат Әшікұлы мен аймақтық Футбол федерациясының басшысы Ертай Оралұлы арасындағы кездесуден кейін белгілі болды.

Тараптар 5 жылдық ынтымақтастық туралы келісімге қол қойған.

Келісім шарт аясында аймақтық футбол құрамасының киімдері толығымен жаңартылып, жарыстарға қатысу үшін қаржылай қолдау көрсетіліп тұрады.

#KazNews

View this post on Instagram

A post shared by Kaznews (@kaznewsmn)

Моңғолияда

“Altai Academy” Ресейдің Алтай Республикасының университетімен ынтымақтастық орнатты

Published

4 weeks ago

August 28, 2023

Kaznews Agency

28 тамыз, KAZNEWS. Баян-Өлгий аймағында орналасқан “Altai Academy” тіл үйрету орталығы Ресейдің Алтай Республикасының университетімен ынтымақтастық орнатты. Бұл туралы Altai Academy орталығының директоры Берік Әкебайұлы хабарлады.

Ынтымақтастық бойынша аймақтағы мектеп оқушыларының орыс тілінің біліктілігін арттыру мақсатында Ресейден ұстаздар Алтай академиясына тұрақты келіп тұрмақ.

Оқушылардың жазғы және қысқы демалыстарында арнайы курстар жұмыстайтын болады.