Спорт

Дзюдодан моңғолия ұлттық құрамасының бапкерлері өз еркімен қызметінен кетті

Published

5 years ago

September 12, 2019

KAZNEWS – Моңғолия дзюдо федерациясының атқарушы директоры М.Бөхбат, дзюдодан моңғолия ұлттық құрамасының бас бапкері О.Балжинням және көмекші барлық бапкерлер өз еркімен қызметінен кетеді. Бұл туралы қыркүйектің 11-і күні өткен баспасөз мәслихатын өткізген Моңғолия дзюдо федерациясының басшылығы мәлімдеді.

Сәрсенбі күні журналистерге бұл жаңалықты Моңғолия дзюдо федерациясының атқарушы директоры М.Бөхбат, дзюдодан моңғолия ұлттық құрамасының бас бапкері О.Балжинням, бапкер Ш.Цэвэлмаа жеткізді.

АҚТАЛМАҒАН ҮМІТ

Алдымен сөз алған дзюдо федерациясының атқарушы директоры М.Бөхбат:

“Әлем чемпионатындағы қателіктер мен жаттығу жұмыстарына бейжай қарап, көптеген істерді жасай алмағаныма өкінемін. Осы жолғы әлем чемпионатынан біздің ұлттық құрама спорт сүйер қауымның көңілінен шығатын жетістікке қол жеткізе алмағаны үшін өз атымнан және федерация мүшелері атынан кешірім сұраймын. Бұған дейін біз көптеген жұмыстарды атқардық. Олимпиада қарсаңындағы әлем чемпионатында жауапкершілікті түсінгенімізбен, елдің артқан үміті ақталмады. Мен және ұлттық құраманың бапкерлік тобы өз еріктерімен қызметінен кету туралы шешім қабылдадық. Бұған дейін Моңғолия дзюдо күресіне қолдау көрсеткен барлық азаматтарға алғыс білдіріп, жүктелген сенімді ақтамағаным үшін өкініш білдіремін” деді.

Сонымен қатар, дзюдодан моңғолия ұлттық құрамасының бас бапкері, Моңғолияның «Еңбек батыры», «халық ұстазы», «еңбек сіңірген спортшы» О.Балжинням:

“2019 жылғы Токиода өткен әлем чемпионатына қатысқан ұлттық құрама, спортшылар халықтың күткен алтын жүлдесін ала алмады. Тек бір қола жүлдемен шектелгендіктен бапкерлер толық құраммен қызметінен босатылып, халықтан кешірім сұраймыз” деді.

Дзюдодан моңғолия ұлттық құрамасының бапкерлік құрамы:

Бас бапкер Моңғолияның «Еңбек батыры», халық ұстазы О.Балжинням
Көмекші бапкер, «Еңбек сіңірген спортшы» Д.Баттулга
Көмекші бапкер, «Еңбек сіңірген спортшы» Х.Эрдэнэт-Од
Көмекші бапкер, «Еңбек сіңірген бапкер» Ш.Цэвэлмаа
Көмекші бапкер Г.Дашдаваа

Естеріңізге сала кетейік, дзюдодан Моңғолия құрамасы Токиода өткен әлем чемпионатында бір қола медальді қанағат тұтты. 48 келіге дейінгі салмақ дәрежесінде бақ сынаған Мөнхбатын Уранцэцэг жарыстың алғашқы күнінде қола медаль иеленген болатын.

Спорт

Еркебұлан Байытұлы әлемдік аренада екі бірдей жүлде жеңіп алды

Published

12 months ago

November 27, 2023

Kaznews Agency

62 елдің үздік спортшылары қатысқан Астанада өткен чемпионатта Mr.olimpia amateur qualifier Astana IFBB PRO 2023 сайысында (Mensphysique Novice категориясында) алтын медалды Моңғолия елінде тұратын Еркебұлан Байытұлы атты спортшы қандасымыз жеңіп алды.

Сонымен қатар осы спорттың Mensphysique Open Class D түрінен қола медалды тағы қанжығасына байлаған. Бұл туралы үздік спортшының Моңғолияда тұратын әкесі ақын Байыт Қабанұлы хабарлады.

Жазба авторы бұл Астана қаласында болып жатқан әлемдік деңгейдегі аса беделді спорттық шара екенін айтады.

Ақын Байыт Қабанұлы баласының Астанаға барғанда алдынан күтіп алып, үйіне жатқызып, барлық жағдайын жасаған Ұларбек Дәлейұлына және оның отбасына ризашылығын білдірген.

Спорт

Бекнұр Қалиұлы Азия ойындарын жеңіспен бастады

Published

1 year ago

September 27, 2023

Kaznews Agency

27 қыркүйек, KAZNEWS. Моңғолиялық боксшы Бекнұр Қалиұлы Қытайдың Ханчжоу қаласында өтіп жатқан Азия ойындарын жеңіспен бастады.

Моңғолия құрама сапында +92 келі салмақ дәрежесінде өнер көрсететін Бекнұр Қали командаластары арасынан алғашқы болып рингке Непал спортшысы Дувади Ашишпен жұдырықтасты.

Өз спорттық жолында алғаш рет ірі жарыста ел намысын қорғап жатқан Бекнұр Қали 3:1 есебімен жеңіске жетті.

19-шы Азия ойындарында жеңіл атлетикададан 400м және 800м қашықтыққа жүгіру, ерлер арасындағы 4х100 м эстафета бойынша жүгіру сайысына Жандос Нарауұлы қатысуда.

Сонымен қатар баскетболдан қыздар арасындағы сайыста Бұлбұл Мұратқызы бақ сынауда. Баскетбол командасы 27 қыркүйекте алғашқы кездесуін Қытай құрамасына қарсы өткізіп, ұтылып қалды. Екінші кездесуін 29 күні Үндістан, үшінші кездесуін 1 қазан күні Индонезия құрамасына қарсы ойнайды.

Естеріңізге салсақ Моңғолия спортшылары 19-шы Азия ойындарында бүгінге дейін 6 медаль иеленуде. Ел қоржынында 2 күміс, 4 қола бар. Биылғы Азия ойындарына 410 спортшы бақ сынауда.

Моңғолия 1974 жылдан бері Азия ойындарынан барлығы 161 медаль жеңіп алса, олардың 24-і алтын, 46-сы күміс, 91-і қола медаль.

Спорт

Батырбек Шәрівұлы жасөспірімдер арасындағы жарыста топ жарды

Published

1 year ago

September 3, 2023

Kaznews Agency

03 қыркүйек, KAZNEWS. Баян-Өлгий аймағының “Тас түлек” клубының палуаны Батырбек Шәрівұлы Өвөрхангай аймағында ұйымдастырған мемлекеттік “гарьд” дәрежелі палуан Ц.Бямба-Отгонға құрмет көрсетуге арналған сайыста жасөспірімдер арасында топ жарып, бірінші орын иеленді.

Батырбек Шәрівұлы 16 жаста. Сұмындық піл дәрежелі палуан атағы бар. Батырбек бұған дейін Завхан аймағы орнауының 100 жылдығына орай ұйымдастырылған мерей тойда жасөспірімдер арасында топ жарған болатын.

View this post on Instagram

A post shared by Kaznews (@kaznewsmn)

#KazNews

Моңғолияда

Футбол федерациясының бас демеушісі ретінде Turan World компаниясы жұмыстайды

Published

1 year ago

August 29, 2023

Kaznews Agency

29 тамыз, KAZNEWS. Баян-Өлгий аймағының Футбол федерациясының бас демеушісі ретінде Turan World компаниясы жұмыстайды.

Бұл туралы ақпарат Turan World компаниясының директоры Ерболат Әшікұлы мен аймақтық Футбол федерациясының басшысы Ертай Оралұлы арасындағы кездесуден кейін белгілі болды.

Тараптар 5 жылдық ынтымақтастық туралы келісімге қол қойған.

Келісім шарт аясында аймақтық футбол құрамасының киімдері толығымен жаңартылып, жарыстарға қатысу үшін қаржылай қолдау көрсетіліп тұрады.

#KazNews