Моңғолияда

Астана–Улаанбаатар рейсінің тағдыры белгісіз, бірақ билеті бар

Published

8 years ago

March 29, 2016

Моңғолия астанасына жаңа рейс ашуды жоспарлаған Air Astana «Ресей тарабы келісім бермей жатыр» деген уәж айтады. Сарапшылардың сөзінше, мұның әрқилы себебі бар деп отыр Азаттық.

Моңғолияның Улаанбаатар қаласында тұратын Әлібек Рашатов Қазақстанға жиі келіп тұрады. Ол Улаанбаатар мен Астана арасында биыл 2 маусымнан бастап аптасына үш рет әрі, үш рет бері тікелей рейс ашылатынын естіп қуанғанын айтады.
– Қазір ұшақпен көбіне Қырғызстан арқылы қатынап жүрміз. Кейде автобуспен де келеміз. Бірақ қазір ұшақ бағасы қымбаттау болып жатыр. Тура рейс ашыласа, жақсы болар еді, – дейді ол.
«Бұған дейін Моңғолия мен Қазақстан арасында Scat және BekАir әуе компаниялары жолаушылар тасымалдайтын еді» деген Әлібек Рашатов ол рейстердің жабылып қалғанын айтып өкінеді.
«РОСАВИАЦИЯ» КЕЛІСІМ БЕРМЕЙ ОТЫР»
Бұған дейін Астана–Улаанбаатар бағытында жаңа рейс ашатынын мәлімдеген Air Astana компаниясының дерегінше, ұшағының Ресей аумағынан ұшып өтуіне ол елдің «Росавиация» әуе көлігі федеральдық агенттігі рұқсат етпей жатыр.
«Росавиация» қазақстандық тасымалдаушының Астанадан Улаанбаатарға тікелей рейс ашып, Ресей аумағы арқылы 300 шақырым ұшып өтуіне келісім бермей отыр» делінген Air Astana наурыздың 28-і күні таратқан хабарламада.
Air Astana өкілдері бұған дейін қазақстандық ақпарат құралдарының біріне берген сұхбатында: «Ресей жағы Транссібір бағытын пайдаланғанға төлемақы талап етіп отыр, бұған қоса Қазақстанға ұшатын «Аэрофлоттан» бөлек тағы бір ресейлік авиатасымалдаушыға Мәскеу–Астана және Мәскеу–Алматы бағытында жолаушылар тасымалдауға рұқсат беруін сұрайды» деген. Ресей жағының бірінші талабымен келіскенін айтқан Air Astana екінші талапты «негізсіз» деп атап, «Ресейдің бас тартуының себебіМоңғолиядан Еуропаға транзиттік жолмен ағылатын жолаушылар легін бермеудің, яғни Моңғолия бағытында бәсекелестікті жоюдың амалы шығар» деп болжаған.
«Росавиация» агенттігі Азаттықтың Астана–Улаанбаатар бағытында ашылмақ рейс жайлы ресми сауалына жауап бермеді.
«БҰЛ – ЕКІ ЕЛ БИЛІГІ ҒАНА ШЕШЕТІН ШАРУА»
Қазақстандық әуе тасымалдаушылары ассоциациясының төрағасы, 2000 жылдары «Саяхат» әуе компаниясын басқарған Владимир Куропатенконың сөзінше, жоғарыда сөз болған Транссібір әуе маршрутын пайдаланғанға ақы сұрау – «Росавиацияның» емес, үкіметтің ғана айрықша құзырындағы шаруа.
– Бұл азаматтық авиация комитеті немесе Ресей федералдық авиация қызметі ойлап тапқан нәрсе емес. Бұл олардың құзырына да кірмейді. Біз мұны сол кезде (2000 жылдары – ред.) Қытайдан Моңғолияға, Моңғолиядан Қазақстанға жүк тасып жүрген кезде білдік, – дейді Владимир Куропатенко.
Оның пікірінше, Air Astana компаниясының Астана–Улаанбаатар рейсіне қатысты мәселесін екі ел үкіметтері шешуі керек.
– Қазақстан үкіметі немесе сыртқы істер министрлігі Ресей үкіметіне аталған рейс үшін төлемақы алмау туралы ұсыныс айтуы керек. Осылайша үкіметаралық келісімге қол қойып, Қазақстан үшін жеңілдік кезең алса болады. Ал авиакомпаниялардың мұндай келіссөздер жасауына құқығы жоқ, – дейді Владимир Куропатенко.
Ресейлік AEROHELP әуе және ғарыштық құқық институтының директоры Олег Аксаментов «Росавиацияның» Air Astana компаниясы рейсіне қатысты ұстанымын «таза саяси сипаты бар мәселе» деп сипаттайды.
Меніңше, екі елдің авиация билігі арасында бұдан да үлкен, тамыры тереңдеу кикілжің бар. Ал Моңғолияға ұшып өту соның тек салдары ғана.
– Құқықтық жағынан алып қарасақ, Ресей аумағынан ұшып өтуді келісу бойынша ешқандай проблема жоқ. Мәселені шешудің бір ғана жолы – келіссөз жүргізу. Бірақ Қазақстанның авиация билігі тарапынан да келісуге ынтаны көрмей отырмын. Меніңше, екі елдің авиация билігі арасында бұдан да үлкен, тамыры тереңдеу кикілжің бар. Ал Моңғолияға ұшып өту соның тек салдары ғана. Мұның шешімі екі ел билігінің саяси еріктеріне байланысты, – дейді ресейлік маман.
Бұған дейін Қазақстанның ұлттық кәсіпкерлер палатасы да Ресей тарабының әрекетін сынап, «Қазақстан мен Ресей арасында жасалған екіжақты келісімге сәйкес екі тарап бір-бірінің аумағынан қонбай ұшып өте алады» деп мәлімдеген.
Ал Air Astana компаниясы Астана–Улаанбаатар бағытындағы тағдыры әлі белгісіз рейске билет сатып жатыр.
Мақпал Мұқанқызы

Related Topics:Моңғолия Қазақстан Әуеқатынас

Up Next

Баян-Өлгий аймағына 3 мандат бөлінеді

Don't Miss

Астана – Улаанбаатар әуе рейсіне қатысты мәселе Үкімет деңгейінде қаралуы мүмкін

Kaznews Agency

Казньюс агенттігі

Click to comment

Моңғолияда

Халал Сертф Аженси – Моңғолияның Халал индустрия саласының дамуына үлес қоспақ

Published

1 month ago

November 3, 2023

Kaznews Agency

Халал өнімдері мен қызметтерін сертификаттау жөніндегі орган Моңғолияда пайда болды.

Парсы шығанағы елдерінің аккредиттеу орталығының Gulf Accreditation Center (GAC) бағалау тобы халал өнімдері мен қызметтерін сертификаттау жөніндегі Халал Сертф Аженси (Halal Certf Agency) компаниясында 2023 жылдың 25, 26, 27 қазанында жұмыстап, GSO 2055- 2:2021 “Сәйкестікті бағалау – 2 бөлім: Халал сертификаттау органдарына қойылатын талаптар” стандарты бойынша бастапқы аккредиттеу жұмысын жасады.

Халал – тұтас бір индустрия.

Бүгінде әлемдегі 148 елде халал бағыты жақсы дамыған. Халал брендін кім көрінген пайдаланып, көпшіліктің түсінбестігін тудырмау үшін халал өндірісі бақылауға алынған. Осы орайда ет экспортына қызығушылық танытып отырған Моңғолияда халал индустриясын зерттеп, халал өнімдерін қалыптастыру енді жолға қойылып келеді.

Бұл жүйе UNIDO Моңғолия – Біріккен Ұлттар Ұйымының Өнеркәсіптік даму ұйымы жүзеге асыратын Сәйкестікті бағалау органдарының әлеуетін арттыру жобасы аясында жүзеге асырылуда.

Халал бойынша аккредиттеу – Моңғолиядағы сапаны бағалау жүйесіндегі жаңа бағыттарының бірі.

Аккредиттелген Халал сертификатының оң әсері соңғы тұтынушыға таралады, ол Халал сертификатының артында сәйкестікті растаудың бүкіл жүйесі бар екеніне сенімді болады: аккредиттеу сертификаттау органдарына деген сенімді арттырады.

Өз кезегінде, сертификаттау органдары өздері ұстанатын стандарттардың жоғары талаптарын Халал өнімдерін өндірушілерге тапсырады. Өндірушілер сертификаттау арқылы тұтынушыларға халал стандарттарға сәйкес өндірілген өнімдерді немесе қызметтерді ұсынады.

Халал Сертф Аженси – Моңғолияның Халал индустрия саласының дамуына үлес қоспақ.

www.halalcertf.com

Моңғолияда

Елші Ғабит Қойшыбаев брифинг өткізді

Published

3 months ago

September 6, 2023

Kaznews Agency

06 қыркүйек, KAZNEWS. Қазақстан Республикасының Моңғолиядағы Елшілігі Ғабит Қойшыбаев ҚР Президенті Қасым-Жомарт Тоқаевтың 2023 жылғы 1 қыркүйекте Парламент палаталарының бірлескен отырысында жариялаған «Әділетті Қазақстанның экономикалық бағдары» атты Қазақстан халқына Жолдауына арналған брифинг өткізді. Бұл туралы ҚР Елшілігінің баспасөз қызметі хабарлады.

Іс-шараға Моңғолия телеарналарының, ақпараттық агенттіктерінің және баспа басылымдарының өкілдері, сондай-ақ Моңғолияның Стратегиялық зерттеулер орталығының сарапшылары шақырылды.

Брифинг барысында Қазақстанның Моңғолиядағы Елшісі Ғабит Қойшыбаев моңғол бұқаралық ақпарат құралдары мен сарапшылар қауымдастығының өкілдеріне Жолдаудың негізгі мазмұны мен түйінді тұстарын жеткізді. Атап айтқанда, ол аудиторияны бұған дейін Президент Қ.Тоқаев ұсынған бастамаларды іске асырудағы ағымдағы жетістіктермен, сондай-ақ азаматтардың өмір сүру сапасын одан әрі жақсартуға бағытталған елдің әлеуметтік-экономикалық өміріндегі өзгерістерді тереңдету бойынша ҚР Үкіметінің алдына қойған жаңа міндеттерімен таныстырды.

Ол Президент Қ.Тоқаевтың Қазақстанның жаңа экономикалық бағытын айқындайтын қағидаттары әділдік, инклюзивтілік және үнемшілдік екенін атап өтті. Бұл ретте Жолдауда баяндалған міндеттер мен тапсырмаларды іске асыруға үш жыл ғана уақыт бөлінгенін баса айтты.
Сонымен қатар, қазақстандық дипломат алдағы салалық экономикалық реформалардың негізгі бағыттары мен тұстары туралы қысқаша баяндады. Осымен бірге, ол көзделген реформаларды сапалы және толыққанды жүзеге асыру үшін атқарушы билік жүйесінің өзін трансформациялау қажет болатынына назар аударды. Бұл трансформациялаудың негізгі бағыттары ретінде Мемлекет басшысы келесіні айқындады. Салалық шешімдерді әзірлеу және оларды орындау үшін жауапкершілікті, сондай-ақ олардың нәтижелі болуына дербес жауапкершілікті министрлер мен әкімдерге жүктеу; экономикалық саясатты іске асырудың толық жауапкершілігін Үкіметке жүктеу; Президент Әкімшілігін «саяси штаб» ретінде қайта құру және оның күш-жігерін мемлекеттің әлеуметтік-экономикалық дамуының стратегиялық бағыттарына, ішкі және сыртқы саясат, қорғаныс және қауіпсіздік, құқықтық және кадрлық саясат мәселелеріне шоғырландыру; мемлекеттік аппаратты бюрократиядан одан әрі арылту; саяси қызметкерлердің кадрлық резервін құру және т.б.
Қазақстан Елшісі көзделген реформалардың басты мақсаты – жылына 6-7% деңгейіндегі тұрақты экономикалық өсуді қамтамасыз ету, 2029 жылға дейін ұлттық экономика көлемін екі есеге арттырып, 450 миллиард АҚШ долларына дейін жеткізу екенін айтты.
Брифинг барысында Ғ.Қойшыбаев сондай-ақ ағымдағы жылы моңғол тарапының қатысуымен Қазақстанда өткізілетін кейбір көпжақты іс-шаралар туралы әңгімелеп берді. Атап айтқанда, ол аудиторияны 80-нен астам іс-шара аясында өткізіледі деп жоспарланған Шаңхай ынтымақтастық ұйымындағы Қазақстанның қазіргі төрағалығының негізгі басымдықтарымен таныстырып, Моңғолия буддистерінің жоғары лауазымды өкілінің қатысуымен өтеді деп күтілетін Әлемдік және дәстүрлі діндер лидерлері съезі Хатшылығының алдағы мерейтойлық отырысының жоспарланғанын жеткізді.
Іс-шараның аясында қазақстандық дипломат Моңғолияның Стратегиялық зерттеулер орталығының сарапшыларымен Қазақстанда өткізіліп жатқан саяси және экономикалық реформалардың мазмұнын егжей-тегжейлі талқылап, Қазақстанның сыртқы сауда саясаты мен қазақстандық-моңғол екіжақты қатынастарының кейбір мәселелері бойынша пікір алмасты.

Моңғолияда

Рим Папасы Франциск Моңғолияға мемлекеттік сапармен келді

Published

3 months ago

September 3, 2023

Kaznews Agency

3 қыркүйек, KAZNEWS. Рим Папасы Франциск Моңғолияға мемлекеттік сапармен келді.

Рим Папасын Моңғолия Президенті Ухнаагийн Хүрэлсүх салтанатты түрде қарсы алды.

Мемлекет басшыларының халық алдында сөз сөйлеу рәсімі өтті.

Президент У.Хүрэлсүх өз сөзінде Рим Папасы Франциск Сіздің Моңғолияға мемлекеттік сапарыңыз еліміздің көп тұғырлы бейбітшілікке бағытталған сыртқы саясаты мен қарым-қатынастары тарихында жаңа парақша ашатынына және екі ел арасындағы достық қарым-қатынаста маңызды рөл атқаратынына сенімдімін.

Рим Папасы Франциск: «Зор тыныштықпен ағаш уықты, киіз туырлықты ордаңыздың алдына келдім” деп өз сөзін құрметпен бастады.

Салт дәстүрін сақтаған Моңғолияны мәңгілік көк аспаны жарылқаған, барлық жаратылысқа қамқорлықпен қарайтын будда дініндегі елде көптеген діндер бірлігінің символына айналғанын атап өтті.

#KazNews

Моңғолияда

Футбол федерациясының бас демеушісі ретінде Turan World компаниясы жұмыстайды

Published

3 months ago

August 29, 2023

Kaznews Agency

29 тамыз, KAZNEWS. Баян-Өлгий аймағының Футбол федерациясының бас демеушісі ретінде Turan World компаниясы жұмыстайды.

Бұл туралы ақпарат Turan World компаниясының директоры Ерболат Әшікұлы мен аймақтық Футбол федерациясының басшысы Ертай Оралұлы арасындағы кездесуден кейін белгілі болды.

Тараптар 5 жылдық ынтымақтастық туралы келісімге қол қойған.

Келісім шарт аясында аймақтық футбол құрамасының киімдері толығымен жаңартылып, жарыстарға қатысу үшін қаржылай қолдау көрсетіліп тұрады.

#KazNews