25 қыркүйек, KAZNEWS. Моңғолия Президенті У.Хүрэлсүх Словения Республикасының Президенті Борут Пахормен кездесті.

Моңғолия Президенті Ухнаагийн Хүрэлсүх Біріккен Ұлттар Ұйымы Бас Ассамблеясының 77-сессиясына қатысу барысында Словения Республикасының Президенті Борут Пахормен кездесті.

Моңғолия Президенті кездесу барысында Моңғолия мен Словения арасындағы дипломатиялық қарым-қатынастардың орнағанына 30 жыл толуы қарсаңында кездесіп отырғанына қуанышты екенін жеткізді.

Тараптар арасындағы дәстүрлі және достық қарым-қатынастарды тереңдетуге, екіжақты және көпжақты ынтымақтастықты белсенді түрде ілгерілетуге ниетті екенін айтты.

Тараптар экономика, білім, ғылым, туризм, орман шаруашылығы салаларындағы қарым-қатынастар мен ынтымақтастықты кеңейтуге және дамытуға толық мүмкіндік бар екенін атап өтті.

Естеріңізге салсақ, Моңғолия мен Словения арасындағы сауда айналымы 21 млн.долларды құрап отыр.

20 қыркүйек, KAZNEWS. Моңғолия Президенті Ухнаагийн Хүрэлсүх Нью-Йоркке жұмыс сапарымен барады, деп хабарлайды President.mn.

Президент БҰҰ Бас Ассамблеясының 77-сессиясының Жалпы дебатына қатысып сөз сөйлейді.

Сонымен қатар Ухнаагийн Хүрэлсүх БҰҰ-ның Бас хатшысы Антонио Гутеррешпен және бірқатар мемлекет басшыларымен екіжақты кездесу өткізеді деп жоспарланып отыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз! 

13 қыркүйек, KAZNEWS. Моңғолия Президенті Ухнаагийн Хүрэлсүх Шанхай ынтымақтастық ұйымының саммитіне қатысады.

Шанхай ынтымақтастық ұйымына мүше мемлекеттер басшылары кеңесінің кезекті отырысы 14-18 қыркүйек аралығында Самарқанд қаласында өтеді. 

Өзбекстан президенті баспасөз қызметінің хабарлауынша, Шанхай ынтымақтастық ұйымының лидерлері 2019 жылдан бері алғаш рет бірге жиналады, бұл саммитте Өзбекстанның ұйымға төрағалығы аяқталады.

Мәліметке қарағанда, саммитке Өзбекстан президенті Шавкат Мирзияев, Ресей президенті Владимир Путин, ҚХР төрағасы Си Цзиньпин, Үндістан премьер-министрі Нарендра Моди, Пәкістан премьер-министрі Шахбаз Шариф, Қазақстан президенті Қасым-Жомарт Тоқаев, Қырғызстан президенті Садыр Жапаров, Тәжікстан президенті Эмомали Рахмон, Беларусь президенті Александр Лукашенко, Иран президенті Ибрагим Раиси, Моңғолия президенті Ухнаагийн Хүрэлсүх, Түркия президенті Режеп Тайип Ердоған, Әзербайжан президенті Ильхом Әлиев, Түркіменстан президенті Сердар Бердымұхамедов және Армения премьер-министрі Никол Пашинян қатысады.

Саммитте Моңғолия, Ресей, ҚХР-ның үш жақты кездесуі өтеді деп күтілуде.

Естеріңізге салсақ, Шанхай Ынтымақтастық Ұйымына (ШЫҰ) мүше мемлекеттер басшыларының кездесуі 2021 жылдың 16-18 қыркүйегінде Тәжікстан Республикасының астанасы Душанбеде өтіп, 2021 жылы Моңғолия ШЫҰ -ға мүше мемлекеттер басшылары кеңесінің кеңейтілген отырысына бақылаушы ретінде қатысуда, ал президент У.Хүрэлсүх отырыста онлайн форматта сөз сөйлеген болатын. 

05 қыркүйек, KAZNEWS. Моңғолияның Ұлттық Білім университетінің Баян-Өлгий аймағындағы Мұғалімдер мектебінен журналистерге университеттің статусына байланысты баспасөз мәслихатын өткізді.

“Баспасөз маслихатын өткізудегі мақсатымыз мынау – біздің мектебіміз бұған дейін Ховд университетінің Баян-Өлгий аймағындағы филиалы деген статуспен жұмыс жасап келген болатын. Моңғолия Үкіметінің 2022 жылғы №293 қаулысы бойынша Моңғолия Ұлттық Білім университетінің құрамына кірді.

МҰБУ-ның Баян-Өлгий аймағындағы Мұғалімдер мектебі болып өзгеруіне байланысты аталмыш жоғарғы оқу орынынан арнайы жұмыс тобы келіп жұмыстады.

Мектебімізде тіл білімі ғылымының докторы 2, тарих ғылымдарының докторы 1, магистр дәрежелі 15 ұстаз қызмет етеді. Моңғолия Ұлттық Білім университетінің құрамына кіру арқылы сапалы кадрлар даялау, бірлескен бағдарламаларды жүзеге асыру, ұстаздардың біліктілігін арттыру, қос тілді білім беру саласының зерттеу жұмыстарын қолға алу және лицей мектебінің ашылуы қатарлы жұмыстар атқарылады.” – деді филиалдың директоры Гаура Сәбиханқызы.

Зерттеулерге қарағанда Моңғолияда 2030 жылға қарай халық санының өсуіне байланысты мұғалімдерге деген сұраныс артады деп күтілуде. Сондықтан МҰБУ-ның Баян-Өлгий аймағындағы Мұғалімдер мектебі сұранысқа сай сапалы кадр даярлауға ат салысатынын жұмыс тобының жетекшісі, доцент Н.Мягмарцоож сөзге тиек етті.  

Баян-Өлгийдегі Мұғалімдер мектебінің ғылыми кеңесінің хатшысы,  доктор Қиналған Жылқыайдарқызының айтуынша: “МҰБУниверситіне қарасты жалпы білім беретін мектепке біздің жаңадан ашылатын лицейден оқушы алмасу бағдарламасын жүзеге асыратын боламыз. Моңғол және қазақ мәдени орталықтарын құрып, түрлі үйірмелер ашылады. Лицейге 10, 11, 12 сынып оқушылары қабылданады. Оқушыларға ағылшын тілі, математика және информатика пәндерінен қосымша сабақ жүретін болады.” – деді.