Спорт

Сайед Моллай Әзербайжан құрамасына ауысты

Published

3 years ago

May 5, 2022

5 мамыр, KAZNEWS. Дзюдошы Сайед Моллай Әзербайжан ұлттық құрамасына ауысты.

Дзюдошы Сайед Моллай Әзербайжан дзюдо федерациясына өтініш беріп, алдағы жарыстарда бұл елдің атынан қатысуға ниет білдірген.

Әзербайжан дзюдо федерациясы оны еліне шақырып, Халықаралық дзюдо федерациясының ұйғарымымен өз құрамасына қабылдаған.

Сайед Моллай Бакуде Еуропа чемпионатына қатысатын құрамамен бірге жаттығу жиындарына қатысып, медициналық тексеруден өткені хабарланды.

81 келі салмақта өнер көрсететін 30 жастағы Моллай Иранда туған. Тегі әзербайжан. Ол 2019 жылдан бері Моңғолия құрамасының мүшесі атанып, 2020 жылғы Токио Олимпиадасында күміс жүлдегер атанған.

2019 жылы 12 желтоқсанда өткен Қытайдың Циндао қаласындағы «Мастерс жарысына» Моңғолия құрамасынан 20 спортшы сынға түскен. Олардың арасында дзюдодан әлем чемпионы Сайд Моллай бар болатын. Бірақ бұл турнирден ол жүлдесіз оралған. Ал, Будапешт қаласында 2020 жылы қазан айында өткен үлкен дулыға жарысында қола жүлде алып, Моңғолияға алғашқы жүлдесін сыйлаған.

Азаматтығын Моңғолияға ауыстырған спортшы бұрын Иран атынан күресіп 2017 жылғы әлем чемпионатынан қола медаль алса, 2018 жылы әлем чемпионы атанған.

2019 жылғы әлем чемпионатында Иран үкіметінің саяси көзқарасы салдарынан жартылай финалда ұтылғаны кейін белгілі болды. Сайд Моллай Германия азаматтығын алады деген қауесет спорт сүйер қауым арасында тараған болатын.

Бірақ ол, Моңғолияны таңдаған.

Моңғолияның сол кездегі Президенті Х.Баттулга 2019 жылы 20 қараша күні жарлық шығарып, Сайед Моллайға азаматтық берген.

“Judo Inside” агенттігінің хабарлауынша Моңғолия дзюдодан 2004 жылдан бері олимпиада ойындарында үздіксіз жүлде алып келеді. Бұл үрдісті жалғастыру үшін ішкі бәсекелесті арттыру мақсатында Сайд Моллайді әкелді, – деп жазады.

Спорт

Еркебұлан Байытұлы әлемдік аренада екі бірдей жүлде жеңіп алды

Published

12 months ago

November 27, 2023

Kaznews Agency

62 елдің үздік спортшылары қатысқан Астанада өткен чемпионатта Mr.olimpia amateur qualifier Astana IFBB PRO 2023 сайысында (Mensphysique Novice категориясында) алтын медалды Моңғолия елінде тұратын Еркебұлан Байытұлы атты спортшы қандасымыз жеңіп алды.

Сонымен қатар осы спорттың Mensphysique Open Class D түрінен қола медалды тағы қанжығасына байлаған. Бұл туралы үздік спортшының Моңғолияда тұратын әкесі ақын Байыт Қабанұлы хабарлады.

Жазба авторы бұл Астана қаласында болып жатқан әлемдік деңгейдегі аса беделді спорттық шара екенін айтады.

Ақын Байыт Қабанұлы баласының Астанаға барғанда алдынан күтіп алып, үйіне жатқызып, барлық жағдайын жасаған Ұларбек Дәлейұлына және оның отбасына ризашылығын білдірген.

Спорт

Бекнұр Қалиұлы Азия ойындарын жеңіспен бастады

Published

1 year ago

September 27, 2023

Kaznews Agency

27 қыркүйек, KAZNEWS. Моңғолиялық боксшы Бекнұр Қалиұлы Қытайдың Ханчжоу қаласында өтіп жатқан Азия ойындарын жеңіспен бастады.

Моңғолия құрама сапында +92 келі салмақ дәрежесінде өнер көрсететін Бекнұр Қали командаластары арасынан алғашқы болып рингке Непал спортшысы Дувади Ашишпен жұдырықтасты.

Өз спорттық жолында алғаш рет ірі жарыста ел намысын қорғап жатқан Бекнұр Қали 3:1 есебімен жеңіске жетті.

19-шы Азия ойындарында жеңіл атлетикададан 400м және 800м қашықтыққа жүгіру, ерлер арасындағы 4х100 м эстафета бойынша жүгіру сайысына Жандос Нарауұлы қатысуда.

Сонымен қатар баскетболдан қыздар арасындағы сайыста Бұлбұл Мұратқызы бақ сынауда. Баскетбол командасы 27 қыркүйекте алғашқы кездесуін Қытай құрамасына қарсы өткізіп, ұтылып қалды. Екінші кездесуін 29 күні Үндістан, үшінші кездесуін 1 қазан күні Индонезия құрамасына қарсы ойнайды.

Естеріңізге салсақ Моңғолия спортшылары 19-шы Азия ойындарында бүгінге дейін 6 медаль иеленуде. Ел қоржынында 2 күміс, 4 қола бар. Биылғы Азия ойындарына 410 спортшы бақ сынауда.

Моңғолия 1974 жылдан бері Азия ойындарынан барлығы 161 медаль жеңіп алса, олардың 24-і алтын, 46-сы күміс, 91-і қола медаль.

Спорт

Батырбек Шәрівұлы жасөспірімдер арасындағы жарыста топ жарды

Published

1 year ago

September 3, 2023

Kaznews Agency

03 қыркүйек, KAZNEWS. Баян-Өлгий аймағының “Тас түлек” клубының палуаны Батырбек Шәрівұлы Өвөрхангай аймағында ұйымдастырған мемлекеттік “гарьд” дәрежелі палуан Ц.Бямба-Отгонға құрмет көрсетуге арналған сайыста жасөспірімдер арасында топ жарып, бірінші орын иеленді.

Батырбек Шәрівұлы 16 жаста. Сұмындық піл дәрежелі палуан атағы бар. Батырбек бұған дейін Завхан аймағы орнауының 100 жылдығына орай ұйымдастырылған мерей тойда жасөспірімдер арасында топ жарған болатын.

View this post on Instagram

A post shared by Kaznews (@kaznewsmn)

#KazNews

Моңғолияда

Футбол федерациясының бас демеушісі ретінде Turan World компаниясы жұмыстайды

Published

1 year ago

August 29, 2023

Kaznews Agency

29 тамыз, KAZNEWS. Баян-Өлгий аймағының Футбол федерациясының бас демеушісі ретінде Turan World компаниясы жұмыстайды.

Бұл туралы ақпарат Turan World компаниясының директоры Ерболат Әшікұлы мен аймақтық Футбол федерациясының басшысы Ертай Оралұлы арасындағы кездесуден кейін белгілі болды.

Тараптар 5 жылдық ынтымақтастық туралы келісімге қол қойған.

Келісім шарт аясында аймақтық футбол құрамасының киімдері толығымен жаңартылып, жарыстарға қатысу үшін қаржылай қолдау көрсетіліп тұрады.

#KazNews