25 наурыз, KAZNEWS. Баян-Өлгий аймағының былғары қолғап шебері Бекнұр Қалиұлы Қырғызстандағы халықаралық турнирде қырғыз боксері Елшороулы Оматбекті ұтып чемпион атанды.

Қырғызстанның астанасы Бішкек қаласында Наурыз айның 20-25 аралығында өтіп жатқан Кеңес Одағының Батыры Дуйшенкул Шопоковты еске алуға арналған 45-ші бокстан халықаралық турнирдің  +92 келі салмағында жартылай финалда Сайпов Сарбатбекті 3:2 есебімен ұтып, финалда Елшороулы Оматбекпен кездесті.

25 наурыз, KAZNEWS. Баян-Өлгий аймағының былғары қолғап шебері Бекнұр Қалиұлы Қырғызстандағы халықаралық турнирде финалға жолдама алды. Бұл туралы Баян-Өлгий аймағының Бокс Федерациясының баспасөз қызметі хабарлады.

24 наурыз күні Қырғызстанның астанасы Бішкек қаласында Наурыз айның 20-25 аралығында өтіп жатқан Кеңес Одағының Батыры Дуйшенкул Шопоковты еске алуға арналған 45-ші бокстан халықаралық турнирдің жартылай финалы өтіп, Монғолия ұлттық құрама командасы боксшылары Хархүү Энхмандах (54 келі) пен Доржсамбуу Ганболд (57 келі) қола жүлдегер атанды. 

Сонымен қатар, Хархүү Энх-Амар (60 келі) Өзбекстан боксшысы Бахтиров Айыпхонды 5:0 есебімен ұтып финалға шықса, ринг иесі Сайпов Сарбатбекті 3:2 есебімен ұтқан Бекнұр Қалиұлы да (+92 келі) финалға жолдама алды.

Бұл жарыстан қола жүлде иелері 500 долларға ие болса, күміске 700, жеңімпазға 1400 доллардан беріледі.

Бүгін 25 наурыз күні финалда өнер көрсететін Хархүү Энх-Амар мен Бекнұр Қалиұлына сәттілік тілейміз! 

Бекнұр Қалиұлының финалдағы қарсыласы Елшороулы Оматбек болмақ.

Айта кетсек, ұлттық құрама командасы бұл жарыстан кейін Өзбекстан елінде оқу жаттығу жиынына қатысып, аталмыш елдің Ташкент қаласында 01-14 мамыр аралыңында өтетін Әлем чемпионатына қатысатын болады.

KAZNEWS. 11-12 ақпан күндері “Орталық” спорт кешенінде ересектер арасында бокстан Моңғолия чемпионаты мәресіне жетті. 5 күн бойы 185-ге жуық былғары қолғап шеберлері өзара мықтыны анықтады.

Қайнар Қайсанайұлы бастаған Баян-Өлгий аймағының былғары қолғап шебелері 1 алтын, 3 күміс және 1 қола жүлдеге ие болды. 

+92 келі салмақта финалда Бекнұр Қалиұлы мен Ерболат Төлекұлы кездесіп, 4:1 есебімен Бекнұр Қалиұлы бокстан 2023 жылғы ел чемпионы атанды. Ерболат Төлекұлы ел чемпионатының күміс жүлдесін қанағат тұтты. 

Ерлер арасындағы 75 келіде Жандос Асқарұлы күміс жүлдегер, 60 келі салмақта Нұрлан Асқарұлы қола жүлдегер атанды.

Сонымен қатар қыздар арасындағы 75 келіде Зейнеп Әзімбайқызы мен 48 келі салмақта налайхандық Жанаргүл Бейсенбейқызы да  финалға дейін жетіп, күміс жүлдегер атанды. 

Айта кетейік, Еркін Жамантайұлы жаттықтыратын “Хилчин” спорт клубы қорытынды есеп бойынша үшінші орыннан көрінген. 

Аргентина, Уругвай, Чили және Парагвай елдері футболдан 2030 жылғы әлем чемпионатын өткізуге өтінім берді. Бұл туралы ҚазАқпарат Аргентина футбол федерациясының баспасөз қызметіне сілтеме жасап хабарлайды.

Аргентина футбол федерациясының баспасөз қызметінен мәлім еткеніндей, бұл аталмыш төрт елдің тарихындағы маңызды оқиға болмақ.

«Әлем кубогының 100 жылдығы қарсаңында біз оны тағы да өткізуді армандаймыз. Біз, оңтүстікамерикалықтар, футболмен өмір сүреміз. Бұл үлкен міндеттеме екендігін білеміз. Аргентина, Уругвай, Парагвай және Чилидің 2030 жылғы әлем чемпионатын өткізуге лайық екендігін бүкіл әлемге дәлелдейміз», деді К.Тапиа.

Аргентинаның өткен жылы Қатардағы әлем чемпионатының жеңімпазы атанғаны мәлім.

Келесі дүниежүзілік біріншілік 2026 жылы АҚШ пен Мексикада өтеді.

Еске сала кетейік, бұдан бұрын Криштиану Роналдудің Сауд Арабиясының футболына қандай өзгеріс әкелгенін жазған болатынбыз.

Сондай-ақ Лионель Месси Оңтүстік Американың үздік ойыншысы атанды.