Моңғолияда

Бұл сайлау қоғамды өзгерте ала ма?

Published

4 years ago

June 8, 2020

Бұл реткі сайлау қайтадан ренжісіп, бір-бірімізге сынап-мінеп, мазақ қылып, келеке етпеуіміз үшін міндетті түрде қоғамдық өзгерістің бастамасы болу керек. Әрбір азамат, әсіресе жастар сол үшін сайлауға қатысып, конcтитуциялық құқығымызды иеленіп, дауыс беруге тиістіміз. «Келесі жолы» деп кейінге ысыра беретін уақыттың барлығы сенің жастық шағың мен арманыңды ұрлап жатқанын болдырмау шарт. Ең жоқ дегенде, өзің ұнататын жұмысыңды істеп, тапқан табысыңның өміріңе жетіп, алаңсыз өмір сүруің үшін ТАҢДАУЫҢДЫ ДҰРЫС ЖАСАУҒА міндеттісің. Ал бұл таңдаудан менің күтетінім не дейсің ғой?!

1. Саяси партиялардың бүлігінен пайда болған ауылдық жерлер мен Ұланбатыр қаласының ауылжайлары дамудан артта қалуын жойып, оларға өздері дамитын мүмкіндік беру қажет.
2. Саясатқа араласу нәтижесінде қол жеткізген мүмкіндікті пайдаланып, заңсыз байлыққа ие болатын мемлекеттік бизнестік құрылымды түбірімен өзгерту керек.
3. Кез келген қаржыландырудан «делдалдық» деген сылтаумен 10 пайыздық үлес жымқыратын билік басындағылардың «жан қалталары» мен «жоғарыдан тағайындалған» ымыраласқан топтардың көзін жойған дұрыс.
4. Заңи ұйымдар мен құқықтық органдарды бір-бірінен өш алаты, қысым көрсетіп қорқытатын «қару» етіп қолдануға нүкте қоюуымыз шарт.
5. Теріс әрекеті әшекереленіп қалғанда жазаланбау үшін әртүрлі айла-шарғы қолданып «жалтару», сонысына мәртебе санап айбарлануды қойған жөн.
6. Тек қана жеке мүдделерін алға қойып ымыраласып, азаматтар мен балалардың тыныш әрі қауіпсіз ортада өмір сүру құқығын аяққа таптаған жолдастарды қайта сайламасақ.
7. Барлық зат өз орнында тұрғанын, яғни халыққа жаны ашитын саясаткерлер билікте, алаяқтар түрмеде, дарындылар өз-өз саласында, қоғамға зияны тиетіндер үйінде болғанын өте-мөте қалаймыз.

Азғантай ғана моңғолдар, біздер өзіміздің келешегіміз үшін дұрыс таңдау жасайтын уақыт келді. 2020 жылғы сайлауда саналы түрде таңдау жасап, асыл мұратымызды арқалап, қоғамдық жаңартуды бастауымыз керек.

Алайда:
– Басқалардың таңдау құқығына қол сұғып, өз таңдауымды тықпалағым келмейді
– Біреудің тапсырысымен басқаларға жала жауып, мазақ қылып, қарғап сілегенді қаламаймын
– Қайткенде де партия соңынан көз жұмып ілеспей-ақ қоғамға игі ықпалын тигізетін жақсы жастарды сайласақ деймін
– Мүмкіндігінше жақ-жақ болып, бет жыртысып дауласып, қырқыспасақ
– Жеке адамның сайлау және сайлану құқығы бар болғандықтан оларға да құрметпен қарап үйренейік. Біз қандай қоғамда өмір сүруді қаласақ, сондай қоғамды өзіміз құратын боламыз. Ешкім де бізге ондай қоғам орнатып бермейді. Сондықтан бұл жолғы сайлаудағы біздің қатысу белсенділігіміз өте маңызды.

ТАҢДАУЫМЫЗ ТАЛҒАМДЫ БОЛСЫН!

Харнууд Гомбосүрэнгийн Галбадрах

Related Topics:Kaznewsmn Сайлау2020

Up Next

Парламент сайлауын ұйымдастыруға қанша қаржы жұмсалады?

Don't Miss

ХВҚ Моңғолияға COVID-19 вирусы салдарымен күресу үшін 99 млн доллар береді

Kaznews Agency

Казньюс агенттігі

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

1 week ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

4 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

4 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

4 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.