Connect with us

Моңғолияда

Билік кімге бұйырады?

Published

on

Бүгін МҰХ-ның 2020 жылғы кезекті сайлауына атын ұсынушы үміткерлер куәліктерін алып, үгіт-насихат науқанын бастады. Бұл жолғы парламент сайлауына 13 партия, 4 одақтан 485, дербес 121, барлығы 606 атын ұсынаушы додаға түспек. Солардың ішінен сегізінші реткі парламент жасақталып, сұрыпталатын сайлау 22 тәуліктен кейін, яғни маусымның 24-і күні өтеді.

Ал сайлаушылар мемлекеттік билікті қолына тапсыратын саяси күш пен ел тізгінін ұстайтын мемлекеттік жоғары лауазым иелерін сайлайтын таңдау жасау жауапкершілігін мойнына жүктейтін де сын сағат таяды. Осыған байланысты сіздердің назарларыңызға сайлауға қатысушы партия, одақ басшыларының сайлаушыларға арнаған жолдауларынан үзінді ұсынамыз.

Моңғол халық партиясының төрағасы У.Хүрэлсүх: Моңғолия мүддесі деген жалғыз ғана мүдде үшін бірігейік

– Осыдан төрт жыл бұрын еліміз жағдайы қандай қиын болғаны әлі де есімде. Әлемдік қауымдастық алдында дефолт жарияламақ болдық. Шетелден алған қарыз, бондтарды қалай өтеу, бюджет пен қаржылық реттілікті қалай жолға қою, экономика өсімін қайтіп пайда болғызамыз деген көптеген мәселемен біздің үкімет бетпе-бет келді. Сондықтан біз бюджеттік жауапкершілікті жақсартып, экономиканы өсірдік. Біз ұрпағымызға қарыз емес, мұра қалдыруды көздедік. Біздің үкімет мұнай өңдеу, металлургия өндірістері, жаңа әуежай, аурухана, мектеп, балабақша, автожол, темір жол төсеу қатарлы ауқымды жасампаз істерді бастап, сәтті жүзеге асырып жатыр. Сіздерді Моңғолия мүддесі деген жалғыз ғана мүдде үшін жұмылып, сол мақсатты орындауға атсалысуға шақырамын.

Демократиялық партиясының төрағасы С.Эрдэнэ: Бостандық пен тең құқық кепілі демократия үшін дауыс беретіндеріңізге сенемін

– Экономика өсімін қамтамасыз етіп, әл-ауқат қорының игілігін тең бөліске салып, заң салтанат құрған қауіпсіз Моңғолияда әр жанұяға дамыс әкеліп, азаматтардың табысы артқан еркін қоғам қалыптастырып, кемелдендіреміз дегенге кәміл сенемін. Демократиялық елдің еркін азаматтары, сіздер жауапкершілікті таңдау жасау жолында тұрсыздар. Халықты кедейлендіріп, қарызды молайтқан, қара тізімге ілініп, азаматтар мүмкіндігін ұрлаған билік басындағылармен есептесетін кез келді. Біз сіздердің бостандық пен тең құқықтық кепілі болған демократия үшін таңдау жасайтындарыңызға сенеміз!

“Сіз бен біздің одағымыз” коалиция басшысы Н.Энхбаяр: Моңғолияның үш құндылығын дамыту бағдарламасын ұсынамыз

– “Сіз бен біздің одағымыз” коалициясынан 76 үміткер ұсындық. Өкініштісі ОСК МХП-ның басшылығы тапсырмасымен екі адамымызды тізімге енгізбей тастады. Сондықтан оны заңсыздық деп көріп, сотқа жүгіндік. Сот отырысы маусымның 4-і күні болады. Біздің коалиция «Моңғолияның үш құндылығы» атты сайлауалды бағдарламасын ұсынады. Біріншісі – еліміздің басты байлығы, ол – Моңғол адамы. Екіншісі – қоғамның тірегі отбасы. Үшіншісі – осы екі құндылыққа сүйеніп дамитын мемлекет. Осы үш құндылықтың біреуін тастап, екіншісін дамыта алмаймыз. Сондықтан үш құндылықты кешенді түрде дамыту саясатын жасап, команда жасақтадық.

“Дұрыс адам электораты” коалиция басшысы Б.Найдалаа: Білімді адамдардан команда жасақтадық

– Біздің алдымызда қателесуге болмайтын буын бар. Біз өзіміздің болашағымыз бен отанымыз үшін деген ниеті бар, білімді адамдардан команда жасақтадық. Мұнда жаңа заман мамандары да бар. Моңғолияны Моңғолия қалпында сақтап, отанымызды дамудың жаңа сатысына көтеретін жұмыс жоспары, даму бағадарламасын әзірледік. Елімізді жалған уәде, кеудемсоқтықпен немесе сіріңке тұтатып, шам жағумен дамыта алмаймыз.

“Жаңа” коалиция басшысы Ж.Батзандан: «МАНАН» тобымен күресті жалғастырамыз

– Біздің коалиция алдына үлкен үш мақсат қойып отыр. Біріншіден, мемлекеттік билік пен байлықты жасырын жолдармен қолға алған «МАНАН» тобына қарсы күресті күшейтіп, нәтижеге жеткенше жалғастыратын боламыз. Айырылып қалған кен орындарын халыққа қайтарып, қоғамдық байлықты әділ бөлу мақсатын қойдық. Өткен 30 жылдағы даму саясаты қателерін түзету үшін «Жаңа» одақ сайлауға түсіп отыр. Біз әділдік үшінгі төңкеріс пен өнеркәсіптік төңкеріс жасап, халықты байлық иесі ету үшін жұмыс жүргізетін боламыз.

Моңғолияда

Моңғолия Президенті моңғол-қазақ және моңғол-тыва тілінде бастауыш сынып ұстаздарын даярлайтын факултет ашуға назар аударады

Published

on

3 қыркүйек, KAZNEWS. Моңғолия Президенті Ухнаагийн Хүрэлсүх Ұлттық тіл саясаты кеңесінің төрағасы С.Дулам және кеңестің бірқатар мүшелерін қабылдады. Бұл туралы Моңғолия Президентінің баспасөз қызметі хабарлады.

С.Дулам бастаған кеңес мүшелері Президентке моңғол тілінің емле сөздігі, этнографиялық тіл, диалектік зерттеулер, терминология, тасқа жазбаша жазылған мәдени мұраны қорғау, моңғол жазуының халықаралық стандарттық код жүйесін қалыптастыру және Моңғол тілінің ұлттық бағдарламасы аясында жасалып жатқан жұмыстар туралы таныстырды.

Кездесу барысында ел Президенті алдағы уақыттарда Моңғолияның ұмытылған және өзгертілген географиялық атауларын қалпына келтіру мен қорғау туралы жарлық шығарып, ұлттық деректер қорын құру тиімділігін атап өтті. Сонымен қатар криллица мен моңғол жазуын қатар қолданатын компаниялар мен ұйымдарға белгілі мөлшерде салық жеңілдігін көрсететін мүмкіндік туғызатынын айтты.

Қос тілде білім алуды заңдастыру, Моңғолияның Мемлекеттік ұстаздар университетінде моңғол-қазақ және моңғол-тыва тілінде бастауыш сынып ұстаздарын даярлайтын факултет ашуға, шетелдегі моңғол балаларының моңғол тіл үйренуіне назар аудару, Моңғол тілінің үлкен сөздігін құрастыруға байланысты қаражаттарды шешу керек деді.

Continue Reading

Моңғолияда

Амантай Ғафуұлы аймақтық Білім басқармасының басшысына тағайындалды

Published

on

24 тамыз, KAZNEWS. Амантай Ғафуұлы Баян-Өлгий аймағының Білім басқармасының басшысы болып тағайындалды, – деп хабарлайды аймақ әкімінің баспасөз қызметі.  

Амантай Ғафуұлы аймақ әкімінің 2021 жылы 23 тамыз күнгі  Б/32 үкімі бойынша аймақтық Білім басқармасының басшысы қызметіне тағайындалған. 

Амантай Ғафуұлы 1972 жылы Баян-Өлгий аймағында дүниеге келген. Мамандығы математик, информатика пәнінің мұғалімі. 2012 жылдан бастап Өлгий қалалық жалпы білім беретін 5 – мектеп директоры қызметін атқарған.

Continue Reading

Моңғолияда

Биыл өз астығымыз өзімізге жетеді

Published

on

21 тамыз, KAZNEWS. Астық жинау маусымын 15 тамыздан бастауды жоспарлағанбыз және 470 мың тоннаға жуық бидай жинауға ниеттіміз, деп хабарлайды Азық түлік, ауыл шаруашылығы және жеңіл өнеркәсіп министрлігінің департмент басшысы В.Үнэнбат.

Министрліктің деректеріне сенсек, биыл Моңғолия 385 мың гектардан 470 мың тонна бидай өнімін алады. Бұл орташа шығым әзірге бір гектардан 12 центнер болып тұрғанын көрсетеді.

Моңғолияның бидайға ішкі сұранысы 300 мың тонна шамасында болғандықтан биыл бұл сұранысты 100 пайыз қамтамасыз етуге жеткілікті.

Continue Reading

Моңғолияда

Үкімет басшысының орынбасары іссапармен Баян-Өлгий аймағында болды

Published

on

20 тамыз, KAZNEWS. Моңғолияның Үкімет басшысының орынбасары, мемлекеттік Төтенше комиссияның басшысы С.Амарсайхан іссапармен Баян-Өлгий аймағында болды.

Үкімет басшысының орынбасары ең алдымен аймақтық Төтенше комиссия мүшелерімен кездесу өткізіп, бірқатар тапсырмалар берді.

Аймақ әкімі Бауыржан Дәлелұлы Үкімет басшысының орынбасары С.Амарсайханға 10 тамызда ғана Мемлекеттік төтенше комиссияның шешімі бойынша Денсаулық сақтау министрлігінің қолдауымен қуаттылығы тәулігіне 20 баллонды оттегімен толтыратын қондырғының іске қосылуы науқастарға оттегінің жетіспеушілік мәселесі шешілгені туралы баяндады.

Сонымен қатар, аймақтық Біріккен ауруханада пандемияға қарсы қолданылуға арналған дәрі-дәрмектің 10 күндік қоры қалғанын мәлімдеп, рентген аппараты мен арнайы жабдықталған автокөлікпен қамтамасыз ету мәселесін қойып Үкімет басшысының орынбасары тарапынан қолдау тапты.

Баян-Өлгий аймағында коронавирус індетінің өршуіне байланысты 15 тамыздан бастап 24 тамызға дейін 10 күндік карантин режимі жарияланған болатын. Бүгінге дейін аймақта аталмыш індетті жұқтырғандардың саны 5934 ке жетіп, 344 адам ем қабылдап, 1778 адам үйлерінде оқшаулануда. Халыққа жаппай таралу қауіпі жоғары болғандықтан Жұқпалу ауруларды зерттеу ұлттық орталығынан арнайы дәрігерлер мен мамандар тобы аймақта жұмыстап жатыр.

Іссапар аясында үкімет басшысының орынбасары аймақта іске асырылып жатқан бірқатар инвестициялық және әлеуметтік жобалармен танысты.

Continue Reading
Advertisement

Бізге жазылыңыз

Сөзге тиек

Дерек2 weeks ago

Саяхатшы Х.Энхтайван: Ікей батыр туралы не білеміз?

04 қыркүйек, KAZNEWS. Саяхатшы Х.Энхтайван әлеуметтік желісінде Ікей батыр Мәзімұлы туралы қызықты жазба жариялап, қазақтың қайсар ұлы туралы мәліметпен бөлісіп,...

Дерек4 weeks ago

Жол кептелістерінен Улаанбаатар экономикасына 947 млн доллар шығын келеді

20 тамыз, KAZNEWS. Кептелістердің кесірінен Улаанбаатар қаласының экономикасына жылына 947 миллион АҚШ доллары шамасында шығын келеді. Үкіметтің өткен сәрсенбі күнгі...

Дерек4 months ago

Қазақтар дайындайтын ұлттық тағамның 10 түрі

Бесбармақ Моңғолия қазақтарының дәстүрлі етті тағамы. Бесбармақ отбасылық мейрамдар немесе қонақтарды қарсы алған кезде әзірленеді. Сыйлы қонаққа бас, жамбас тартылады....

Дерек4 months ago

Timeline: Атақ пен абыройдың айырмашылығы неде?

1 маусым, KAZNEWS. «Абырой атақ шығарады, даңққа жеткізеді» – деген нақыл сөз қазақ халқында бар. Біз әлеуметтік желі қолданушыларынан “Атақ...

Дерек4 months ago

Моңғолиялықтар Google -дан нені көп іздеді?

20 мамыр, KAZNEWS. Google 2021 жылдың сәуір айындағы мәліметтер бойынша Моңғолия азаматтарының интернеттен нені көп іздегенін анықтады. Моңғолияда биыл Google...

Дерек4 months ago

Виталик Бутерин крипто-миллиардер атанды

17 мамыр, KAZNEWS. Ethereum крипиовалютасының негізін қалаушысы 27 жастағы Виталик Бутерин әлемдік миллиардерлер қатарына қосылды. Бутерин ресми түрде тарихтағы ең...

Дерек4 months ago

Карантиндегі өзгерістер және вакцина жайлы жастардың пікірі

16 мамыр, KAZNEWS. Моңғолияда коронавирус инфекциясы 2020 жылдың қараша айында анықталып, елде әртүрлі деңгейдегі төтенше жағдай жарияланып, халықты үйден шықпауға...

Дерек5 months ago

Баян-Өлгийлік балалар Сорабан сампин бойынша онлайн сайыста жүлделі болды

Елімізде 10 сәуірде балалар арасында сорабан сампин бойынша онлайн сайыс өтті, – деп хабарлайды KAZNEWS ақпарат агенттігі Тояа балалар академиясының...

Басты назарда