Моңғолияда

Моңғолияның ең бай 10 адамы

Published

6 years ago

January 3, 2018

KAZNEWS – Жақында шетелдік michitimes.com сайты 2017 жылғы Моңғолияның ең бай 10 адамы туралы ақпаратты жария етті.
Сайттың хабарлауынша, Моңғолия кеңестік қоғамнан нарық экономикасына ауысқан кезде мүлік теңсіздігінен әлеуметтік теңсіздік өршіп, нарықтың дауылына төтеп бере алмау салдарынан бүгінгі күндері бай мен кедейдің арасы жермен көктей болып отыр.
Сол кезде бағалы қағаздардың қадірін білетін біраз азаматтар пайдасын көрген. Олар бүгін Моңғолияның ең бай адамдары атанып, байлығы миллиард доллармен бағалануда.
10 – Эрдэнэбилэг Должин – $700 000 000
«Trade Devolopment Bank», «Улаанбаатар банк» директорлар кеңесінің төрағасы Д.Эрдэнэбилэг моңғолияның таукен өнеркәсібіндегі ең ірі өндірісі болып табылатын «Эрдэнэт» -тің акциясының 49 пайызын сатып алып халыққа танылып үлгерген. Соңғы ақпараттарға жүгінсек банк қаржы, темір, цемент және тау кен саласын уысында ұстап тұр. Баспасөз беттерінде ашыққа шыға бермейтін бұл азаматтың иелік ететін байлығы әліде құпия деп көреді.

9 – Батхүү Гаваа – $700 000 000
Моңғолия парламентінің мүшесі Г.Батхүү 1991 жылы «Шунхлай» компаниясының негізін қалап, кейін «АПУ» компаниясын жеке меншікке алған. 2004-2016 жылдары Парламент мүшесі, министр қатарлы лауазымды қызметтер атқарған.

8 – Болдбаатар Цэрэнпунцаг – $800 000 000
Ұялы байланыс магнаты «Мобиком» компаниясының директоры Ц.Болдбаатар құрылыс, таукен, жылжымайтын мүлік, қаржы сервистері, ұялы байланыс, энергетика және әуе тасымалы қатарлы көптеген салада белгілі кәсіпкер ретінде танылған. Оның байлыққа қол жеткізуіне жапониялықтардың қолдауы болды деп есептейді. Изинис Эйрвэйз, Мобиком корпорациясында және Ньюком компаниясының белгілі көлемдегі акцияларын иемденуі байлардың қатарына еңуіне себеп болған.

7 – Баатарсайхан Цагаач – $800 000 000
Бұл тізімнің 7-ші орынына тұрақтаған Ц.Баатарсайхан «Таван богд групп» -тың директоры, Говь АҚ ең ірі акционері екен.

6 – Болд Лувсанвандан – $800 000 000
Парламент мүшесі, кәсіпкер Л.Болд «Бодь» компаниясының негізін қалаушылардың бірі. Ол 1996 жылы саясатқа бет бұрып Парламентке сайланған. Бірақ 2000 жылғы сайлауда жеңіліс тапқан соң бизнеске қайта оралған. 2004 жылы мемлекеттік қызмет атқарып тұрып, 2008, 2012, 2016 жылдары Парламентке қайта сайланған.

5 – Батболд Сүхбаатар – $1 000 000 000
Моңғолияның Премьер министрі болған С.Батболд 1992 жылы «Алтай трейдинг» компаниясын құрып, 2000 жылы саясатқа араласқан. 2004 жылы Парламентке сайланып 2009 жылы Моңғолияның Премьер министрі қызметіне тағайындалып жұмыстаған. Ал, 2012 жылға Парламент сайлауында оның бастаған Моңғол Халық партиясы жеңіліске ұшырағандықтан, партия басшысы мен премьер министр қызметінен босаған. Қазір Парламент мүшесі.

4 – Нямтайшир Бямбаа – $1 400 000 000
«МАК» яғни Моңғолия Алтыны корпорациясының президенті Б.Нямтайшир 1990 жылы «Одод» компаниясын, 1993 жылы «МАК» компаниясын құрған. Моңғолияда бірнеше алтын кеніштерін иемденеді.

3 – Баттулга Халтмаа – $1 600 000 000
Моңғолия Президенті Х.Баттулга 1990 жылы «Женко» компаниясын құрып, «Баянгол», «Мах Импекс» компаниясының белгілі акциясын иемденген. 2004-2016 жылдары Парламент мүшесі қызметін атқарып, 2017 жылы Моңғолия Президентінің сайлауында жеңіске жетіп, ел тізгінін қолына ұстап отыр.

2 – Чинбат Лхагва – $1 900 000 000
«Гацуурт» компаниясының директоры Л.Чинбат моңғолияның ең бай адамдарының қатарында болғанымен өзгелер сияқты амбицияға беріліп ашыққа шыға бермейтін кәсіпкер. Алғашқы бизнесін алтын кеніштерінен бастаған. Сол кезде байлыққа кенелген соң егін шаруашылығымен шұғылдана бастаған. Қазіргі таңда моңғолияның ішкі нарығын ұн және ауыл шаруашылық өнімдерімен қамтамасыз етіп отыр.

1 – Оджаргал Жамбалжамц – $2 600 000 000
Ең бай моңғолиялық деп «MCS» группының президенті Ж.Оджаргал танылды.
Ж.Оджаргалдың елде байланыс және коммуникация, азық түлік, кашмер, жылжымайтын мүлік, таукен игеру саласында 54 компаниясы жұмыс жасайды. «MCS» группінде 7000 ға жуық қызметкер бар. Central Tower, Шангри-ла қатарлы ғимараттар Ж.Оджаргал есімімен байланысты.

Related Topics:Featured миллионер Моңғолия

Up Next

IKON: Елге де, халыққа да пайдалы іс жасау Бәделхан Қабдысіләмұлының қолынан келеді

Don't Miss

KAZNEWS – Жылдың үздік 10 оқиғасы

Kaznews Agency

Казньюс агенттігі

Click to comment

Моңғолияда

Елші Ғабит Қойшыбаев брифинг өткізді

Published

2 weeks ago

September 6, 2023

Kaznews Agency

06 қыркүйек, KAZNEWS. Қазақстан Республикасының Моңғолиядағы Елшілігі Ғабит Қойшыбаев ҚР Президенті Қасым-Жомарт Тоқаевтың 2023 жылғы 1 қыркүйекте Парламент палаталарының бірлескен отырысында жариялаған «Әділетті Қазақстанның экономикалық бағдары» атты Қазақстан халқына Жолдауына арналған брифинг өткізді. Бұл туралы ҚР Елшілігінің баспасөз қызметі хабарлады.

Іс-шараға Моңғолия телеарналарының, ақпараттық агенттіктерінің және баспа басылымдарының өкілдері, сондай-ақ Моңғолияның Стратегиялық зерттеулер орталығының сарапшылары шақырылды.

Брифинг барысында Қазақстанның Моңғолиядағы Елшісі Ғабит Қойшыбаев моңғол бұқаралық ақпарат құралдары мен сарапшылар қауымдастығының өкілдеріне Жолдаудың негізгі мазмұны мен түйінді тұстарын жеткізді. Атап айтқанда, ол аудиторияны бұған дейін Президент Қ.Тоқаев ұсынған бастамаларды іске асырудағы ағымдағы жетістіктермен, сондай-ақ азаматтардың өмір сүру сапасын одан әрі жақсартуға бағытталған елдің әлеуметтік-экономикалық өміріндегі өзгерістерді тереңдету бойынша ҚР Үкіметінің алдына қойған жаңа міндеттерімен таныстырды.

Ол Президент Қ.Тоқаевтың Қазақстанның жаңа экономикалық бағытын айқындайтын қағидаттары әділдік, инклюзивтілік және үнемшілдік екенін атап өтті. Бұл ретте Жолдауда баяндалған міндеттер мен тапсырмаларды іске асыруға үш жыл ғана уақыт бөлінгенін баса айтты.
Сонымен қатар, қазақстандық дипломат алдағы салалық экономикалық реформалардың негізгі бағыттары мен тұстары туралы қысқаша баяндады. Осымен бірге, ол көзделген реформаларды сапалы және толыққанды жүзеге асыру үшін атқарушы билік жүйесінің өзін трансформациялау қажет болатынына назар аударды. Бұл трансформациялаудың негізгі бағыттары ретінде Мемлекет басшысы келесіні айқындады. Салалық шешімдерді әзірлеу және оларды орындау үшін жауапкершілікті, сондай-ақ олардың нәтижелі болуына дербес жауапкершілікті министрлер мен әкімдерге жүктеу; экономикалық саясатты іске асырудың толық жауапкершілігін Үкіметке жүктеу; Президент Әкімшілігін «саяси штаб» ретінде қайта құру және оның күш-жігерін мемлекеттің әлеуметтік-экономикалық дамуының стратегиялық бағыттарына, ішкі және сыртқы саясат, қорғаныс және қауіпсіздік, құқықтық және кадрлық саясат мәселелеріне шоғырландыру; мемлекеттік аппаратты бюрократиядан одан әрі арылту; саяси қызметкерлердің кадрлық резервін құру және т.б.
Қазақстан Елшісі көзделген реформалардың басты мақсаты – жылына 6-7% деңгейіндегі тұрақты экономикалық өсуді қамтамасыз ету, 2029 жылға дейін ұлттық экономика көлемін екі есеге арттырып, 450 миллиард АҚШ долларына дейін жеткізу екенін айтты.
Брифинг барысында Ғ.Қойшыбаев сондай-ақ ағымдағы жылы моңғол тарапының қатысуымен Қазақстанда өткізілетін кейбір көпжақты іс-шаралар туралы әңгімелеп берді. Атап айтқанда, ол аудиторияны 80-нен астам іс-шара аясында өткізіледі деп жоспарланған Шаңхай ынтымақтастық ұйымындағы Қазақстанның қазіргі төрағалығының негізгі басымдықтарымен таныстырып, Моңғолия буддистерінің жоғары лауазымды өкілінің қатысуымен өтеді деп күтілетін Әлемдік және дәстүрлі діндер лидерлері съезі Хатшылығының алдағы мерейтойлық отырысының жоспарланғанын жеткізді.
Іс-шараның аясында қазақстандық дипломат Моңғолияның Стратегиялық зерттеулер орталығының сарапшыларымен Қазақстанда өткізіліп жатқан саяси және экономикалық реформалардың мазмұнын егжей-тегжейлі талқылап, Қазақстанның сыртқы сауда саясаты мен қазақстандық-моңғол екіжақты қатынастарының кейбір мәселелері бойынша пікір алмасты.

Моңғолияда

Рим Папасы Франциск Моңғолияға мемлекеттік сапармен келді

Published

3 weeks ago

September 3, 2023

Kaznews Agency

3 қыркүйек, KAZNEWS. Рим Папасы Франциск Моңғолияға мемлекеттік сапармен келді.

Рим Папасын Моңғолия Президенті Ухнаагийн Хүрэлсүх салтанатты түрде қарсы алды.

Мемлекет басшыларының халық алдында сөз сөйлеу рәсімі өтті.

Президент У.Хүрэлсүх өз сөзінде Рим Папасы Франциск Сіздің Моңғолияға мемлекеттік сапарыңыз еліміздің көп тұғырлы бейбітшілікке бағытталған сыртқы саясаты мен қарым-қатынастары тарихында жаңа парақша ашатынына және екі ел арасындағы достық қарым-қатынаста маңызды рөл атқаратынына сенімдімін.

Рим Папасы Франциск: «Зор тыныштықпен ағаш уықты, киіз туырлықты ордаңыздың алдына келдім” деп өз сөзін құрметпен бастады.

Салт дәстүрін сақтаған Моңғолияны мәңгілік көк аспаны жарылқаған, барлық жаратылысқа қамқорлықпен қарайтын будда дініндегі елде көптеген діндер бірлігінің символына айналғанын атап өтті.

#KazNews

Моңғолияда

Футбол федерациясының бас демеушісі ретінде Turan World компаниясы жұмыстайды

Published

4 weeks ago

August 29, 2023

Kaznews Agency

29 тамыз, KAZNEWS. Баян-Өлгий аймағының Футбол федерациясының бас демеушісі ретінде Turan World компаниясы жұмыстайды.

Бұл туралы ақпарат Turan World компаниясының директоры Ерболат Әшікұлы мен аймақтық Футбол федерациясының басшысы Ертай Оралұлы арасындағы кездесуден кейін белгілі болды.

Тараптар 5 жылдық ынтымақтастық туралы келісімге қол қойған.

Келісім шарт аясында аймақтық футбол құрамасының киімдері толығымен жаңартылып, жарыстарға қатысу үшін қаржылай қолдау көрсетіліп тұрады.

#KazNews

View this post on Instagram

A post shared by Kaznews (@kaznewsmn)

Моңғолияда

“Altai Academy” Ресейдің Алтай Республикасының университетімен ынтымақтастық орнатты

Published

4 weeks ago

August 28, 2023

Kaznews Agency

28 тамыз, KAZNEWS. Баян-Өлгий аймағында орналасқан “Altai Academy” тіл үйрету орталығы Ресейдің Алтай Республикасының университетімен ынтымақтастық орнатты. Бұл туралы Altai Academy орталығының директоры Берік Әкебайұлы хабарлады.

Ынтымақтастық бойынша аймақтағы мектеп оқушыларының орыс тілінің біліктілігін арттыру мақсатында Ресейден ұстаздар Алтай академиясына тұрақты келіп тұрмақ.

Оқушылардың жазғы және қысқы демалыстарында арнайы курстар жұмыстайтын болады.