Connect with us

Моңғолияда

Аймақ әкімі Цэнгэл сұмынында жұмыстап қайтты

Published

on

KAZNEWS – Аймақ басшылығының екі жылдан бері дәстүрге айналған ел аралап, азаматтардың арыз, тілегін тыңдау жұмысы мамырдың 18-20-ы күндері Цэнгэл сұмынында жалғасты. – деп хабарлайды аймақ әкімінің баспасөз қызметі.

Өткен екі жылда аймақ әкімі, оның орынбасары, Аймақ әкімі Іс басқармасының басшысы бастаған жұмыс топтары жаңа жылдың алғашқы жұмыс күндерін сұмындардан бастап, барлық сұмындарды аралап, атқарылған шаруалар мен аймақтың әлеуметтік-экономикалық жағдайы, сұмын басшыларының жұмыс нәтижесі, алда жоспарланып отырған жұмыстар туралы азаматтарға есеп беріліп, халықтың ұсыныс-пікірлері тыңдалған болатын.

Сондай-ақ, халықпен кездесу барысында айтылған пікірлер, шешімін таппай отырған түйткілді мәселелер аймақ басшылығының жылдық жұмыс жоспарына енгізіліп, құзырлы мекемелерге арнайы тапсырмалар да берілді. Осынау игі істің жалғасы ретінде аймақ әкімі Дәрмен Құзыкейұлы осы аптаның алғашқы жұмыс күндерінде биылғы жылы 90 жылдық торқалы тойын атап өткізгелі отырған Цэнгэл сұмынының Сұмдыайрық, Құрғақғобы, Жыланды өлкелеріндегі 5, 3, 1, 2-бақ малшыларының хал жағдайымен танысып, кездесулер өткізді. Басқосуларда аймақ әкімі халыққа өткен уақытта атқарылған жұмыстар жайлы таныстырып, аймақ және ел экономикасына қатысты ақпарат, түсініктер берді.

Бір қуанарлық жағдай – ақпараттық технологиялардың жетістігі малшы қауымның тұрмыс-тіршілігіне дендей еніп, олардың рухани өміріне тың серпіліс бергендігі байқалады. Бір ғана аймақ шеңберіндегі ақпараттармен шектелмей, радио, жерсеріктік телевизия арналары, радио толқыны арқылы ел көлемінде, шетелдерде болып жатқан жаңалықтарды да қалыс жібермей қабылдай алатын мүмкіндікке қол жеткізген қыр халқының айтқан ұсыныс пікірлері де жеке бастың мүддесі ауқымынан шығып, жалпыхалықтық, қоғамдық сипат алғаны байқалады.

Азаматтар Сырғалы өлкесіне ұялы телефон желісін орнату, бес бақтың халқына қызмет көрсетіп отырған Құрғақғобы және Шыбарқарағайдағы көшпелі аурухана құрылыстарына жөндеу жүргізу, көшпелі балабақшаларды жалғасты жұмыстатып, санын арттыру, көпшілік көңілінен шықпай отырған мал дәрігері мекемесінің жұмысы туралы құзырлы орындарға жеткізіп, даяшылық сапасын арттыру, Хатуудың жолын жөндеу, Ұзын Көйтен өзеніне көпір салу, сұмындағы Жергілікті жерді дамыту қоры қардысымен атқарылып жатқан жұмыстардың нәтижесіне қорытынды жасау шараларын қолдануды сұрады.

Ел арасына жік салып, сыңаржақтық саясатқа бой ұрған кейбір саясаткерлердің қоғамға залалды іс-әрекетін, бұрынғы жылдары науқастарға ота жасап тұрған сұмынаралық аурухананың бүгінгі таңда ең бергісі соқыршекті де айыра алмайтын біліксіз дәрігерлермен қатары молыққанын сынады. Аймағымыздағы білім беру мекемелері қызметкерлерінің кәсіптік біліктілік деңгейінің жоғарыламай отырғанына, сол арқылы келешек ұрпақтың өміріне балта шабылып жатқанына алаңдаушылық білдіріп, бүгінгі нарықтағы түбіт пен мал, шикізат бағасының көтерілетіндігіне үмітті екендіктерін жеткізді.

Цэнгэл сұмыны 2014 жылы Үкіметтің «Жаңа сұмын» жобасына қамтылып, 5 миллиард төгрөгтің жасампаздық істері атқарылып жатқаны белгілі. Аймақ әкімшілігінің тұрақты бақылауында жүзеге асырылып жатқан жұмыс барысы қазіргі таңда 80 пайыздан асып отыр. Жоба жұмысы биылғы жалы еліміздің Даму банкінен қаржыландырылып, толық аяқталмақ. Бұған қоса өткен 2 жылда аймақтық Жол қорынан Аққол суына көпір салуға 80 миллион төгрөг, Хатуу, Жыланды өзендеріне көпір салуға 9 миллион төгрөг қаражат бөлініп ел игілігіне жарарлық шаруалар атқарылды.

Сұмын халқымен кездесу барысында азаматтар тарапынан айтылған кейбір өтініштерге жерінен шешім де айтылды. Мәселен, Даян, Сырғалы өлкелеріне ұялы телефон желісін орнату жұмысы жақын уақыттарда жүзеге асырылатындығын, сурет жобасы дайын болған жағдайда Үлкен Дүргін өзені мен Шыбарқарағайдағы көшпелі аурухананың құрылысына жөндеу жүргізуге қол ұшын беретіндігін аймақ әкімі мәлімдеді. Цэнгэл сұмынының қыр бақтарының халқымен болған кездесулерден кейін аймақ әкімі Дәрмен Құзыкейұлы сұмын орталығында көпшілікпен кездесу өткізді.

Аймақ әкімі осы реткі сапары қарсаңында Улаанхус сұмынының 6-бағының Бұқаралық жиналысына да қатысып, малшылардың жағдайымен танысты. Бұл кездесуде азаматтар көші-қон, ата малды бөлу қатарлы мәселелерді талқылап, аймақ әкімінен аймағымыздың тыныс-тіршілігі, жұмыс барысы туралы қысқаша ақпарат тыңдады. Сонымен қатар бақ жиналысына Уланхус сұмынының әкімі Ж.Сіләмбол аталмыш бақ әкімі К.Бағдәулатты қызметтен түсіру туралы ұсыныс енгізгенімен азаматтар «көктемгі қауырт қимыл, науқанды жұмыстар кезінде саяси ойын ойнау тиімсіз» деп көріп, бұл мәселені сөйлесуден бас тартты.

Жоғарыдағы кездесулерде аймақ басшысына айтылған барлық ұсыныс-пікірлер Аймақ әкімі Іс басқармасы тарапынан сарапталып, бүгінгі күндері тиісті мекемелерге азаматтардың арыз, ұсыныстарын қанағаттандыру туралы міндеттер мен тапсырмалар беріліп жатыр.

Моңғолияда

Тоқаев Моңғолияның жаңадан сайланған президентіне құттықтау жеделхатын жолдады

Published

on

Қазақстан Республикасының Президенті Қасым-Жомарт Тоқаев Ухнаагийн Хүрэлсүхтің Моңғолия Президенті болып сайлануына байланысты құттықтау жеделхатын жолдады, деп хабарлайды Akorda.kz.

“Ciздi Моңғолияның Президенті лауазымына сайлануыңызбен Қазақстан халқының және жеке өзімнің атымнан шын жүректен құттықтаймын!

Сайлаудағы айқын жеңісіңіз мемлекетіңіздің дамуына қосқан мол үлесіңіз бен қажырлы еңбегіңіздің нәтижесі және моңғол халқының өзіңізге артқан үлкен сенімі деп білемін. Осы ретте, еліңіздің болашағын жарқын, мерейін үстем етуге бағытталған бастамаларыңыз бен жоспарларыңыздың әрдайым сәтті жүзеге асатынына кәміл сенемін.

Қазақстан мен Моңғолия арасындағы өзара құрмет пен жан-жақты ынтымақтастыққа негізделген дәстүрлі қатынастардың өpici кеңейгенін ерекше атап өтемін. Халықтарымыздың игілігі үшін екіжақты және көпжақты форматтардағы әріптестігімізді дамытуда Сізбен бірге күш-жігер жұмсауға дайын екенімді нақтылаймын.” – делінген жеделхатта.

Қасым-Жомарт Тоқаев Ухнаагийн Хүрэлсүхтің аса жауапты қызметіне толағай табыс, отбасына баянды бақыт тілеп, достас моңғол халқының өсіп-өркендей беруіне тілектестік білдірді.

Continue Reading

Моңғолияда

Ухнаагийн Хүрэлсүх Моңғолияның Президент сайлауында жеңіске жетті

Published

on

10 маусым, KAZNEWS. Моңғолияның бұрыңғы Премьер-министрі Ухнаагийн Хүрэлсүх 9 маусымда өткен Президент сайлауында жеңіске жетіп, биліктегі Моңғол Халық партиясының билігін одан әрі нығайтты.

Моңғолия Президентінің сайлауына Моңғол Халық партиясынан атын ұсынған Ухнаагийн Хүрэлсүх 822923 дауыс (67.8%), «Дұрыс адам» элоктораты коалициясынан атын ұсынған Дангаасүрэнгийн Энхбат 246955 дауыс (20,3%), оппозициялық Демократия партиясынан атын ұсынған Содномзундуйн Эрдэнэ 72800 дауыс (6%) жинаған.

Кандидаттардың еш біріне белгі соқпаған 71 мың 921 қағаз тіркелген.

Естеріңізге салсақ, бұған дейін 1993 жылғы Моңғолия Президентінің алғашқы сайлауында П.Очирбат сайланған. Одан кейінгі 1997 жылғы және 2001 жылғы сайлауда Н.Багабанди, 2005 жылғы сайлауда Н.Энхбаяр, 2009 жылғы және 2013 жылғы сайлауда Ц.Элбэгдорж, 2017 жылғы сайлауда Х.Баттулга 4 жыл мерзімге сайланған болатын.

Ухнаагийн Хүрэлсүх Демократиялық сайлаумен сайланған Моңғолияның алтыншы президенті атанып отыр.

Моңғолия Конституциясына еңгізілген өзгерістер мен толықтыруларға сәйкес ел Президенті 6 жыл мерзімге сайланды.

Continue Reading

Моңғолияда

Моңғолия 1 маусымнан бастап шекарасын ашты

Published

on

2 маусым, KAZNEWS. Моңғолия 1 маусымнан бастап шекарасын ашты. Бұл туралы Үкіметтің баспасөз қызметінің бастығы Ц.Чинзориг хабарлады.

Моңғолия 2021 жылдың 1 маусымынан бастап өз шекарасы ашты. Нәтижесінде ел азаматтары Түркия, АҚШ, Біріккен Араб Әмірліктері, Греция, Қырғызстан, Тайландия, Бразилия, Египет және Үндістан қатарлы оннан астам елге бара алады.

Әлемнің 110 -нан астам елі, соның ішінде Ресей, Қытай, Оңтүстік Корея, Жапония және өзге Еуропа елдері шекараларын жартылай немесе толық жауып, шетелдіктерге виза беруді тоқтатқан болатын.

Моңғолия азаматтары еркін саяхаттайтын елдер санын көбейту мақсатында Моңғолия Үкіметі тарапынан коронавирусқа қарсы вакцинацияланған азаматтарға вакцина салдырғанын растайтын куәлік беріп, оны қуатты деп тану үшін Қытай, Ресей, Оңтүстік Корея, Қазақстан Республикасы, Венгрия және өзге Еуропа елдерімен дипломатиялық келіссөздер жүргізіп жатқанын айтты.

Continue Reading

Моңғолияда

Моңғолияда өткен тәулікте 927 адамнан коронавирус анықталды

Published

on

31 мамыр, KAZNEWS. Моңғолияда өткен тәулікте 927 адамнан коронавирус инфекциясы PCR арқылы анықталды, деп хабарлайды covid19.mohs.mn.

Аймақтар бойынша:

• Увс аймағында 12
• Орхон аймағында 8
• Баян-Өлгий аймағында 7
• Дархан аймағында 4
• Төв аймағында 41
• Хэнтий аймағында 2
• Сүхбаатар аймағында 7
• Архангай аймағында 2
• Булган аймағында 7
• Ховд аймағында 5 тіркелді.

Жалпы ел бойынша ауырғандар саны 58439. Жазылып шыққандар 50436. Көз жұмғандар 276.

Ел бойынша вакцинация салдырғандар саны 1,226,823.

Continue Reading
Advertisement

Бізге жазылыңыз

Сөзге тиек

Әлемде7 days ago

ҚР-ның Президенті адам құқықтары саласындағы одан әрі шаралары туралы Жарлыққа қол қойды

Қазақстан Республикасының адам құқықтары саласындағы одан әрі шаралары туралы жарлыққы қол қойды, деп хабарлайды Моңғолиядағы ҚР-ның Елшілігінің баспасөз қызметі. Адам...

Әлемде7 days ago

Вакцина қабылдаған Моңғолия азаматтары Қазақстанға емін-еркін кіре алады

Бүгіннен бастап Венгрия, Таиландия мен Моңғолияда вакцина алғандар Қазақстанға емін-еркін кіре алады, деп хабарлайды inbusiness.kz. ҚР-ның Мемлекеттік бас санитарлық дәрігердің...

Дерек2 weeks ago

Қазақтар дайындайтын ұлттық тағамның 10 түрі

Бесбармақ Моңғолия қазақтарының дәстүрлі етті тағамы. Бесбармақ отбасылық мейрамдар немесе қонақтарды қарсы алған кезде әзірленеді. Сыйлы қонаққа бас, жамбас тартылады....

Дерек3 weeks ago

Timeline: Атақ пен абыройдың айырмашылығы неде?

1 маусым, KAZNEWS. «Абырой атақ шығарады, даңққа жеткізеді» – деген нақыл сөз қазақ халқында бар. Біз әлеуметтік желі қолданушыларынан “Атақ...

Дерек1 month ago

Моңғолиялықтар Google -дан нені көп іздеді?

20 мамыр, KAZNEWS. Google 2021 жылдың сәуір айындағы мәліметтер бойынша Моңғолия азаматтарының интернеттен нені көп іздегенін анықтады. Моңғолияда биыл Google...

Дерек1 month ago

Виталик Бутерин крипто-миллиардер атанды

17 мамыр, KAZNEWS. Ethereum крипиовалютасының негізін қалаушысы 27 жастағы Виталик Бутерин әлемдік миллиардерлер қатарына қосылды. Бутерин ресми түрде тарихтағы ең...

Дерек1 month ago

Карантиндегі өзгерістер және вакцина жайлы жастардың пікірі

16 мамыр, KAZNEWS. Моңғолияда коронавирус инфекциясы 2020 жылдың қараша айында анықталып, елде әртүрлі деңгейдегі төтенше жағдай жарияланып, халықты үйден шықпауға...

Әлемде2 months ago

Денсаулық сақтау министрі Алексей Цой қазақстандық QAZVAC вакцинасымен егілді

2021 жылғы 26 сәуірде Нұр-Сұлтан қаласының № 9 емханасында Денсаулық сақтау министрі Алексей Цой КВИ-ға қарсы Қазақстандық QazCovid-in (QAZVAC) вакцинасымен...

Басты назарда