Connect with us

Моңғолияда

Тілейхан Әлмәлікұлы: Моңғолияда бір отбасы айына орта есеппен 220 кВт электр энергиясын пайдаланады

Published

on

KAZNEWS – Мемлекеттік энергетикалық реттеу жөніндегі комитетінен электр энергиясының түнгі тарифтік жеңілдіктеріне байланысты баспасөз мәслихатын өткізді.

Мемлекеттік энергетикалық реттеу жөніндегі комитетінің бастығы Тілейхан Әлмәлікұлы: Электр энергиясына түнгі тарифтік жеңілдік еңгізу туралы Моңғолия Үкіметінің №119 қаулысы шыққан. Соған байланысты, ауыл үйлердің электр энергиясына тарифік жеңілдіктер көрсетілмек.

2017 жылы 6 миллиард, 2018 жылы 9 миллиард, 2019 жылы 20 миллиард төгрөгке дейін жеңілдік көрсетілген. Түнгі тарифке көрсетілетін жеңілдік 2020 жылы 28 миллиардқа жетпек. Бұл қаражаттар мемлекеттік бюджеттен шығып отыр.

Улаанбаатар қаласының энергетикалық сұранысы жыл сайын өсіп, жылына орташа есеппен 60-80 мВтпен артып келеді.

Электр энергиясының жеңілдігіне астанамыз бойынша 116 мың үй, жалпы ел көлемінде 160 мың үй қамтылып отыр. Олар, 1 қарашадан бастап кешкі сағат 21:00-ден таңғы сағат 06:00-ға дейін тұтынған электр энергиясының құнын тарифтік жеңілдік бойынша төлей алады.

Азаматтардың электр тұтыну шамасы 220В болса 700кВт.сағ, 380 В болса 1,500 кВт.сағ болады. Бұдан асып тұтынған электр энергиясын азаматтар 50 пайыздық жеңілдік бойынша төлейді.

“Моңғолияда бір отбасы айына орта есеппен 220 кВт электр энергиясын пайдаланады”

Кездесу соңында журналистердің сұрағына жауап берді.

-Үнемі шығынға батып жүретін саланың бірі электр энергетика саласы. Тарифтік жеңілдік көрсеткеннен кейін тіпті шығынға ұшырамай ма?

-Электр энергиясының бағасы 16 пайызға өскен. Бағаның өскеніне қарамастан тарифтік жеңілдік көрсетіліп отыр. Энергетикалық қадағалау жөніндегі комитетінен екі түрлі жеңілдіктер көрсетіледі. Біріншісі, түнгі тарифтік жеңілдік. Екіншісі, тұрғын үйлердегі азаматтар да жеңілдікті алып отыр.

Моңғолияда бір үй айына орта есеппен 220 кВт электр энергиясын тұтынады. Жылына 111 мың төгрөгтің жеңілдігін алып отыр.

Систем шығынға батып отырғаны шындық. Өткен жылы шығын көлемі 29 миллиард төгрөг болған. Биылда қайталанатыны сөзсіз. Бірақ, тарифтік өзгерістер бойынша шамамыз келгенше шығынды азайту үшін жұмыстап отырмыз. Ең маңыздысы біз электр энергия көздерін үнемдеп отырмыз. Түнгі тарифтік жеңілдікті тұтынушылардың қалтасынан емес, мемлекет бюджеттен төлейтіндіктен халыққа ауыртпаушылық алып келмейді.

Казньюс ұсынады. Тұрмыстық құралдар қуаттылығының кестесі

Тұрмыстық құрал Қуат бірлігі Вт
Асүй сорғысы 140–250
Киім үтіктейтін қондырғы (үтік) 1000–3500
Компьютер 400–1000
Салқындатқыш 500–2500
Қысқа толқынды пеш 800–2000
Асүй араластырғышы 200
Тоңазытқыш 200
Ыдыс жуғыш мәшине 3500
Шаң сорғыш 1000 – 1500
Автоматты кіржуғыш мәшине 3300
Теледидар 180
Тостер 900–1600
Шаш кептіргіш 800

Мысалы: тоңазытқыш үшін 24 сағатта тұтынылатын энергия мынаған тең:

Электр энергиясы = қуат  уақыт (сағатпен)/1000 

Тоңазытқыш энергиясы = (қуат ∙ уақыт(сағ))/1000 = 200∙ 24/1000= 4.8 (кВт/сағ)

Тоңазытқыш үшін бір тәуліктегі электрге төлейтін жоғарғы құны =4.8 (кВт/сағ)*126=604.8 төг

P.S. Баян-Өлгий аймағында 1 кВт электр энергиясының құны қосымша құн салығын қоспағанда 126 төгрөг.

Моңғолияда

Ғабит Қойшыбаев Моңғолияның СҚ министрлігінің Мемлекеттік хатшысымен кездесті

Published

on

2024 жылы 17 қаңтарда Қазақстан Республикасының Моңғолиядағы Елшісі Ғабит Қойшыбаев Моңғолияның Сыртқы қатынастар министрлігінің Мемлекеттік хатшысы Нямдоржийн Анхбаярмен кездесу өткізді.
Кездесу барысында тараптар Қазақстан мен Моңғолия арасындағы ынтымақтастықтың 2024 жылғы күн тәртібі бойынша пікір алмасты. Атап айтқанда, олар ағымдағы жылы жоспарланған маңызды екіжақты іс-шаралар кестесін талқылады, екі елдің ынтымақтастығының шарт-құқықтық базасын одан әрі жетілдіру сұрақтарын қарастырды, сыртқысаяси ведомстволардың түрлі бағыттардағы өзара ықпалдастығын, оның ішінде консулдық саладағы өзара тиімді әрекеттестікті одан әрі нығайтуға келісті.
Сонымен бірге, дипломаттар Қазақстан мен Моңғолияның көпжақты алаңдардағы, оның ішінде Біріккен Ұлттар Ұйымы шеңберінде және басқа да халықаралық құрылымдар аясында өзара қолдау көрсетудің көп жылдан бері қалыптасқан оң тәжірибесін жалғастыру қажеттігіне ортақ мүдделілік танытты.

Continue Reading

Моңғолияда

Моңғолияда 28 маусымда парламент сайлауы өтеді

Published

on

2024 жылғы 28 маусымда Моңғолияда парламент сайлауы өтеді.

Моңғолияның Ұлы Мемлекеттік Хуралы кезекті пленарлық отырыста келесі парламент сайлауын 2024 жылы өткізу туралы қаулы жобасын қарастырды.

Демократиялық партия фракциясының жобаны талқылау үшін парламенттен алған үзіліс мерзімі өтіп кеткеніне байланысты, дауыс беру өткізіліп, қаулы жобасы мақұлданды.

Қаулыға сәйкес, кезекті парламент сайлауы 2024 жылғы 28 маусымда өтеді.

Continue Reading

Моңғолияда

Моңғолия халқының саны 3,5 миллионға жетті

Published

on

Моңғолия халқының саны 3,5 миллионға жетті. Ұлттық статистика комитеті бұған дейін 22 қарашаға қарай Моңғолия халқының жалпы саны 3,5 миллион адамға жететінін хабарлаған.

«Моңғолия халқының саны 3,5 миллионға жетеді деген болжам соңғы үш жылдағы туу, өлім және халықтың табиғи қозғалысына негізделген», – деді Моңғолия ұлттық статистика комитетінің халық санағы және тұрғын үй қоры бөлімінің статисті Б.Энхжаргал.

Соңғы үш жылда орта есеппен әр жеті минут 16 секунд сайын бір бала дүниеге келіп, 27 минут 46 секунд сайын бір адам қайтыс болады, ал Моңғолия халқының саны әр тоғыз минут 55 секунд сайын бір адамға артып келеді екен.

— Бұл үрдіс 2023 жылы да жалғасты деп есептесек, 22 қарашаға дейін Моңғолия халқының саны 3,5 миллион адамға жетуі керек еді. Бүгінде халық саны 3,5 миллионнан асты, – деді Энхжаргал.

1962 жылы Моңғолия халқының саны 1 миллион болса, 1988 жылы ел екі миллион, 2015 жылы үш миллионға жетті. 2033 жылы 4 миллионға, 2048 жылы 5 миллионға жетеді деген болжам бар.

Continue Reading

Моңғолияда

Халал Сертф Аженси – Моңғолияның Халал индустрия саласының дамуына үлес қоспақ

Published

on

Халал өнімдері мен қызметтерін сертификаттау жөніндегі орган Моңғолияда пайда болды.

Парсы шығанағы елдерінің аккредиттеу орталығының Gulf Accreditation Center (GAC) бағалау тобы халал өнімдері мен қызметтерін сертификаттау жөніндегі Халал Сертф Аженси (Halal Certf Agency) компаниясында 2023 жылдың 25, 26, 27 қазанында жұмыстап, GSO 2055- 2:2021 “Сәйкестікті бағалау – 2 бөлім: Халал сертификаттау органдарына қойылатын талаптар” стандарты бойынша бастапқы аккредиттеу жұмысын жасады.

Халал – тұтас бір индус­трия.

Бүгінде әлемдегі 148 елде халал бағы­ты жақсы дамыған. Халал брендін кім көрін­ген пайдаланып, көпшіліктің түсінбестігін ту­дыр­мау үшін халал өндірісі бақылауға алынған. Осы орайда ет экспортына қызығушылық танытып отырған Моңғолияда халал индустриясын зерттеп, халал өнімдерін қалыптастыру енді жолға қойылып келеді.

Бұл жүйе UNIDO Моңғолия – Біріккен Ұлттар Ұйымының Өнеркәсіптік даму ұйымы жүзеге асыратын Сәйкестікті бағалау органдарының әлеуетін арттыру жобасы аясында жүзеге асырылуда.

Халал бойынша аккредиттеу – Моңғолиядағы сапаны бағалау жүйесіндегі жаңа бағыттарының бірі.

Аккредиттелген Халал сертификатының оң әсері соңғы тұтынушыға таралады, ол Халал сертификатының артында сәйкестікті растаудың бүкіл жүйесі бар екеніне сенімді болады: аккредиттеу сертификаттау органдарына деген сенімді арттырады. 

Өз кезегінде, сертификаттау органдары өздері ұстанатын стандарттардың жоғары талаптарын Халал өнімдерін өндірушілерге тапсырады. Өндірушілер сертификаттау арқылы тұтынушыларға халал стандарттарға сәйкес өндірілген өнімдерді немесе қызметтерді ұсынады. 

Халал Сертф Аженси – Моңғолияның Халал индустрия саласының дамуына үлес қоспақ.

www.halalcertf.com

Continue Reading
Advertisement

Бізге жазылыңыз

Сөзге тиек

Дерек8 months ago

Түркі мемлекеттері ұйымының 10-саммиті аясында 12 құжаттарқа қол қойылды

Түркі мемлекеттері ұйымының 10-саммиті аясында 12 құжаттарқа қол қойылды, деп хабарлайды qazradio.fm Ақорданың баспасөз қызметіне сілтеме жасап. Түркі мемлекеттері ұйымының...

Дерек10 months ago

Айдағы Үндістанның станциясы «ұйқы» режиміне көшеді

05 қыркүйек, KAZNEWS. Айдың бетінде күн батып, түн басталған кезде Үндістанның қондырғыш станциясы мен өздігінен жүретін станциялары «ұйқы» режиміне көшеді....

Дерек11 months ago

Кристиан Бэйл батыс Моңғолияға саяхаттады. #Бэтмэн😀

24 шілде, KAZNEWS. Жоғарғы суреттегі азамат әйгілі актер Кристиан Бэйл. Ол шілде айында батыс Моңғолияда саяхаттап, көшпенділердің салт дәстүрімен танысып...

Дерек1 year ago

Футзалдан ел біріншілігіне қатысқан футболшылардың орташа жасы – 23 де

6 сәуір, KAZNEWS. Моңғолия Президентінің қолдауымен Дорноговь аймағының Сайншанд қаласында ұйымдастырылған футзалдан 21 аймақтар арасындағы «Ұлттық кубок-2023» ел біріншілігі аяқталды. ...

Дерек1 year ago

Таба аласыз ба? Моңғолияда ілбіс суретке түсіп қалды

Ұлыбританиялық DailyMail басылымы америкалық фотограф Макса Воның суретін жариялады. Суретте Алтай тауларының тау-тасты шатқалында сирек кездесетін ілбіс түсірілген. Ерекше ілбісті...

Дерек1 year ago

1903-2023 жыл аралығындағы қоян жылында есте қалған оқиғалар

06 қаңтар, KAZNEWS. Қоян жылы– барыс жылынан соң, ұлу жылынан бұрын келетін мүшел есебінің төртінші жылы. Қоян қазақтың шаруашылық тарихында...

Дерек2 years ago

Жылдың үздік 10 оқиғасы – KAZNEWS

24 желтоқсан. KAZNEWS ақпараттық агенттігі жыл сайын «Жылдың үздік 10 оқиғасын» анықтауды дәстүрге айналдырған. Агенттіктің көзқарасы бойынша 2022 жылдың үздік...

Дерек2 years ago

Тұрды Төлекенұлы туралы деректі фильм жарыққа шықты

04 желтоқсан, KAZNEWS. Көрнекті мемлекет және қоғам қайраткері, Қобда беті қазақтары (Монғолия) арасынан мемлекеттік лауазым атқарған алғашқы қайраткерлердің бірі Тұрды...

Басты назарда