Орта Азия және әлемде

Өзбекстан мен Иран 18 құжатқа қол қойды

Published

9 months ago

September 15, 2022

14 қыркүйек, KAZNEWS. Жоғары деңгейдегі Өзбекстан-Иран келіссөздері тиімді өтті. Кездесу соңында ынтымақтастықтың түрлі салаларын қамтитын 18 құжатқа қол қойылды. Бұл туралы Өзбекстан Республикасының Президентінің баспасөз қызметі хабарлады.

Өзбекстан Республикасының Президенті Шавкат Мирзиеев пен Иран Ислам Республикасының Президенті Ибрагим Раиси бірлескен мәлімдемеге қол қойды. Негізгі келісімдер атап өтіліп, екі ел арасындағы көпқырлы ынтымақтастықты одан әрі кеңейту бойынша ұзақ мерзімді міндеттер айқындалды.

Келіссөздер соңында екіжақты келісімдер мен меморандумдарға қол қойылды. Бұлар:

– іскерлік және ғылыми топтар өкілдері мен туристік топтардың визалық рәсімдерін жеңілдету туралы келісім;

– дипломатиялық паспорт иелерін визалық талаптардан екі жақты босату туралы келісім;

– 2022-2025 жылдарға арналған туризм саласындағы ынтымақтастық бағдарламасы;

– ғылым, технология және инновация салаларындағы өзара түсіністік туралы меморандум;

– тауарлар мен көлік құралдарын кедендік шекара арқылы өткізу туралы электрондық кедендік ақпаратпен алмасу туралы меморандум;

– E-TIR бойынша электрондық ақпарат алмасу туралы меморандум;

– ғылым, зерттеу, білім және технология салаларындағы ынтымақтастық туралы меморандум;

– ауыл шаруашылығы министрліктері арасындағы келісім;

– денсаулық сақтау, емдеу, ғылыми зерттеулер, білім беру, фармацевтика және медициналық техника саласындағы ынтымақтастық туралы меморандум;

– спорт саласындағы ынтымақтастық туралы меморандум;

– мұнай, газ және мұнай-химия салаларындағы ынтымақтастық туралы меморандум;

– «Чобахор» порты арқылы халықаралық жүк тасымалы мен транзитін жүзеге асыру туралы меморандум;

– Сыртқы істер министрліктері арасындағы 2022-2024 жылдарға арналған ынтымақтастық бағдарламасы;

– жұмыспен қамту және еңбек қатынастары мәселелері бойынша меморандум.

Сондай-ақ, Өзбекстанның Әбу Райхан атындағы Шығыстану институты мен Иран Мұрағат ұйымы мен Ұлттық кітапханасы арасында және екі елдің Ибн Сина қорлары арасында құжаттарға қол қойылды.

Орта Азия және әлемде

Н.Шарбиев Таза ауа бойынша жоғары деңгейдегі форумға қатысты

Published

3 months ago

March 3, 2023

Kaznews Agency

ҚР Экология және табиғи ресурстар министрінің орынбасары Н.Шарбиев Таза ауа бойынша жоғары деңгейдегі форумға қатысты. Бұл туралы ҚР Елшілігінің баспасөз қызметі хабарлады.

ҚР Экология және табиғи ресурстар министрінің орынбасары Н.Шарбиев 2023 ж. 2-3 наурызда Ұлан-Батырда өткізілген Таза ауа бойынша жоғары деңгейдегі форумға қатысып, осы ісшараға қатысушыларды Қазақстанда мемлекеттік деңгейде жүзеге асырылып жатқан таза ауамен қамтамасыз ету шараларымен таныстырды.

Н.Шарбиев сондай-ақ Моңғолияның Қоршаған орта және туризм министрі Б.Бат-Эрдэнэ және БҰҰ Азия және Тынық мұхиты экономикалық және әлеуметтік комиссияның (ЭСКАТО) атқарушы хатшысы А.Алисджабанамен бірге Азия мен Тынық мұхиты елдері үшін ауаның ластануына қарсы тұру ісшаралар бағдарламасы шеңберінде Ұлан-Батырдың «киіз үйлер» ауданының ағымдағы ахуалымен және Моңғолия астанасында ауа ластануын азайту бағытында асырылып жатқан технологиялық шешімдермен танысты.

Моңғолияның Қоршаған орта және туризм министрлігінің ұйымдастыруымен және ЭСКАТО-ның жәрдемімен өткізілген осы халықаралық форумға АҚШ, Ұлыбритания, Жапония, Австралия, Корея Республикасы, Сингапур, Ресей, Түркия, Қытай, Жаңа Зеландия, Молдова секілді 53 мемлекеттен 200 астам жоғары лауазымды тұлғалар мен ғалымдар қатысты. Ісшара барысында ғимараттардың энергиялық өнімділігі, қуаттың таза көздерінің артықшылықтары, халықтың денсаулығын жақсарту, ауаның ластануы мен парниктік шығарындылардың салдарымен күресу, жағар-жанармайға жұмсалатын шығындар секілді мәселелер қарастырылды.

Орта Азия және әлемде

Түркияға көмекке кеткен моңғолиялық құтқарушылар елге оралды

Published

3 months ago

February 19, 2023

Kaznews Agency

19 ақпан, KAZNEWS. Түркияға көмекке кеткен моңғолиялық құтқарушылар елге оралды.

Іздестіру-құтқару жасағы «Іздеу тобы», «Құтқару жасағы» және «Медициналық топ» болып үш топқа бөлініп жұмыс істеді. Құтқару жасағының құрамында Балу және Марта есімді екі іздеуші ит рөл атқарған.

Хатая қаласында 8-16 ақпан аралығында жұмыс істеген құтқарушы топты “Хөшигтийн хөндий” әуежайында Моңғолия Прьемер-министрінің орынбасары С.Амарсайхан, Түркияның Моңғолиядағы Төтенше және Өкілетті Елшісі Зафер Атеш қатарлы лауазым өкілдері күтіп алды.

Құтқарушылар ғимарат қирандыларының астынан 8 адамды (оның ішінде 2 бала) аман алып шығып, денсаулық сақтау мекемесіне жеткізді, 19 адамның (оның ішінде 6 бала) мәйітін тиісті органдарға тапсырған.

Ал, медициналық топ 649 адамға (оның ішінде 72 бала) медициналық көмек көрсеткен.

Орта Азия және әлемде

Моңғолия жіберген 20 киіз үй Түркияға жетті

Published

4 months ago

February 16, 2023

Kaznews Agency

16 ақпан, KAZNEWS. Моңғолия Үкіметі тарапынан Хатай қаласындағы зілзаладан зардап шеккендерге көмек қолын созу үшін 20 киіз үй, 1500 көрпе, 10 тонна ет өнімдері, 2 тонна шам жіберген болатын.

Түрік жұртына көмек ретінде жіберілген моңғол киіз үйлері тиелген жүк көлігі Хатай қаласына жетті.

Орта Азия және әлемде

Моңғолиялық құтқарушылар Хатая қаласында іздестіру жұмыстарына кірісті

Published

4 months ago

February 9, 2023

Kaznews Agency

09 ақпан, KAZNEWS. Моңғолиялық құтқарушылары Хатая қаласындағы іздестіру-құтқару жұмыстарына кірісті, деп хабарлайды Моңғолия Премьер-министрінің орынбасары Сайнбуянгийн Амарсайхан.

Моңғолиялық құтқарушылар іздестіру-құтқару жұмыстары басталғаннан бері қираған тұрғын үйлер арасынан 2 бала, 1 азаматты аман есен құтқарып қалған.