Connect with us

Моңғолияда

Моңғолия-Қазақстан арасындағы төте жолға ТЕМІР ЖОЛ салына ма?

Published

on

Сурет Ikon.mn

Қазақстанның Моңғолиядағы Елшілігі Қазақстан Республикасы Президенті Қ.Тоқаевтың жарияланған «Сындарлы қоғамдық диалог – Қазақстанның тұрақтылығы мен өркендеуінің негізі» атты жолдауының (2019 жылы 2 қыркүйек) негізгі басымдықтарын, ҚР Тұңғыш Президенті – Елбасы Н.Назарбаевтың жаһандық антиядролық бастамасы мен Моңғолияның Премьер-Министрі Х.Хүрэлсүхтың Қазақстанға жасаған ресми сапарының қорытындысы бойынша баспасөз брифингін өткізді, деп хабарлайды ҚР-ның Елшілігінің баспасөз қызметі.
Елші Жалғас Әділбаев жергілікті БАҚ өкілдеріне ҚР Президентінің халыққа арнаған биылғы Жолдауында мемлекет пен халық арасындағы сенімді қарым-қатынас орнатуды айқындайтын тиімді мемлекет тұжырымдамасына, азаматтардың талабына дер кезінде құлақ түретін мемлекетке айналу қажеттілігіне, «Мықты президент – беделді парламент – ісіне есеп беретін үкімет» мемлекеттің тұрақтылық формуласына, сондай-ақ халықтың әл-ауқатын арттыруға бағытталған 5 негізгі бағдарға назар аударылғанын егжей-тегжейлі мәлімдеді.
Бұдан басқа Жолдауда білім, отбасы және балалар құқығы институтын қолдау, сапалы медициналық қызметті қамтамасыз ету, мәдениет жұмыскерлерін қолдау, инклюзивті қоғамды құру салаларындағы әлеуметтік мәселелерге жеке көңіл бөлінгенін және қазіргі уақытта ҚР Үкіметі тарабынан оларды іске асырудың нақты тетіктері әзірленгенін жеткізді.
Сонымен қатар, Елші ҚР Тұңғыш Президенті – Елбасы Н.Назарбаевтың жаһандық ядролық қаруды таратпау саласындағы бастамасын іске асыру барысы жөнінде ақпарат бере отырып, 2019 жылы Қазақстанның ядролық қаруды таратпау туралы шартқа және МАГАТЭ-ге мүше болып қосылғанына 25 жыл толғанын БАҚ өкілдеріне айтып берді.
Қазақстандағы саяси, экономикалық реформалар мен елдегі «Рухани жаңғыру» үдерістері жөнінде мағлұмат беріліп, рухани жаңғыруда ұлттық сананың рөліне баса назар аударылғаны аталып өтті.
Бұған қоса, Ж.Әділбаев 23-24 қыркүйекте Нұр-Сұлтан қаласында өткізілген «Үлкен Еуразия: Диалог. Сенім. Серіктестік» тақырыбындағы Еуразия елдері парламенттері спикерлерінің 4-кеңесінің қорытындысы жөнінде ақпарат берді.
Сондай-ақ, дипломатиялық өкілдіктің басшысы 18 қыркүйекте Нұр-Сұлтан қаласында Әлемдік және дәстүрлі дін көшбасшылары съезі хатшылығының 18-отырысы өткізілгенін мәлімдеді. Түрлі дін өкілдерінің қатысуымен өткен отырыстың қорытындысы бойынша Съезд гимні мен Этика кодексін әзірлеу, діни музыка мен хор әндерінің фестивалін өткізу, дін өнерінің көрмесін ұйымдастыру мәселелері бойыгша шешім қабылданғаны жөнінде мағлұмат берілді.

Елші, моңғолиялық БАҚ өкілдеріне 10-12 қазан кезеңінде ҚР Премьер-Министрі А.Маминнің шақыруымен Моңғолияның Премьер-Министрі Х.Хүрэлсүхтың Қазақстанға жасаған ресми сапарының қорытындысы бойынша толық ақпарат берді.
Аталмыш сапар барысында екі үкімет басшылары сауда-экономикалық, транзиттік-көлік, ауыл шаруашылығы, тау-кен, мәдени-гуманитарлық салалардағы ынтымақтастықты одан әрі дамыту, сондай-ақ аймақтық және халықаралық ұйымдар аясындағы өзара іс-қимылдар мәселелерін талқылағаны жеткізілді.
Елші келіссөздер барысында А.Мамин Қазақстан Республикасы мен Моңғолияның 2021-2024 жылдарға арналған сауда-экономикалық ынтымақтастығын алға жылжыту жөніндегі жол картасының жобасын әзірлеуді, сондай-ақ алдағы екі жылда Қазақстанда Моңғолияның Мәдениет күндерін және Моңғолияда осындай күндерді өткізуді, Өлгий қаласында Абай Мәдени орталығын ашу мүмкіндігін қарастыруды ұсынғанын мәлімдеді.

Осы сапардың қорытындысы бойынша екіжақты ынтымақтастықтың негізгі бағыттарына жаңа серпініс беретін 7 халықаралық құжаттарға және 8 коммерциялық шарттарға қол қойылғаны хабарланды. 

Сонымен қатар, Ж.Әділбаев 2020 жылы сәуір айында Үкіметаралық комиссияның 8-мәжілісі өткізілетінін және жоғары деңгейдегі ресми іс-шаралар жоспарланып отырғанын атап өтті.

Ал, келер жылы ҚР-ның Премьер-министрі А.Мамин Моңғолияға іс-сапармен келетінін ikon.mn жазды.

Қазақстан Республикасының Моңғолиядағы Елшісі Жалғас Әділбаев. Улаанбаатар, 2019ж. Сурет Ikon.mn

Аталмыш сайт, Қазақстан тарапынан Моңғолияға алтын тазалайтын өндіріс салу жұмысы бойынша өкілдер келіп, Таукен және ауыр өнеркәсіп министрлігінде жұмыстап жатыр. Өндіріс салатын орыны, қаражаты шешілгенін жеткізді.

Сондай-ақ, екіжақты достық қарым-қатынасының жылдан жылға ұлғайып, бекуінің тағы бір себебі ретінде маусым айынан бастап «SCAT Airlines» компаниясы Ұлан-Батыр – Нұр-Сұлтан бағыты бойынша тікелей рейстің тұрақты орындалып отыр. Бұл өз кезегінде азаматтар арасында өзара алмасу жоғарылап, нәтижесінде екіжақты сауда-экономикалық қатынас және екі елде туризмнің жандана түсетініне септігін тигізетінін жеткізді. Көп кешікпей Улаанбаатар-Алматы бағытына тікелей рейс ашу жоспарланып отырғанын, және екі ел азаматтары жермен 49 км жүріп шекараға жететін мүмкіндік бар. Бұл бағытқа теміржол салу мәселесін зерттеп жатқанын айтты.

Моңғолияда

Ғабит Қойшыбаев Моңғолияның СҚ министрлігінің Мемлекеттік хатшысымен кездесті

Published

on

2024 жылы 17 қаңтарда Қазақстан Республикасының Моңғолиядағы Елшісі Ғабит Қойшыбаев Моңғолияның Сыртқы қатынастар министрлігінің Мемлекеттік хатшысы Нямдоржийн Анхбаярмен кездесу өткізді.
Кездесу барысында тараптар Қазақстан мен Моңғолия арасындағы ынтымақтастықтың 2024 жылғы күн тәртібі бойынша пікір алмасты. Атап айтқанда, олар ағымдағы жылы жоспарланған маңызды екіжақты іс-шаралар кестесін талқылады, екі елдің ынтымақтастығының шарт-құқықтық базасын одан әрі жетілдіру сұрақтарын қарастырды, сыртқысаяси ведомстволардың түрлі бағыттардағы өзара ықпалдастығын, оның ішінде консулдық саладағы өзара тиімді әрекеттестікті одан әрі нығайтуға келісті.
Сонымен бірге, дипломаттар Қазақстан мен Моңғолияның көпжақты алаңдардағы, оның ішінде Біріккен Ұлттар Ұйымы шеңберінде және басқа да халықаралық құрылымдар аясында өзара қолдау көрсетудің көп жылдан бері қалыптасқан оң тәжірибесін жалғастыру қажеттігіне ортақ мүдделілік танытты.

Continue Reading

Моңғолияда

Моңғолияда 28 маусымда парламент сайлауы өтеді

Published

on

2024 жылғы 28 маусымда Моңғолияда парламент сайлауы өтеді.

Моңғолияның Ұлы Мемлекеттік Хуралы кезекті пленарлық отырыста келесі парламент сайлауын 2024 жылы өткізу туралы қаулы жобасын қарастырды.

Демократиялық партия фракциясының жобаны талқылау үшін парламенттен алған үзіліс мерзімі өтіп кеткеніне байланысты, дауыс беру өткізіліп, қаулы жобасы мақұлданды.

Қаулыға сәйкес, кезекті парламент сайлауы 2024 жылғы 28 маусымда өтеді.

Continue Reading

Моңғолияда

Моңғолия халқының саны 3,5 миллионға жетті

Published

on

Моңғолия халқының саны 3,5 миллионға жетті. Ұлттық статистика комитеті бұған дейін 22 қарашаға қарай Моңғолия халқының жалпы саны 3,5 миллион адамға жететінін хабарлаған.

«Моңғолия халқының саны 3,5 миллионға жетеді деген болжам соңғы үш жылдағы туу, өлім және халықтың табиғи қозғалысына негізделген», – деді Моңғолия ұлттық статистика комитетінің халық санағы және тұрғын үй қоры бөлімінің статисті Б.Энхжаргал.

Соңғы үш жылда орта есеппен әр жеті минут 16 секунд сайын бір бала дүниеге келіп, 27 минут 46 секунд сайын бір адам қайтыс болады, ал Моңғолия халқының саны әр тоғыз минут 55 секунд сайын бір адамға артып келеді екен.

— Бұл үрдіс 2023 жылы да жалғасты деп есептесек, 22 қарашаға дейін Моңғолия халқының саны 3,5 миллион адамға жетуі керек еді. Бүгінде халық саны 3,5 миллионнан асты, – деді Энхжаргал.

1962 жылы Моңғолия халқының саны 1 миллион болса, 1988 жылы ел екі миллион, 2015 жылы үш миллионға жетті. 2033 жылы 4 миллионға, 2048 жылы 5 миллионға жетеді деген болжам бар.

Continue Reading

Моңғолияда

Халал Сертф Аженси – Моңғолияның Халал индустрия саласының дамуына үлес қоспақ

Published

on

Халал өнімдері мен қызметтерін сертификаттау жөніндегі орган Моңғолияда пайда болды.

Парсы шығанағы елдерінің аккредиттеу орталығының Gulf Accreditation Center (GAC) бағалау тобы халал өнімдері мен қызметтерін сертификаттау жөніндегі Халал Сертф Аженси (Halal Certf Agency) компаниясында 2023 жылдың 25, 26, 27 қазанында жұмыстап, GSO 2055- 2:2021 “Сәйкестікті бағалау – 2 бөлім: Халал сертификаттау органдарына қойылатын талаптар” стандарты бойынша бастапқы аккредиттеу жұмысын жасады.

Халал – тұтас бір индус­трия.

Бүгінде әлемдегі 148 елде халал бағы­ты жақсы дамыған. Халал брендін кім көрін­ген пайдаланып, көпшіліктің түсінбестігін ту­дыр­мау үшін халал өндірісі бақылауға алынған. Осы орайда ет экспортына қызығушылық танытып отырған Моңғолияда халал индустриясын зерттеп, халал өнімдерін қалыптастыру енді жолға қойылып келеді.

Бұл жүйе UNIDO Моңғолия – Біріккен Ұлттар Ұйымының Өнеркәсіптік даму ұйымы жүзеге асыратын Сәйкестікті бағалау органдарының әлеуетін арттыру жобасы аясында жүзеге асырылуда.

Халал бойынша аккредиттеу – Моңғолиядағы сапаны бағалау жүйесіндегі жаңа бағыттарының бірі.

Аккредиттелген Халал сертификатының оң әсері соңғы тұтынушыға таралады, ол Халал сертификатының артында сәйкестікті растаудың бүкіл жүйесі бар екеніне сенімді болады: аккредиттеу сертификаттау органдарына деген сенімді арттырады. 

Өз кезегінде, сертификаттау органдары өздері ұстанатын стандарттардың жоғары талаптарын Халал өнімдерін өндірушілерге тапсырады. Өндірушілер сертификаттау арқылы тұтынушыларға халал стандарттарға сәйкес өндірілген өнімдерді немесе қызметтерді ұсынады. 

Халал Сертф Аженси – Моңғолияның Халал индустрия саласының дамуына үлес қоспақ.

www.halalcertf.com

Continue Reading
Advertisement

Бізге жазылыңыз

Сөзге тиек

Дерек8 months ago

Түркі мемлекеттері ұйымының 10-саммиті аясында 12 құжаттарқа қол қойылды

Түркі мемлекеттері ұйымының 10-саммиті аясында 12 құжаттарқа қол қойылды, деп хабарлайды qazradio.fm Ақорданың баспасөз қызметіне сілтеме жасап. Түркі мемлекеттері ұйымының...

Дерек10 months ago

Айдағы Үндістанның станциясы «ұйқы» режиміне көшеді

05 қыркүйек, KAZNEWS. Айдың бетінде күн батып, түн басталған кезде Үндістанның қондырғыш станциясы мен өздігінен жүретін станциялары «ұйқы» режиміне көшеді....

Дерек11 months ago

Кристиан Бэйл батыс Моңғолияға саяхаттады. #Бэтмэн😀

24 шілде, KAZNEWS. Жоғарғы суреттегі азамат әйгілі актер Кристиан Бэйл. Ол шілде айында батыс Моңғолияда саяхаттап, көшпенділердің салт дәстүрімен танысып...

Дерек1 year ago

Футзалдан ел біріншілігіне қатысқан футболшылардың орташа жасы – 23 де

6 сәуір, KAZNEWS. Моңғолия Президентінің қолдауымен Дорноговь аймағының Сайншанд қаласында ұйымдастырылған футзалдан 21 аймақтар арасындағы «Ұлттық кубок-2023» ел біріншілігі аяқталды. ...

Дерек1 year ago

Таба аласыз ба? Моңғолияда ілбіс суретке түсіп қалды

Ұлыбританиялық DailyMail басылымы америкалық фотограф Макса Воның суретін жариялады. Суретте Алтай тауларының тау-тасты шатқалында сирек кездесетін ілбіс түсірілген. Ерекше ілбісті...

Дерек1 year ago

1903-2023 жыл аралығындағы қоян жылында есте қалған оқиғалар

06 қаңтар, KAZNEWS. Қоян жылы– барыс жылынан соң, ұлу жылынан бұрын келетін мүшел есебінің төртінші жылы. Қоян қазақтың шаруашылық тарихында...

Дерек2 years ago

Жылдың үздік 10 оқиғасы – KAZNEWS

24 желтоқсан. KAZNEWS ақпараттық агенттігі жыл сайын «Жылдың үздік 10 оқиғасын» анықтауды дәстүрге айналдырған. Агенттіктің көзқарасы бойынша 2022 жылдың үздік...

Дерек2 years ago

Тұрды Төлекенұлы туралы деректі фильм жарыққа шықты

04 желтоқсан, KAZNEWS. Көрнекті мемлекет және қоғам қайраткері, Қобда беті қазақтары (Монғолия) арасынан мемлекеттік лауазым атқарған алғашқы қайраткерлердің бірі Тұрды...

Басты назарда