Моңғолияда

Моңғолия Қазақстанмен ынтымақтастықты одан әрі тереңдетуге мүдделі

Published

2 years ago

October 13, 2022

12 қазан, KAZNEWS. 2022 жылғы 10 қазан – Моңғол тарапының бастамасымен Азиядағы өзара іс-қимыл және сенім шаралары кеңесі VI Саммитінің жұмысына моңғол делегациясының қатысуын талқылау мақсатында Қазақстан Республикасының Моңғолиядағы Елшісі Ғабит Қойшыбаев пен Моңғолия Премьер-министрінің орынбасары Сайнбуян Амарсайханның екіжақты кездесуі өтті. Бұл туралы ҚР Елшілігінің баспасөз қызметі хабарлады.

Қазақстан Елшісі Саммитке вице-премьер С.Амарсайхан бастаған жоғары деңгейдегі делегацияны жолдау туралы моңғолдық тараптың шешімін қошеметтеп, сұхбаттасты қазақстандық тарап өткізіп жатқан осы іс-шараға дайындықтың барысымен қысқаша таныстырды.

Өз кезегінде, қазақстандық тарапты Азиядағы өзара іс-қимыл және сенім шаралары кеңесін шақыру туралы бастаманың 30-жылдық мерейтойымен құттықтап, С.Амарсайхан Астанада өтетін осы халықаралық диалогтік алаңның Саммитінің халықаралық маңыздылығын баса айтты. Моңғолия АӨСШК-нің, сондай-ақ басқа да халықаралық және өңірлік ынтымақтастық форматтарының қызметтеріне белсене қатысатынын атап өтті. Әлемде қазір қалыптасып отырған күрделі геосаяси жағдайда мемлекетаралық әрекеттесудің тиімді тетігі ретінде көпжақты ынтымақтастықтың рөлі айтарлықтай арта түскенін қосымша айтты.

Кездесу барысында сұхбаттасушылар сондай-ақ қазақстандық-моңғол ынтымақтастығының бірқатар нақты да өзекті бағыттары бойынша пікір алмасты, атап айтқанда сауда-экономикалық пен көліктік-логистикалық әрекеттесуді кеңейтудің перспективаларын, Хушиг ойпатында жаңа қала салу жобасын іске асыру барысында қазақстандық тәжірибені пайдалану, Қазақстан мен Моңғолия арасындағы саяси ынтымақтастықты одан әрі тереңдету және екі елдің елордалары арасында кооперацияны 2019 жылы қол қойылған Ынтымақтастық туралы меморандум шеңберінде нығайту сұрақтарын талқылады.

Ғ.Қойшыбаев АӨСШК мерейтойлық Саммитінің жұмысына қатысу үшін Моңғолия Үкіметінің басшысы орынбасарының ҚР-ға сапары қазақстан-моңғол саяси, экономикалық және гуманитарлық байланыстардың дамуына жаңа серпін беретінін атап өтті.

Әңгіме соңында тараптар қазақстандық дипөкілдік пен моңғол мемлекеттік органдары арасындағы әрекеттесуді нығайту сұрақтарын, сондай-ақ 2022-2023 жж. жоспарланған екіжақты іс-шаралардың кестесін талқылады.

Up Next

Зәуреш Қайсақызы: Әйелдерді көшбасшылық бағдарламаға қатысуға шақырамын

Don't Miss

Моңғолия мен Словения арасындағы сауда айналымы 21 млн.долларды құрап отыр

Kaznews Agency

Казньюс агенттігі

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

2 days ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.