Моңғолияда

ҚР Конституциялық Кеңесінің Төрағасы Қ. Мәми Моңғолияға жұмыс сапармен келді

Published

2 years ago

August 22, 2022

22 тамыз, KAZNEWS. Қазақстан Республикасы Конституциялық Кеңесінің Төрағасы Қайрат Әбдіразақұлы Мәми 18-19 тамызда Моңғолия астанасында өткен Азиялық Конституциялық соттар және оған теңестірілген институттар қауымдастығының V конгресіне қатысу үшін Моңғолияға жұмыс сапарымен келді. Бұл туралы ҚР Елшілігінің баспасөз қызметі хабарлады.

Биылғы жылы гибридті «онлайн-офлайн» форматында өткізілген Конгресс жұмысына Азия қауымдастығының мүшелері, Азия аймағындағы бірқатар елдердің, соның ішінде Әзірбайжан, Бангладеш, Индонезия, Қазақстан, Корея Республикасы, Қырғызстан, Малайзия, Мальдив аралдары, Мьянма, Ресей, Тәжікстан, Таиланд, Түркия және Өзбекстанның конституциялық әділет органдарының төрағалары мен судьялары, Моңғолияның мемлекеттік құрылымдарының басшылары, сондай-ақ халықаралық ұйымдардың өкілдері қатысты.

Қауымдастық кеңесі отырысының ашылу салтанатында ҚР Конституциялық Кеңесінің Төрағасы құттықтау сөз сөйлеп, Конгресстің 1-ші сессиясында “Қазақстандағы конституциялық бақылау: Қазіргі кезеңдегі міндеттер мен перспективалар” тақырыбында баяндама жасады және шетелдік әріптестеріне Қазақстанда жүргізілген саяси қайта құрулар мен конституциялық реформалар туралы егжей-тегжейлі ақпарат берді.

Іс-сапары барысында Қ.Мәми Моңғолия Мемлекеттік Ұлы Хуралының (Парламент) Төрағасы Г.Занданшатармен және Моңғолияның Конституциялық сотының төрағасы Н.Чинбатпен екіжақты кездесулер өткізді.

Моңғолияның жоғары заң шығарушы органының спикерімен әңгімелесу барысында қазақстандық қонақ Қазақстан мен Моңғолия екіжақты дипломатиялық қарым-қатынастар орнаған 30 жыл ішінде саяси, сауда-экономикалық және мәдени-гуманитарлық салалардағы өзара тиімді ынтымақтастықты әсерлі дамытып келе жатқан және екі елдің заң шығарушы органдары мен конституциялық-құқықтық бақылау институттары арасындағы тығыз байланыстарды қолдаған стратегиялық әріптестер екенін атап өтті.

Сонымен қатар, Қ.Мәми Моңғолия Парламентінің басшысына қазіргі уақытта Қазақстанда болып жатқан демократиялық процестер туралы баяндап, оның елдің Конституциясына енгізіліп жатқан негізгі өзгерістерімен таныстырды. Өз кезегінде Г.Занданшатар ҚР-да жүргізіліп жатқан конституциялық реформаларды құптай отырып, үш жыл бұрын қабылданған Моңғолияның конституциялық реформаларының тәжірибесімен қысқаша бөлісті және Қазақстанның Конституциялық сотты қайта құру тәжірибесін зерделеуге қызығушылық танытты. Н.Чинбатпен кездесу барысында Қ.Мәми әріптесін қазіргі уақытта Моңғолия қоғамындағы демократиялық дәстүрлерді нығайтуға маңызды үлес қосқан және ел азаматтарының конституциялық құқықтарының сенімді кепіліне айналған – Моңғолия Конституциялық сотының құрылғанына 30 жыл толуымен құттықтады. Тараптар екі мемлекетте жүргізіліп жатқан конституциялық реформалар жөнінде пікір алмасып, ынтымақтастықтың көпжақты форматтарында соның ішінде, Азиялық Конституциялық соттар және оған теңестірілген институттар қауымдастығының шеңберінде тығыз жұмыс жасауға келісті.

Азиялық Конституциялық соттар және оған теңестірілген институттар қауымдастығы – конституциялық сот төрелігіне қатысты ақпарат пен тәжірибе алмасуды арттыру және конституциялық юрисдикцияны жүзеге асыратын органдар арасындағы ынтымақтастық пен достықты арттыру арқылы Азиядағы демократияны, заң үстемдігін және негізгі құқықтарды ілгерілету мақсатында 2010 жылдың шілдесінде құрылған Конституциялық сот төрелігі мәселелері бойынша Азия аймақтық форумы.

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

1 week ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

4 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

4 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

4 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.