17 наурыз, KAZNEWS. Мемлекет басшысы Ухнаагийн Хүрэлсүх Түркиядағы Төтенше жағдай кезінде құтқару жұмыстарына қатысып, көрсеткен ерлігі үшін құтқарушыларды арнайы медальмен марапаттады, бұл туралы KazNews тілшісі Моңғолия Президентінің баспасөз қызметіне сілтеме жасап хабарлайды.

Үкімет жүктеген міндеттерді абыроймен және жоғары кәсіби деңгейде орындаған құтқару жасағының 35 қызмметкерін «Әділет», «Әскери құрмет» және «Бейбітшілік үшін» медальдарымен марапаттады. 

12 наурыз, KAZNEWS. Моңғолия үкіметі жүзеге асырып жатқан «Жаңа жаңғыру саясаты» аясында «Ауылдың жаңғыруы» атты конференция ұйымдастырылды.

Осы орайда ел үкіметі тарапынан қаладан аймаққа, ауылға көшуге ниет білдірген азаматтарды жан-жақты қолдайтынын жеткізді. Мұнда,

– Орталықсыздандыру және аймақ халқын арттыру мақсаты аясында ірі елді мекендердің халқы 20 пайызға, ал аймақ халқы 10 пайызға артады.

– Ауылға келіп жұмыс орындарын ашқан тау-кен саласының компанияларынан өзге компанияларға салықтық жеңілдіктер көрсетіледі.

– Жергілікті жерлерге /ауылға/ көшіп келген азаматтарға 3 пайыздық ипотекалық несие беріледі.

– Жергілікті жерлерге /ауылға/ қоныс аударған кәсіпорындарға бір пайыздық жеңілдікпен несие беріледі.

– Жылу және электр энергиясын өндіретін жобалар табыс тауып бастағаннан кейін алғашқы үш жылда 90 пайыз салықтан босату және келесі үш жылда 50 пайыз салықтан босатылады.

– Шекаралық бекеттерді жаңғырту аясында ауылдық жерлерде 600-ден астам жаңа жұмыс орны, ал энергетиканы жаңғырту аясында 700-ден астам жаңа жұмыс орны ашылады.

7 наурыз, KAZNEWS. Моңғолияның Сыртқы істер министрі Б.Батцэцэг 2023 жылдың 8-9 наурыз күні Өзбекстанға жұмыс сапарымен барады, деп хабарлады Моңғолия Сыртқы істер министрлігінің баспасөз қызметі.

Сапар барысында Моңғолияның Сыртқы істер министрі Б.Батцэцэг Өзбекстан Республикасының мемлекет басшысының қабылдауында болып, Өзбекстан Сыртқы істер министрінің міндетін атқарушы Бахтиёр Саидовпен екіжақты келіссөздер жүргізеді.

Кездесуде екі жақтық қарым-қатынастармен сауда, экономикалық ынтымақтастықты арттыру, халықаралық және аймақтық мәселелер талқыланады.

04  наурыз, KAZNEWS. Медицина ғылымдарының докторанты, Көз дәрігері Шәмсия Мұратқызы халықаралық сыйлыққа ие болды.

Шәмсия Мұратқызы Малайзия астанасы Куала-Лумпурде өткен Азия-Тынық мұхиты Офтальмология академиясының конференциясында «Салғырттықтың алдын алудағы үздік қызметі үшін» марапатталды.

Шәмсия Мұратқызы 1999 жылы Медицина университетін адам дәрігері, 2001 жылы Көз дәрігері резидентурасын, 2007 жылы Ресейдің Санкт-Петербург қаласынан көз дәрігерінің ординатурасын тәмамдаған.

2001 жылдан Улаанбаатар қаласындағы Ана мен бала денсаулығы ұлттық орталығында көз дәрігері қызметін үздіксіз атқарып келеді.