Connect with us

Спорт

Еркін Жамантайұлы: Азия чемпионатына жеңімпаз боламыз деп бардық

Published

on

KAZNEWS – Біріккен Араб Әмірліктерінде бокстан жасөспірімдер арасындағы Азия чемпионаты аяқталды. Жасөспірімдер арасындағы чемпионатта боксшыларымыз бір алтын, екі қола жүлде алды. Хилчин спорт клубының спортшысы Төгсжаргалын Номин-Эрдэнэ қыздар арасындағы сайыста 57 келі салмақта чемпион атанып, алтынды қоржынға салды. 

Азия чемпионы атанған Т.Номин-Эрдэнэ  – Хилчин спорт клубының бапкері Еркін Жамантайұлының шәкірті екенін мақтанышпен айта аламыз.

-Шәкіртіңіз Азия чемпионы атанды. Құтты болсын! Жарысқа қалай қатысып қайттыңыздар?

Біріккен Араб Әмірліктерінде бокстан жасөспірімдер арасындағы Азия чемпионатына 26 мемлекеттен 239 жасөспірім боксшылар бақтарын сынады. Елімізден қыздар арасындағы бәсекеге төрт, ұлдар арасындағы бәсекеге жеті спортшы қатысты. Спортшылар мен бірге бапкерлер құрамында Г.Ганхуяг, С.Дашбурмаа, Д.Баасандорж, Э.Ундрам және мен болдым. Боксшыларымыз бір алтын, екі қола жүлде жеңіп алды. Бұл жолғы чемпионатқа менің шәкіртім Т.Номин-Эрдэнэ сәтті қатысты. Біз Арабияға, чемпионатқа жеңімпаз боламыз деген мақсатпен барғанбыз. Алға қойған мақсатымыз орындалды. Қыздар арасындағы бәсекеде 57 келі салмақта Т.Номин-Эрдэнэ жартылай финалда Қазақстандық Анар Турсынбекті 5:0 есебімен, финалда ҚХР-ның боксшысы Лиянды 4:1 есебімен ұтты. Бұл салмақта Азия құрлығындағы бокс өнері қарқынды дамыған ҚХР, Қазақстан, Үндістан, Тайвандық спортшылар болған.

-Азия чемпионы атанған шәкіртіңіз туралы айтып берсеңіз?

Төгсжаргалын Номин-Эрдэнэ 2016 жылдан бері менің жаттығуыма қатысып келеді. Алғаш 13 жасында «Олимпиадаға барар жол» жарысынан екі алтын медаль алған. Кейін жасөспірімдер арасындағы ел чемпионатында екі рет жеңімпаз атанды. Қазақстан Республикасында өткен халықаралық жарыстарға қатысып екі алтын, бір күміс жүлде, Ресейде өткен халықаралық жарыстан қола жүлде, ҚХР-да өткен халықаралық жарыстан күміс жүлде жеңіп алған. Сондай-ақ көптеген жарыстардан алтын, күміс жүлдесін алып жүр. Номин-Эрдэнэ жасөспірімдер арасындағы Азия чемпионатында чемпион атанған Моңғолияның қыздар арасындағы алғашқы спортшы атанып отыр. Ол спортты құрметтейді. Еңбекқор, бапкердің айтқан ақылын бұлжытпай орындайтын қайсар қыз. Шәкіртіме олимпиада, әлем чемпионатының рингісінде Моңғол елінің туын желбірететін, мықты боксшы болады дегенге сеніммен қараймын.

-Бапкерлік жұмыстың қиыншылықтары кездесіп тұр ма?

Алғаш рет үйірме ашқан кезімде 5-6 бала ғана жиналған болатын. Ішімнен «мен бапкер бола аламын ба?» – деп өзіме сұрақтар қойып, күдіктенген кездерім де болған. Кешікпей бапкерлік жұмысыма бел шешіп кірген соң, ертеңгі жаттығу тез болса ғой деп күтетін болдым. Жаттығудан босамай жүріп, үй шаруасын да ұмытамыз. Отбасымның қолдауының арқасында бұл жұмысыма өте жауапкершілікпен қараймын. Менің жетістігіме сүйікті жарымның да еңбегі бар деп ойлаймын. Демалыс күндері шәкірттерімнің «Мұғалім сіздердің үйлеріңізге барайық» дегендерін үйге ертіп келемін. Үйге келгенде әйелім дәмді тағамдарын дайындап күтіп алады. Барлық қолдауы үшін әйеліме ризамын.

Шәкірттерімнің жетістігі маған күш қуат сыйлайды. Моңғолия бокс тарихында алғаш рет менің шәкіртім Т.Номин-Эрдэнэ жасөспірімдер арасында Азия чемпионаты атанып отыр. Алда үйренетін жұмыстарымыз көп. Тек ғана еңбектенуіміз керек.

Шетелге жарыстарға бару үшін өз қалтамыздан қаражат шығаратынымызды жасырып қайтеміз. Мініп жүрген көлігімізге дейін кепілге қойып қарыз алып тұрдық. Осылай жүретін бапкер тек мен ғана емеспін ғой. Барлық бапкерлерден кездестіруге болады.

-Биылғы жаттығу жұмыстарыңыз қалай өтіп жатыр?

Еліміздегі жаттығу жұмыстарын тұрақты жүргізіп келеміз. Сонымен қатар биыл жазда Қазақстанға барып жаттығу жұмыстарына қатысып қайттық. Шәкірттерімді ертіп, өзім Алфард машинамның тізгінін ұстап Алматы қаласына барып қыздар құрамасымен бірге 14 күн біріккен жаттығу жасадық.

Сонымен қатар, сол жерде ұйымдастырылған халықаралық жарыстарға қатысып қайттық. Көптеген тәжірибе жинақтадық.

Бұл жерде, мені үнемі қолдап жүретін басшыларға, коллективке алғысым шексіз екенін айтқым келеді.

Рахмет!

Спорт

Э.Цэндбаатар Азия чемпионатының жартылай финалына шықты

Published

on

27 мамыр, KAZNEWS. Моңғолиялық боксшы, әлем чемпионатының қола жүлдегері Э.Цэндбаатар Дубайдағы Азия чемпионатының жартылай финалына өтты. 

Жарыстың екінші күні ол 60 келіге дейінгі салмақта ширек финалда өнер көрсетіп, қарсыласын төрешілер шешімімен жеңді. 

Айта кетейік, Азия чемпионатының жартылай финалына шыққан боксшылар қола жүлдегер атанады.  

Continue Reading

Спорт

3х3 баскетболдан Моңғолия құрамасы топтық кезеңде көш бастады

Published

on

27 мамыр, KAZNEWS. 25 мамыр күні Австрияда 3х3 баскетболдан Олимпиадаға іріктеу турнирі басталды.

Аталған сынға Моңғолия командасы да қатысып жатыр.

Біздің спортшылар А тобындағы алғашқы кездесуін Польша құрамасымен өткізіп, 22:18 есебімен ұтты. Екінші кездесуінде Түркия құрамасын 21:13 есебімен айқын басымдықпен жеңіп, топтық кезеңде көш бастады.

Моңғолия командасының топтық кезеңдегі қарсыластары – Бразилия, Польша, Чехия және Түркия.

Жарыста жалпы есебі сегіз топ бар. Турнир 31 мамырға дейін жалғасады.

Естеріңізге салсақ, Моңғолияның 3х3 баскетболынан әйелдер құрамасы олимпиада ойындарына қатысуға лицензия алған.

Continue Reading

Спорт

Еркін күрестен Олимпиада ойындарына қатысатын Моңғолия құрамасының тізімі

Published

on

24 мамыр, KAZNEWS. Моңғолия Еркін күрес федерациясының бапкерлер кеңесі Токиода өтетін Олимпиада ойындарына қатысатын спортшылардың тізімін жариялады. Олар:

Ерлер
57 келі: Эрдэнэбатын Бэхбаяр
65 келі: Төмөр-Очирын Тулга
125 келі: Мөнхтөрийн Лхагвагэрэл

Қыздар
50 келі: Цогт-Очирын Намуунцэцэг
53 келі: Бат-Очирын Болортуяа
57 келі: Болдсайханы Хонгорзул
62 келі: Хүрэлхүүгийн Болортуяа
68 келі: Соронзонболын Батцэцэг
76 келі: Очирбатын Бурмаа

Continue Reading

Спорт

Құлын Алтынбекқызы әлем чемпионатының қола жүлдегері атанды

Published

on

20 сәуір, Kaznews. Польшаның Кельц қаласында бокстан өтіп жатқан жастар арасындағы әлем чемпионатында 51 келі салмақ дәрежесінде Құлын Алтынбекқызы қола жүлдегер атанды.

Ол бүгін жартылай финалдық кездесуін ресейлік Валерина Линовамен өткізіп, 5:0 есебімен ұтылып қалды.

Айта кетейік, бұған дейін украйналық Дарья-Ольга Гутаринаны және Қазақстандық Гүлнар Тұрапбайды жеңіп, жартылай финалға өткен болатын.

Continue Reading
Advertisement

Бізге жазылыңыз

Сөзге тиек

Әлемде17 hours ago

ҚР-ның Президенті адам құқықтары саласындағы одан әрі шаралары туралы Жарлыққа қол қойды

Қазақстан Республикасының адам құқықтары саласындағы одан әрі шаралары туралы жарлыққы қол қойды, деп хабарлайды Моңғолиядағы ҚР-ның Елшілігінің баспасөз қызметі. Адам...

Әлемде17 hours ago

Вакцина қабылдаған Моңғолия азаматтары Қазақстанға емін-еркін кіре алады

Бүгіннен бастап Венгрия, Таиландия мен Моңғолияда вакцина алғандар Қазақстанға емін-еркін кіре алады, деп хабарлайды inbusiness.kz. ҚР-ның Мемлекеттік бас санитарлық дәрігердің...

Дерек1 week ago

Қазақтар дайындайтын ұлттық тағамның 10 түрі

Бесбармақ Моңғолия қазақтарының дәстүрлі етті тағамы. Бесбармақ отбасылық мейрамдар немесе қонақтарды қарсы алған кезде әзірленеді. Сыйлы қонаққа бас, жамбас тартылады....

Дерек2 weeks ago

Timeline: Атақ пен абыройдың айырмашылығы неде?

1 маусым, KAZNEWS. «Абырой атақ шығарады, даңққа жеткізеді» – деген нақыл сөз қазақ халқында бар. Біз әлеуметтік желі қолданушыларынан “Атақ...

Дерек3 weeks ago

Моңғолиялықтар Google -дан нені көп іздеді?

20 мамыр, KAZNEWS. Google 2021 жылдың сәуір айындағы мәліметтер бойынша Моңғолия азаматтарының интернеттен нені көп іздегенін анықтады. Моңғолияда биыл Google...

Дерек4 weeks ago

Виталик Бутерин крипто-миллиардер атанды

17 мамыр, KAZNEWS. Ethereum крипиовалютасының негізін қалаушысы 27 жастағы Виталик Бутерин әлемдік миллиардерлер қатарына қосылды. Бутерин ресми түрде тарихтағы ең...

Дерек4 weeks ago

Карантиндегі өзгерістер және вакцина жайлы жастардың пікірі

16 мамыр, KAZNEWS. Моңғолияда коронавирус инфекциясы 2020 жылдың қараша айында анықталып, елде әртүрлі деңгейдегі төтенше жағдай жарияланып, халықты үйден шықпауға...

Әлемде2 months ago

Денсаулық сақтау министрі Алексей Цой қазақстандық QAZVAC вакцинасымен егілді

2021 жылғы 26 сәуірде Нұр-Сұлтан қаласының № 9 емханасында Денсаулық сақтау министрі Алексей Цой КВИ-ға қарсы Қазақстандық QazCovid-in (QAZVAC) вакцинасымен...

Басты назарда