Моңғолияда

Қазақстан елшісінің Баян-Өлгий аймағына жұмыс сапары

Published

3 years ago

October 30, 2021

30 қазан, KAZNEWS. Улаанбаатар. 25-28 қазан күндері Қазақстан Республикасының Моңғолиядағы Елшісі Жалғас Әділбаев Баян-Өлгий аймағына жұмыс сапарымен болды. Бұған дейін KAZNEWS ақпарат агенттігі Қазақстан Республикасының Елшісінің аймаққа сапары басталғанын хабарлаған болатын.

Жұмыс сапарының басында Ж.Әділбаев Баян-Өлгий аймағының әкімі Бауыржан Дәлелұлымен және Баян-Өлгий аймағының Азаматтық Өкілдер Хуралының төрағасы Бейбітхан Нұриұлымен келіссөздер жүргізді.

Тараптар Моңғолияның Сыртқы істер министрі Б.Батцэцэгтің Нұр-Сұлтанға жасаған сапарының қорытындысы, Баян-Өлгий аймағы мен Қазақстан Республикасының шығыс өңірі арасындағы экономикалық ынтымақтастықты кеңейтудің перспективалары, сондай-ақ Қазақстанға ет экспортының көлемін арттыру мүмкіндіктері туралы пікір алмасты.

Ресми келіссөздерден кейін Ж.Әділбаев Қазақстан Елшілігі ұйымдастырған дөңгелек үстелге қатысты. Бұл іс-шара қазақ диаспорасы, жергілікті зиялы қауым мен бизнес өкілдерінің, сондай-ақ бұқаралық ақпарат құралдарының қатысуымен өтті.

Өзінің сөзінде Ж.Әділбаев Қазақстан Тәуелсіздігінің 30 жыл ішіндегі басты табыстарын атап өтті: экономикалық дамудың қарқындығы, әлеуметтік даму, халықаралық қауіпсіздік архитектурасындағы рөлі туралы айтты.

Бұған қоса, отандық дипломат іс-шара қатысушыларына елдің тұрақты дамуы мен азаматтарымыздың әл-ауқатын қамтамасыз етуге бағытталған қазіргі экономикалық және саяси реформалары туралы мағлұмат берді.

Сондай-ақ, ол Қазақстан Республикасының Президенті Қасым-Жомарт Тоқаевтың «Халық бірлігі мен жүйелі реформалар – елдің өркендеуінің берік негізі» атты Қазақстан халқына Жолдауының мазмұнына қысқаша тоқталды.

Сонымен қатар, қазақстандық дипломат тәуелсіздік жылдар ішінде этникалық қазақтардың тарихи отанына ерікті түрде оралуын ынталандыру саясатын жүргізіп келгенін атап өтіп, қандастарды қолдау мақсатында «Отандастар Қоры» КЕАҚ тарапынан қабылданып жатқан іс-шаралар туралы қысқаша мағлұмат берді.

Өз кезегінде қазақ диаспорасының өкілдері этникалық бірегейлікті сақтау, Қазақстанға репатриациялау мүмкіндігі және Моңғолияда Қазақ мәдени орталығын ашу мәселелерін көтерді.

Жұмыс сапары барысында Ж.Әділбаев «Азат халал» ет комбинаты мен «Ақбоар» тас өндірісінің жұмыстарымен танысты. «Азат халал» ет комбинаты 2016 жылы ашылған және кәсіпорынның қуаттылығы тәулігіне 200 басқа дейін ірі қара мен 800 бас ұсақ малды союға мүмкіндік береді.

Бұдан басқа, қазақстандық дипломат оқу орындарын аралап, қазақтың күйлері, халық әндері мен фольклорлық-шешендік өнері қамтылған «Даналық әліппесі» атты интерактивті кітаптарды табыс етті.

Сонымен қатар, Елшінің жұмыс сапары күндері А.Бабиұлы атындағы Баян-Өлгий аймағының орталық кітапханасында Қазақстан Республикасы Тәуелсіздігінің 30-жылдығына орай «Әлем қауымдастығы таныған Қазақстан» тақырыбында фотокөрме ашылды.

Фотокөрме қонақтарға Қазақстан дамуының негізгі кезеңдерімен, елімізде өткізілетін ірі халықаралық іс-шаралармен, еліміздің табиғи сұлулығымен және сәулет өнерінің жауһарларымен танысуға мүмкіндік берді.

Аталған көрме 15 қарашаға дейін жалғасады.

Related Topics:Kaznewsmn Жалғас Әділбаев

Up Next

Моңғолияда 1 грамм алтынның бағасы 162,456.30 төгрөг

Don't Miss

Ө.Энхтүвшин Моңғолияның Ресейдегі Елшісіне тағайындалды

Kaznews Agency

Казньюс агенттігі

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

2 days ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.