Моңғолияда

Бәсекеге қабілетті жастар жарқын болашақтың кепілі

Published

6 months ago

April 10, 2023

Әлемдегі ең дамыған алпауытты 30 елдің қатарында болу үшін ең әуелі адами капиталға тікелей байланысты екені белгілі. Ал адами капиталдың негізгі көзі – жастар екені даусыз.
«Ел есінде бір жыл қалғың келсе – ас бер, он жыл қалғың келсе – ағаш ек, ал мәңгі қалғың келсе – шәкірт тәрбиеле» деген екен халық даналығында. Қазіргі заман білім мен ғылымның жарысқан заманы. Уақыт пен өмір ағымында жаңа ғылым-білімді игеруде, студенттер мен жас ғалымдардың ғылыми ізденістері мен оқу-танымдық іс-әрекетін ынталандыру, жаңа машықтар алуға, білім мен технологияны күнделікті өмірде шебер де тиімді пайдалану, студенттер мен жас ғалымдарды қазіргі ғылым мәселелерін шешуге тарту мақсатында дәстүр бойынша ағымдағы жылдың сәуір айының 6-шы жұлдызында әл-Фараби атындағы ҚазҰУ-дың https://www.kaznu.kz ұйымдастыруымен ЖОО-ға дейінгі білім беру факультеті, Жоғары оқу орнына дейінгі дайындық кафедрасында студенттер мен жас ғалымдардың «ФАРАБИ ӘЛЕМІ» атты халықаралық ғылыми конференциясы өтті.
Конференцияға Моңғолия, Иран, Қытай, Өзбекстан, Ресей, Ауғанстан сияқты мемлекеттен келген шетелдік тыңдаушылар сондай-ақ еліміздегі жоғары оқу орындарынан келген: Қазақ ұлттық педагогикалық университеті, Қазақ ұлттық аграрлық университеті, Гумелев атындағы Еуразиялық ұлттық университеті, Абылайхан атындағы ҚазХҚ және ӘТУ университеті, Қазақ Қыздар Педагогикалық университеті, «Мирас» университеті, М.Әуезов атындағы Оңтүстік Қазақстан университеті, «Авимед» медининалық колледжі, Алматы Инновациялық колледж студенттері мен магистранттар (жалпы саны 163) қатысты.
Конференцияда ЖОО-ға дейінгі дайындық кафедрасы бойынша төмендегідей секциялар жұмыс істейді:
1. ҚАЗАҚ ТІЛІ секциясы: «Тәуелсіз қазақстандағы тіл саясатын жүзеге асырудағы жастардың рөлі мен әлеуеті»
2. ТАРИХ секциясы: «Әлем дамуындағы инновациялық технологияның рөлі» 3. АҒЫЛШЫН ТІЛІ секциясы: «Жаһандану дәуіріндегі ұлттық мәдениеттің болашағы»
4.ЖАРАТЫЛЫСТАНУ секциясы: «Қоғамдық ғылымның әлеуметтік прогресті дамытудағы рөлі»
5. МАТЕМАТИКА секциясы: «Математика тарихы және қазіргі заманғы практикадағы қолданыстары»
Конференцияға қатысушылардың баяндамалары мен презентацияларда шетелдік тыңдаушылардың ауқымды жобаларды ұсынып, өз бағыттары бойынша терең білімдерін көрсетті. Ғылыми жетістіктер мен ғылымды дамытуға қатысты өзекті тақырыптармен қатар шетелдік тыңдаушылар өз мақалаларында жан-жақты қызықты тақырыптар туралы да айтылды. Барлық баяндамалар тыңдаушылардың қызығушылығын тудырды. Баяндамашылар дәлелді жауаптар берген көптеген сұрақтар қойылды.
Жұмыс барысында құрылған әділ қазылар алқасы секция бойынша жалпы саны 163 ғылыми жұмыс қаралып оның 33-і І, ІІ, ІІІ дәрежелі дипломмен марапатталса сол қорғалған ғылыми мақалалар арасынан «Жүзден жүйрік, мыңнан тұлпар» оза шауып, озық шыққан үздік үштікті анықтап университеттен арнайы бөлінген сыйақыға сондай-ақ жоғары дәрежелі дипломға тағайындалды
І ДӘРЕЖЕЛІ ДИПЛОМ
(Тарих секциясы бойынша) Шетеледіктердің тілдік және жалпы білім беру кафедрасының студенті Масато Кубо (Кобе қ, Жапония) Традиционные виды спорта Японии и Казахстана, ғылыми жетекшісі, аға оқытушы Курманова Т.В.
ІІ ДӘРЕЖЕЛІ ДИПЛОМ (Тарих секциясы бойынша) ЖОО-ға дейінгі дайындық кафедрасының тыңдаушысы Ақгүл Хайрол (Моңғолия) ғылыми жетекшісі, аға оқытушы Нүсіпбаева С.А.
ІІІ ДӘРЕЖЕЛІ ДИПЛОМ (Жаратылыстану секциясы бойынша) ЖОО-ға дейінгі дайындық кафедрасының тыңдаушысы Балғынбек Дина (Моңғолия) ғылыми жекешісі: PhD доктор аға оқытушы Амангелді Н.

ЖОО-ға дейінгі білім беру факультеті,
ЖОО-ға дейінгі дайындық кафедрасының аға оқытушылары:
Г.М.Мужигова, Г.Т.Тилеужанова, С.Р.Нұртілеуова

Моңғолияда

Елші Ғабит Қойшыбаев брифинг өткізді

Published

3 weeks ago

September 6, 2023

Kaznews Agency

06 қыркүйек, KAZNEWS. Қазақстан Республикасының Моңғолиядағы Елшілігі Ғабит Қойшыбаев ҚР Президенті Қасым-Жомарт Тоқаевтың 2023 жылғы 1 қыркүйекте Парламент палаталарының бірлескен отырысында жариялаған «Әділетті Қазақстанның экономикалық бағдары» атты Қазақстан халқына Жолдауына арналған брифинг өткізді. Бұл туралы ҚР Елшілігінің баспасөз қызметі хабарлады.

Іс-шараға Моңғолия телеарналарының, ақпараттық агенттіктерінің және баспа басылымдарының өкілдері, сондай-ақ Моңғолияның Стратегиялық зерттеулер орталығының сарапшылары шақырылды.

Брифинг барысында Қазақстанның Моңғолиядағы Елшісі Ғабит Қойшыбаев моңғол бұқаралық ақпарат құралдары мен сарапшылар қауымдастығының өкілдеріне Жолдаудың негізгі мазмұны мен түйінді тұстарын жеткізді. Атап айтқанда, ол аудиторияны бұған дейін Президент Қ.Тоқаев ұсынған бастамаларды іске асырудағы ағымдағы жетістіктермен, сондай-ақ азаматтардың өмір сүру сапасын одан әрі жақсартуға бағытталған елдің әлеуметтік-экономикалық өміріндегі өзгерістерді тереңдету бойынша ҚР Үкіметінің алдына қойған жаңа міндеттерімен таныстырды.

Ол Президент Қ.Тоқаевтың Қазақстанның жаңа экономикалық бағытын айқындайтын қағидаттары әділдік, инклюзивтілік және үнемшілдік екенін атап өтті. Бұл ретте Жолдауда баяндалған міндеттер мен тапсырмаларды іске асыруға үш жыл ғана уақыт бөлінгенін баса айтты.
Сонымен қатар, қазақстандық дипломат алдағы салалық экономикалық реформалардың негізгі бағыттары мен тұстары туралы қысқаша баяндады. Осымен бірге, ол көзделген реформаларды сапалы және толыққанды жүзеге асыру үшін атқарушы билік жүйесінің өзін трансформациялау қажет болатынына назар аударды. Бұл трансформациялаудың негізгі бағыттары ретінде Мемлекет басшысы келесіні айқындады. Салалық шешімдерді әзірлеу және оларды орындау үшін жауапкершілікті, сондай-ақ олардың нәтижелі болуына дербес жауапкершілікті министрлер мен әкімдерге жүктеу; экономикалық саясатты іске асырудың толық жауапкершілігін Үкіметке жүктеу; Президент Әкімшілігін «саяси штаб» ретінде қайта құру және оның күш-жігерін мемлекеттің әлеуметтік-экономикалық дамуының стратегиялық бағыттарына, ішкі және сыртқы саясат, қорғаныс және қауіпсіздік, құқықтық және кадрлық саясат мәселелеріне шоғырландыру; мемлекеттік аппаратты бюрократиядан одан әрі арылту; саяси қызметкерлердің кадрлық резервін құру және т.б.
Қазақстан Елшісі көзделген реформалардың басты мақсаты – жылына 6-7% деңгейіндегі тұрақты экономикалық өсуді қамтамасыз ету, 2029 жылға дейін ұлттық экономика көлемін екі есеге арттырып, 450 миллиард АҚШ долларына дейін жеткізу екенін айтты.
Брифинг барысында Ғ.Қойшыбаев сондай-ақ ағымдағы жылы моңғол тарапының қатысуымен Қазақстанда өткізілетін кейбір көпжақты іс-шаралар туралы әңгімелеп берді. Атап айтқанда, ол аудиторияны 80-нен астам іс-шара аясында өткізіледі деп жоспарланған Шаңхай ынтымақтастық ұйымындағы Қазақстанның қазіргі төрағалығының негізгі басымдықтарымен таныстырып, Моңғолия буддистерінің жоғары лауазымды өкілінің қатысуымен өтеді деп күтілетін Әлемдік және дәстүрлі діндер лидерлері съезі Хатшылығының алдағы мерейтойлық отырысының жоспарланғанын жеткізді.
Іс-шараның аясында қазақстандық дипломат Моңғолияның Стратегиялық зерттеулер орталығының сарапшыларымен Қазақстанда өткізіліп жатқан саяси және экономикалық реформалардың мазмұнын егжей-тегжейлі талқылап, Қазақстанның сыртқы сауда саясаты мен қазақстандық-моңғол екіжақты қатынастарының кейбір мәселелері бойынша пікір алмасты.

Моңғолияда

Рим Папасы Франциск Моңғолияға мемлекеттік сапармен келді

Published

4 weeks ago

September 3, 2023

Kaznews Agency

3 қыркүйек, KAZNEWS. Рим Папасы Франциск Моңғолияға мемлекеттік сапармен келді.

Рим Папасын Моңғолия Президенті Ухнаагийн Хүрэлсүх салтанатты түрде қарсы алды.

Мемлекет басшыларының халық алдында сөз сөйлеу рәсімі өтті.

Президент У.Хүрэлсүх өз сөзінде Рим Папасы Франциск Сіздің Моңғолияға мемлекеттік сапарыңыз еліміздің көп тұғырлы бейбітшілікке бағытталған сыртқы саясаты мен қарым-қатынастары тарихында жаңа парақша ашатынына және екі ел арасындағы достық қарым-қатынаста маңызды рөл атқаратынына сенімдімін.

Рим Папасы Франциск: «Зор тыныштықпен ағаш уықты, киіз туырлықты ордаңыздың алдына келдім” деп өз сөзін құрметпен бастады.

Салт дәстүрін сақтаған Моңғолияны мәңгілік көк аспаны жарылқаған, барлық жаратылысқа қамқорлықпен қарайтын будда дініндегі елде көптеген діндер бірлігінің символына айналғанын атап өтті.

#KazNews

Моңғолияда

Футбол федерациясының бас демеушісі ретінде Turan World компаниясы жұмыстайды

Published

1 month ago

August 29, 2023

Kaznews Agency

29 тамыз, KAZNEWS. Баян-Өлгий аймағының Футбол федерациясының бас демеушісі ретінде Turan World компаниясы жұмыстайды.

Бұл туралы ақпарат Turan World компаниясының директоры Ерболат Әшікұлы мен аймақтық Футбол федерациясының басшысы Ертай Оралұлы арасындағы кездесуден кейін белгілі болды.

Тараптар 5 жылдық ынтымақтастық туралы келісімге қол қойған.

Келісім шарт аясында аймақтық футбол құрамасының киімдері толығымен жаңартылып, жарыстарға қатысу үшін қаржылай қолдау көрсетіліп тұрады.

#KazNews

View this post on Instagram

A post shared by Kaznews (@kaznewsmn)

Моңғолияда

“Altai Academy” Ресейдің Алтай Республикасының университетімен ынтымақтастық орнатты

Published

1 month ago

August 28, 2023

Kaznews Agency

28 тамыз, KAZNEWS. Баян-Өлгий аймағында орналасқан “Altai Academy” тіл үйрету орталығы Ресейдің Алтай Республикасының университетімен ынтымақтастық орнатты. Бұл туралы Altai Academy орталығының директоры Берік Әкебайұлы хабарлады.

Ынтымақтастық бойынша аймақтағы мектеп оқушыларының орыс тілінің біліктілігін арттыру мақсатында Ресейден ұстаздар Алтай академиясына тұрақты келіп тұрмақ.

Оқушылардың жазғы және қысқы демалыстарында арнайы курстар жұмыстайтын болады.