Спорт

Бауырбек Кәлекұлы: Шәрбетхан Қабдырашұлы Моңғолия бокс тарихында ойып тұрып орын алған

Published

1 year ago

July 1, 2023

Kaznews Agency

1 шілде, KAZNEWS. Баян-Өлгий аймағының Өлгий қаласында бокстан “Ulgii cup” халықаралық турнирі өтуде.

Турнирге Қазақстан Республикасынан 6 команда, Моңғолиядан 10 команда барлығы 200 ге жуық спортшы бақ сынауда.

Қазақстандық «Абылай» бокс клубының директоры, халықаралық дәрежедегі спорт шебері Бауырбек Кәлекұлы:

Баян-Өлгий аймағында бокс спортының негізін қалаушы, спорт мастері, еңбекқор бапкер Шәрбетхан Қабдырашұлы атында бокстан жасөспірімдер арасында “Өлгий кубогы 2023” халықаралық турниріне қатысуға келіп қалдық. Қазақстаннан 6 команда алып келдік.

Бұған дейін Шәрбетхан Қабдырашұлы атындағы халықаралық жарыс сәуір айында Шығыс Қазақстан облысы Өскемен қаласында өткен болатын.

Бұл жолғы турнирді ұйымдастырушы Баян-Өлгий аймағының Спорт, денешынықтыру басқармасына, Моңғолия Бокс федерациясына және Dream спорт клубына алғыс айтамын.

Шәрбетхан Қабдырашұлы 1975 жылы жастар арасында ел чемпионы атанып, ересектер сапында спартакиаданың қола жүлдесін иеленген азамат.

Алғашқы шәкірттері өзінің достары болған. Одан кейін жастар арасында чемпион атанған Қ. Қуанар (60 келі) және Ж.Бақыт (67 келі) және ересектер арасында чемпион атанған Қ.Құрметхан, С.Бекет қатарлы ауыр салмақтағы боксшылардың алғашқы бапкері. Тағы басқа спортшылар бар.

90 жылдары мен бар Тимур, Досан, Аманкелді, Жанатхан бар біз үшінші буындағы шәкірті боламыз.

Шәкең ағаны жалпы моңғолия таниды. Осыдан төрт жыл бұрын Улаанбаатарға жарысқа келгенімізде 1985 жылғы бір боксер бала Шәрбетхан ағаны танисыз ба деп сұрап тұр. Бұл дегеніңіз Моңғолия бокс тарихында ойып тұрып орын алғанын көрсетеді.

Бұл кісінің алғашқы мамандығы экономист болған. Спортқа жанашыр болғандықтан спорт жоғарғы университетіне түсіп, спорт жаттықтырушы мамандағымен тәмамдаған. Сегіз қырлы бір сырлы азамат болған. Бапкер әрі, ұстаз.

Қазіргі Баян-Өлгий аймағының бокс спортына көңілім толады. Қандай жарысқа барса Баян-Өлгийден кім келді деп, тітіркеніп тұрған кездер болған. Қазір бокстың дамуына үлкен үлес қосқан Қайнар бауырымыздың еңбегінде айта кеткен жөн болар.

Одан кейін Жоламан, Нұрлан қатарлы бапкерлер еңбектеніп, көптеген жарыстарда шәкірттері топ жаруда.

Қандай бір жарыстан құр қайтып көрген жоқ. Міне Баянхонгордағы Балалар фестивалінде үш қола медаль алып жатыр екен. Қазақстандағы халықаралық жарыстардан да медальмен қайтқан.

Бокс пен қазақ егіз ұғым тәріздес. Қазақ бар жерде бокс бар. Бокс бар жерде Шәрбетхан бар деп ойлаймын. Шәкірттеріміздің бокстағы тұғыры биік болсын!

Related Topics:Kaznewsmn Бауырбек Кәлекұлы

Up Next

“Happy cup” халықаралық волейбол бәсекесі жүріледі

Don't Miss

Балалар фестивалі: Бокстан үш қола жүлде бұйырды

Kaznews Agency

Казньюс агенттігі

Спорт

Еркебұлан Байытұлы әлемдік аренада екі бірдей жүлде жеңіп алды

Published

12 months ago

November 27, 2023

Kaznews Agency

62 елдің үздік спортшылары қатысқан Астанада өткен чемпионатта Mr.olimpia amateur qualifier Astana IFBB PRO 2023 сайысында (Mensphysique Novice категориясында) алтын медалды Моңғолия елінде тұратын Еркебұлан Байытұлы атты спортшы қандасымыз жеңіп алды.

Сонымен қатар осы спорттың Mensphysique Open Class D түрінен қола медалды тағы қанжығасына байлаған. Бұл туралы үздік спортшының Моңғолияда тұратын әкесі ақын Байыт Қабанұлы хабарлады.

Жазба авторы бұл Астана қаласында болып жатқан әлемдік деңгейдегі аса беделді спорттық шара екенін айтады.

Ақын Байыт Қабанұлы баласының Астанаға барғанда алдынан күтіп алып, үйіне жатқызып, барлық жағдайын жасаған Ұларбек Дәлейұлына және оның отбасына ризашылығын білдірген.

Спорт

Бекнұр Қалиұлы Азия ойындарын жеңіспен бастады

Published

1 year ago

September 27, 2023

Kaznews Agency

27 қыркүйек, KAZNEWS. Моңғолиялық боксшы Бекнұр Қалиұлы Қытайдың Ханчжоу қаласында өтіп жатқан Азия ойындарын жеңіспен бастады.

Моңғолия құрама сапында +92 келі салмақ дәрежесінде өнер көрсететін Бекнұр Қали командаластары арасынан алғашқы болып рингке Непал спортшысы Дувади Ашишпен жұдырықтасты.

Өз спорттық жолында алғаш рет ірі жарыста ел намысын қорғап жатқан Бекнұр Қали 3:1 есебімен жеңіске жетті.

19-шы Азия ойындарында жеңіл атлетикададан 400м және 800м қашықтыққа жүгіру, ерлер арасындағы 4х100 м эстафета бойынша жүгіру сайысына Жандос Нарауұлы қатысуда.

Сонымен қатар баскетболдан қыздар арасындағы сайыста Бұлбұл Мұратқызы бақ сынауда. Баскетбол командасы 27 қыркүйекте алғашқы кездесуін Қытай құрамасына қарсы өткізіп, ұтылып қалды. Екінші кездесуін 29 күні Үндістан, үшінші кездесуін 1 қазан күні Индонезия құрамасына қарсы ойнайды.

Естеріңізге салсақ Моңғолия спортшылары 19-шы Азия ойындарында бүгінге дейін 6 медаль иеленуде. Ел қоржынында 2 күміс, 4 қола бар. Биылғы Азия ойындарына 410 спортшы бақ сынауда.

Моңғолия 1974 жылдан бері Азия ойындарынан барлығы 161 медаль жеңіп алса, олардың 24-і алтын, 46-сы күміс, 91-і қола медаль.

Спорт

Батырбек Шәрівұлы жасөспірімдер арасындағы жарыста топ жарды

Published

1 year ago

September 3, 2023

Kaznews Agency

03 қыркүйек, KAZNEWS. Баян-Өлгий аймағының “Тас түлек” клубының палуаны Батырбек Шәрівұлы Өвөрхангай аймағында ұйымдастырған мемлекеттік “гарьд” дәрежелі палуан Ц.Бямба-Отгонға құрмет көрсетуге арналған сайыста жасөспірімдер арасында топ жарып, бірінші орын иеленді.

Батырбек Шәрівұлы 16 жаста. Сұмындық піл дәрежелі палуан атағы бар. Батырбек бұған дейін Завхан аймағы орнауының 100 жылдығына орай ұйымдастырылған мерей тойда жасөспірімдер арасында топ жарған болатын.

View this post on Instagram

A post shared by Kaznews (@kaznewsmn)

#KazNews

Моңғолияда

Футбол федерациясының бас демеушісі ретінде Turan World компаниясы жұмыстайды

Published

1 year ago

August 29, 2023

Kaznews Agency

29 тамыз, KAZNEWS. Баян-Өлгий аймағының Футбол федерациясының бас демеушісі ретінде Turan World компаниясы жұмыстайды.

Бұл туралы ақпарат Turan World компаниясының директоры Ерболат Әшікұлы мен аймақтық Футбол федерациясының басшысы Ертай Оралұлы арасындағы кездесуден кейін белгілі болды.

Тараптар 5 жылдық ынтымақтастық туралы келісімге қол қойған.

Келісім шарт аясында аймақтық футбол құрамасының киімдері толығымен жаңартылып, жарыстарға қатысу үшін қаржылай қолдау көрсетіліп тұрады.

#KazNews