Спорт

Галбадрах Отгонцэцэгтің ізбасары Абиба Әбужақынова «Grand Slam» турнирінде қола жүлде алды

Published

2 months ago

June 26, 2022

27 маусым, KAZNEWS. Моңғолия астанасы Улаанбаатар қаласында өтіп жатқан дзюдодан «Grand Slam» турнирінде Қазақстан құрамасы 4 қола жүлдеге ие болды.

Турнирде 48 келі салмақта сынға түскен Абиба Әбужақынова Халықаралық дзюдо федерациясы атынан сынға түскен Сабина Гильниязованы жеңіп, жарыстың қола жүлдесін алды.

Бұл салмақта жапон палуаны Нацүми Цүнода жеңімпаз атанса, моңғолиялық палуан Ганбаатарын Наранцэцэг күміс жүлдегер атанды. Сондай-ақ, екінші қола Оңтүстік Кореялық Ли Хе-Кюүн еншісінде.

Айта кетейік, 48 келі салмақта Қазақстан абыройын бұған дейін халықаралық жарыстарда моңғолиялық легионер Галбадрах Отгонцэцэг қорғап келген болатын.

Ал, Абиба Әбужақыноваға келер болсақ 48 келі салмақта жасөспірімдер арасындағы әлем чемпионатының күміс жүлдегері атанған. “Grand slam” жарыстарындағы алған алғашқы жүлдесі Улаанбаатардан бұйырып отыр.

Оқи отырыңыз: Галбадрах Отгонцэцэг спорттық мансабын аяқтады

Галбадрах Отгонцэцэг 2021 жылғы қараша айынан бастап спорттық мансабын аяқтап, елге оралған.

Галбадрах Отгонцэцэг Қазақстан командасының намысын абыроймен қорғаған легионер спортшылардың бірі болған.

Галбадрах Отгонцэцэгтің спорттық ғұмырындағы ең ірі жеңіс – 2016 жылғы Рио Олимпиадасының қола жүлдесі. 48 келіде Қазақ елінің намысын қорғаған Галбадрах екі мәрте (2017, 2018) әлем чемпионатының қола жүлдегері атанып, 2018 жылы Ташкентте өткен Азия чемпионатында топ жарған.

Related Topics:Kaznewsmn Абиба Әбужақынова Галбадрах Отгонцэцэг

Up Next

Төхөөний Очироо “Улсын мэргэн” атанды

Don't Miss

Ақжол Қайнарұлы ел чемпионатының күміс жүлдегері атанды

Kaznews Agency

Казньюс агенттігі

Спорт

Баян-Өлгий аймағының құрама командасы футболдан Моңғолия чемпионы атанды

Published

4 days ago

August 9, 2022

Kaznews Agency

09 тамыз, KAZNEWS. Баян-Өлгий аймағының құрама командасы футболдан Моңғолия чемпионы атанды.

Финалда 2:1 есебімен Төв аймағының командасынан басым түсті. Матчтың 16 және 38 минутында Баян-Өлгий аймағының спортшысы Есбол Талғатұлы қарсылас команданың қақпасына екі мәрте гол салып, басымдық танытты.

Төв аймағынан 80+5 минутта Б.Далайцэрэн гол салғанымен жеңісті жұлып ала алмады.

Чемпионаттың нәтижесінде Баян-Өлгий аймағының команда капитаны, жартылай қорғаушы Мұстафа Бақытханұлы “Үздік ойыншы”, Көпберген Мерейұлы “Үздік қақпашы” атанды.

Баян-Өлгий аймағының әкімі Бауыржан Дәлелұлы арнайы Увс аймағына барып, финалдық кездесуді тамашалап, құрама командаға қолдау көрсетті.

Аталмыш чемпионатта ең көп гол соққан футболшы ретінде Өмнөговь аймағының споршысы Б.Сүхбаатар анықталып отыр. Ол бұл чемпионатта барлығы 12 гол салған.

Бір команда сапында ең көп гол соққан футболшылар тізімінде Баян-Өлгий көш бастап тұр. Құрама сапынан 4 ойыншы яғни Мұстафа Бақытжанұлы – 6 гол, Омар Сайлауұлы – 5 гол, Есбол Талғатұлы мен Нұршариф Дәуітұлы 4 голдан соғып ең көп гол соққан үздік 16 ойыншының қатарында тұр.

2023 жылы жоғарғы лигада өнер көрсететін болады.

Спорт

Нұр-Сұлтан: Ё.Басхүү Азия чемпионы атанды

Published

1 week ago

August 4, 2022

Kaznews Agency

4 тамыз, KAZNEWS. Нұр-Сұлтан қаласы Жақсылық Үшкемпіров атындағы жекпе-жек сарайында дзюдодан Азия чемпионаты басталғанын бұған дейін хабарлаған болатынбыз.

-66 келі салмақ дәрежесінде моңғолиялық Ёндонпэрэнлэй Басхүү Азия чемпионы атанды. Ол финалда жапониялық Танака Риоманы ұтты. Жапониялық палуан бұл жолғы құрлықтық додада күміс жүлдені қанағат тұтты.

Бұл салмақтағы қола жүлде қазақстандық Ғұсман Қырғызбаев, өзбекстандық Тиловов Мухриддинге бұйырды.

Ал, қыздар арасындағы жарыста -48 келі салмақта Г.Наранцэцэг, -52 келі салмақта Б.Хорлоодой қола жүлдегер атанды.

Спорт

Нұр-Сұлтанда дзюдодан Азия чемпионаты басталды

Published

1 week ago

August 4, 2022

Kaznews Agency

KAZNEWS. 4-7 тамыз күндері Нұр-Сұлтан қаласы Жақсылық Үшкемпіров атындағы жекпе-жек сарайында дзюдодан ерлер және әйелдер арасында Азия чемпионаты басталды.

Халықаралық Дзюдо федерациясының мәліметінше, төрт күнге жалғасатын құрлықтық додада татами шеберлері жекелей және аралас-командалық жарыс бойынша өзара мықтыны анықтайды.

Халықаралық дзюдо федерациясының (IJF) күнтізбесіне сәйкес өткізіліп жатқан жарысқа Азияның 17 елінен 170-ге жуық дзюдошы өзара бақ сынауда.

14 салмақ дәрежесі бойынша өтетін бәсекеге Моңғолия құрамасынан 17 спортшы күш сынасады.

Спорт

Баян-Өлгий аймағының футбол командасы финалға жолдама алды

Published

1 week ago

August 4, 2022

Kaznews Agency

4 тамыз, KAZNEWS. Футболдан Моңғолия Президенті бастамасымен өтіп жатқан 21 аймақ арасындағы ел чемпионатының 1-лига ойындарының жартылай финалында Баян-Өлгий аймағының командасы Сэлэнгэ аймағының командасын 4:1 есебімен ұтып, алғаш рет финалға жолдама алды.

Матчтың 28 минутында Д.Нуршәрифтің пеналтиден соққан добы қарсылас команданың қақпасына тоғытылды. Сондай-ақ, команда капитаны Б.Мустафа 54 және 72 минутта, Д.Нуршәриф 69 минутта гол соқты.

Сэлэнгэ аймағының спортшысы Э.Дашдаваа қарымта шабуылда 64 минутта 1 гол соғып үлгерді.

6 тамыз күні 1-лига ойындарының финалдық кездесуі өтеді. Финалда аяқдопшыларымыз Төв аймағының командасымен сайысқа түсетіні белгілі болды.

Баян-Өлгий мен Төв аймағының құрама командасы 2023 жылы 21 аймақ арасындағы ел чемпионатында 1-лигасынан өрлеп, жоғарғы лига ойындарында өнер көрсететін болады.

Photo: MFF, Uvschuud