Моңғолияда

Әубәкір Тілеуханұлы Асгаты кенішін пайдаға беру жұмыс тобына жетекшілік етеді

Published

4 years ago

November 12, 2020

Индустриаландыру саясаты жөніндегі тұрақты комитеті Асгат күміс кенішін экономикалық айналымға енгізу жұмыс тобын құрды. Бұл туралы KazNews.mn МҰХ-ның Баспасөз, қоғаммен байланыс бөліміне сілтеме жасап хабарлайды.

Мемлекеттік Ұлы Хуралдың Индустриаландыру саясаты тұрақты комитеті 10 қарашадағы отырысында «Асгат күміс кенішін экономикалық айналымға енгізу туралы» тұрақты комиттет қаулысы жобасын талқыдан өткізді.

Отырыс басында Үкімет мүшесі, Тау кен, ауыр өнеркәсіп министрі Г.Ёндон күміс кен орны жайлы таныстырды:

«Асгат күміс кеніші Баян-Өлгий аймағы орталығы Өлгий қаласынан 180 шақырым, Ақкөл еркін экономикалық зонасынан 40 шақырым, ел астанасы Улаанбаатар қаласынан 1800 шақырым қашықтықта орналасқан. Кен орны МХР шекарасының 100 шақырымдық шебіне геологиялық барлау жасау кезінде 1976 жылы ашылған. 1986 жылдан бері жүргізілген әртүрлі геологиялық зерттеулерге нәтижесінде 25 текше метр алаңқайда таралған, ұзындығы 3 шақырым, ені 80 метр аумақта 15 кен зонасы анықталған.

Барлығы 6,4 млн кен, 72.6 мың тонна мыс, 3.3 мың тонна висмуд, 31,8 мың тонна сурьма, 2.2 мың тонна күміс қатарлы басқа да полиметалл қоры бар.

Кен орнына баратын автожол жөнделіп, көпір салынса да, темір жол, электр желісіне қосылмаған, өндірісті сумен қамтамасыз ету мәселесі шешілмеген, кен байыту технологиясы анықталмаған қатарлы себептермен айналымға енбей келеді. Осы жағдайлардың шешімін табу мақсатында Үкіметтің 2020-2024 жылғы бағдарламасының 3.2.1.5-тармағында: «Асгат күміс кенішін экономикалық айналымға енгізуге қажетті тәжірибе мен сараптама жасап, инвестиция мәселесі шешіледі»,- деп енгізілгенін министр мырза таныстыру барысында атап өтті.

Асгат күміс кеніші лицензиясын Үкімет 2019 жылы қаңтар айында «Эрдэнэс Монгол» ұлттық компаниясына өткізді. МҰХ-тың 2007 жығы 27-қаулысымен кен орны стартегиялық маңызды кен орындары тізіміне енгізілді.

Халықаралық сарапшылар болжамына қарағанда күміс бағасы 2030 жылға дейін қымбаттап, сұраныс артатын болады. Кен орнын пайдаланудың техника-экономикалық негіздемесін 1995 жылы «Апекс Сильвер», 1998 жылы “Сибгипрозолото” компаниялары жеке-жеке жасады. «Эрдэнэс Монгол» ұлттық компаниясы биылғы жылы «Сибгипрозолото» компаниясының техника-экономикалық негіздемесін толықтырып, экономикалық көрсеткіштерін қазіргі нарықтық құнға көшіріп, 123.8 млн АҚШ долларының инвестициясы енгізілісе, елімізге түсер пайдасы 21.3 пайыз болады деген есеп жасаған.

Үкімет бағдарламасы бойынша Асгат күміс кенішін экономикалық айналымға енгізіу жұмысы бірнеше кезең арқылы жүзеге асырылады. Мысалы, 2021 жылы техника-экономикалық негіздемесі қабылданып, қаржы енгізушілермен келісім жасау, 2022 жылы инфрақұрылым мен қосымша барлау жұмыстарын атқару, 2023 жылы кен байыту өндірісі құрылысын бастау, 2024 жылы жасампаздық істерді аяқтап, өндірісті іске қосу мақсаты қойылған. Кеніш карьерін ашып, технологиялық үлгі алу, қазба жұмыстарын жүргізу қатарлы шаруаларды «Эрдэнэс Монгол» ұлттық компаниясы қолға алған. Кен орнын қалай пайдалану жөнінде Ресей Федерациясы, АҚШ, Австралия компанияларымен келіссөздер жасалу үстінде.

Әлемдік банк болжауы бойынша бір кг күміс 700-дей АҚШ долларына жуықтайды.

Тау кен, ауыр өнеркәсіп министрі Г.Ёндонның таныстыруына қарағанда кен орны табысын арттырудың бірнеше нұсқасын инвестиция жасаушы тараптармен келісу қажет.

Асгат кеніші пайдаға берілсе 500 жұмыс орны ашылады.

Асгат кенішін пайдаланудың техника-экономикалық негіздемесі жаңаланып жатыр. Алдын ала жасалған есеп бойынша қаржы енгізуге 127.3 млн АҚШ доллары тартылып, 500 жұмыс орны ашылады. Сауда айналымы 318.1 АҚШ долларын құрап, ағымдағы шығындарға 256.6 млн АҚШ доллары жұмсалып, таза пайдасы 197.1 млн АҚШ доллары болады.

Отырыс соңында Индустриаландыру саясаты тұрақты комитеті Асгат кен орнын экономикалық айналымға енгізу мәселесі бойынша Үкімет пен салалық мекемелерге тапсырма беру туралы қаулы жобасын жасайтын жұмыс тобын құру жөн деп тапты. Жұмыс тобына МҰХ-ның мүшесі Әубәкір Тілеуханұлы жетекшілік ететін болып, мүшелеріне МҰХ-ның мүшелері Қ.Бәделхан, Н.Ганибал, Б.Дэлгэрсайхан, Т.Энхтүвшин, Г.Ганболд, Д.Өнөрболорлар тағайындалды.

Related Topics:Kaznewsmn Асгат кенті Әубәкір Тілеуханұлы

Up Next

Даниил Коржонов: Қазақ халқының тұрмыс тіршілігі

Don't Miss

Цагааннуур бекетінен әр айдың II және IV апталарында жанармай енгізіледі

Kaznews Agency

Казньюс агенттігі

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

7 days ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

4 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

4 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

4 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.