Моңғолияда

Дональд Трамп пен Ким Чен Ын 12 маусымда кездесуі мүмкін

Published

6 years ago

May 27, 2018

ҚазАқпарат – АҚШ президенті Дональд Трамп жұма күні Солтүстік Корея көшбасшысы Ким Чен Ынмен жоспарланған кездесудің 12 маусымда өтуі мүмкін екендігін мәлімдеді, деп хабарлайды Рёнхап. Трамп тараптардың Сингапурде болуы тиіс кездесу мәселесін әлі де талқылап жатқандығын айтты. «Әрі қарай не болатынын көреміз. Кездесу 12-сінде өтуі мүмкін. Диалог жалғасып жатыр. Олар (Солтүстік Корея) кездесу өткізуді қатты қалайды. Біз де соны қалаймыз. Бұдан не шығатынын көреміз», – деп атап өтті Трамп Ақ үйде журналистерге. Кейінірек Трамп Туиттерде қазіргі таңда Құрама Штаттар мен Солтүстік Корея арасында «нәтижелі келіссөздердің» жүріп жатқандығын жазды. Егер, бұл нәтиже берсе, келіссөздердің 12 маусымда Сингапурде өтетінін қоса айтты. «Біз Солтүстік Кореямен саммитті қалпына келтіру туралы жемісті келіссөздер жүргізіп жатырмыз. Егер ол өтетін болса, 12 маусымда Сингапурде болуы мүмкін», – деді ол. Трамп Солтүстік Корея тарапынан «ашық жауласу» болып жатқандығын айтып, бір күн бұрынғы кездесуді болдырмаған еді. Ким Чен Ын екеуі Солтүстік Кореядағы ядролық бағдарламаны жою туралы сөйлесу үшін кездесуге уағдаласқан болатын. Бірақ, Пхеньян жақында АҚШ-ты біржақты ретпен елдің ядролық мүмкіндіктен бас тартуға мәжбүрлеп, саммитте қатыспайтынын айтып, қорқытты деп айыптады. Солтүстік Корея билігі сәрсенбі күнгі мәлімдемесінде АҚШ-қа «ядролық» шақыру жасап, АҚШ вице-президенті Майк Пенсті «саяси қарақшы» деп атады. Алайда, Трамп бейсенбі күні саммитті болдырмағаннан кейін, Солтүстік Корея мұндай мәлімдемелерін азайтты. «Біз америкалық тарапқа кез келген уақытта мәселелерді шешу үшін үстелге отырып, келіссөздер жүргізуге ниетті екендігімізді түсіндіргіміз келеді», – деп мәлімдеді Солтүстік Кореяның сыртқы істер министрлігі. Жұма күні Трамп Пхеньянның мәлімдемесін естіп, қуанғанын және мұның бейбітшілік пен тыныштық орнатуға әкелетініне сенім білдіретінін жеткізді. АҚШ сыртқы істер министрі Джеймс Мэттис саммиттің болатынына үміттенетінін айтты.

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

2 days ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.