Моңғолияда

Ақмұрат Едігеұлы: Жаңа ғалам – әмбебап әлем

Published

7 years ago

November 7, 2017

Ит пен мысық ауыз жаласса, аспазға қарсы ымыраласқандықтың нышаны.
Кіріспе
70 жыл жалғасқан қырғи қабақ суық соғыс аяқталып, Берлин қамалы құлаған соң АҚШ әлемдегі жалғыз көшбасшы мемлекет болу мүмкіндігіне қол созды. Кеңестер одағы ыдыраған соң қаржы және экономика, әскер, қару-жарақ, спорт, өнер, мәдени тұрғыда АҚШ-қа төтеп беретін мемлекет әлемде болмады. Атлант және Тыных мұхиттарына егелік еткен теңіз флоты, Азия, Европаға жапа-тармағай орналастырылған құрлық әскерлері, әлемді уысына кіргізген банк жүйесі, ірі корпорациялар мен доллар АҚШ-ты бұрын-соңды жер бетінде болмаған ең алпауыт империяға айналдырды. Аталмыш басымдықтарын пайдаланған АҚШ өткен 27 жылда өз қалауын әлемнің өзге елдеріне тықпалаумен келді. Сондай-ақ, қажет жағдайда экономикалық, қаржылық тетіктер мен әскери күш қолданып hegemony болу үдерісін жалғастырумен болды.
Жаңа одақ
Осылайша жаһандану, бір полюсті әлемге айналу үдерісі сәтті жүзеге асып жатқанда «пәле аяқ астынан» демекші бейбітшілікті жақтаушы, колонияға қарсы көзқарастағы Обама АҚШ-тың 44 Президенті болып сайланбасы бар ма?! Ол АҚШ-тың жасаған соғыстары үшін кешірім сұрап, ешқашан соғыс бастамаймын деп ант су ішті. Осы уәдесі үшін оған Нобельдің бейбітшілік сыйлығы берілді. Неғұрлым ішке бағытталған саясат жүргізіп, АҚШ-тың 250 жылдық тарихында қоғамда бағаланбаған гейлердің жанұя құруы, әлеуметтік қамсыздандырудың социалистік жүйесі, мариухананы заңдастыру, қоғамдық әділет қатарлы мәселелерге баса назар аударды. Алайда, осы қарсаңда жалғанды жалпағынан басқан АҚШ-қа қарсы жаңа одақ біртіндеп пайда бола бастаған еді.
Бұдан бұрын мәдениет, дін, саяси тұрғыда тікелей байланысы жоқ, өзара тым етене жақын емес Иран, Қытай, Ресей қатарлы үш алып держава бір біріне бүйрек бұра бастады.
Мақаланы толығырақ оқу үшін сілтемеге өтіңіз.

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

10 hours ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.