Connect with us

Дерек

Тарихи тұлғалардың есімі қанша балаға қойылған?

Published

on

18 ақпан, KAZNEWS. Казньюс ақпарат агенттігі моңғолияда балаға қойылған тарихи тұлғалардың есіміне қысқаша зерттеу жасап көрді. 

Балаларға тарихи тұлғалардың есімдерін беру бұрыннан бар ма?

Халқымыз перзентіне қол бастаған батырлардың, ел бастаған билердің атын қоюға тырысып келген. Халықтың ардақтысы болған адамдардың атын қою – сол адамдардың есімін ұмыттырмау, ұрпақтың есіне салу сияқты маңызға ие. Тарихи тұлғалардың есімдерін беру бұрыннан жалғасып келген.

Статистикалық мәліметтерге жүгінсек, Моңғол халқы Темүүжин есімін 7852 балаға, Сүхбаатар есімін 4272, Мандухай есімін 1072 балаға, Бөрте есімін 714 балаға, Шыңғыс есімін 648 балаға берген.

Ал, елдің батыс өлкесін мекен еткен қазақ халқы Жәнібек есімін 419 балаға, Бауыржан есімін 368 балаға, Нұрсұлтан есімін 316 балаға, Мұстафа есімін 307 балаға, Рамазан есімін 224 балаға, Абай есімін 83 балаға, Әлихан есімін 76 балаға, Мұхамед есімін 66 балаға, Шыңғыс есімін 38 балаға берген екен. 

Қазіргі таңдағы ең танымал есімдер

Елімізде соңғы жылдары ең көп қойылған ұл баланың есімдері Ерасыл 419, Нұрәли 414, Әли 335 болса, қыздардың арасында Әмина 2280 (моңғол, қазақ), Аружан 497,  Жанерке 496, Айзере 402, Айару 394, Мәдина 390, Кәусар 344 көп кездеседі.

Дерек

Барыс жылы қандай болған? 1902-2022 жылғы оқиғаларға шолу

Published

on

04 қаңтар, KAZNEWS. Барыс – сиыр жылынан кейін, қоян жылынан бұрын кіретін мүшел есебінің үшінші жылы. Барыс сақтардың ұғымында қасиетті аң болған. Қазақ халқының жорамалдарында Барыс жылы күрделі бетбұрыстар алдындағы тыныштық жылы деп саналған.

Барыс жылы қиындық пен қуанышқа, ауыртпалық пен жақсылыққа толы жыл. Дегенмен, бұрындары тарихта барыс жылына қатысты елеулі оқиғалар болмаған. Сол себепті барыс жылын қазақтар жайсыз жыл деп санамайды.

Сонымен, барыс жылы аймағымыз үшін қандай жыл? Тарихи шегініс жасап, 1902-2022 жылдардағы барыс жылындағы оқиғаларға қысқаша шолу жасап көрелік.

1902 жылы

XIX ғасырдың екінші жартысы ХХ ғасырдың басында Цинь үкіметінің сыртқы саясаты біршама әлсіреуіне байланысты “Жаңа үкімет саясаты” бағдарламасын жариялады. Бұл моңғол халқына ауыртпалық туғызды. VIII Боғда Живзандамба, Цэрэнчимэд, Ханддорж, Чагдаржав қатарлы тұлғалар Цинь үкіметінің басымшылық саясатына қарсы шығып, ел бостандығы үшінгі күресі басталды.

Қоғам қайраткері Ноғай Шымшырұлы дүниеге келді.

1914 жылы

Хиагта қаласында Моңғол елі, Қытай мен Ресей Патшалығы арасындағы үш жақты келісім басталды.

Батыс моңғолияда ойран салған Жа лама ұсталып, Ресейге табыс етілді.

1926 жылы

1926 жылы өткен Халық өкілдері құрылтайына қазақ халқынан Ж.Адырбай, Ж.Нарын, С.Мүрсәлі, Жанымхан, Күшенбай, урианхай халқынан Ш.Тэвэгт қатарлы өкілдер қатысты.

Моңғолиядан 10 адам Меккеге қажылық сапарға аттанды.

Алғаш рет хошуун әкімін халық мәжілісінен сайлау жұмысы басталып, Шыбарайғыр хошууны әкіміне Т.Үмбет, Шеруші хошууны әкіміне М.Қойшы молда, орынбасарына Қ.Баймеш, хатшысына Т.Дәуітбай сайланған.

Қазіргі Алтанцөгц сұмын орталығында алғашқы бастауыш мектебі орнаған. 1931 жылы Өлгий қаласына орын ауыстырып, жалпы білім беретін №2 мектептің іргетасын қалаған.

1938 жылы

1938 жылдан өңірдегі әкімшілік бөлісін ру атымен емес жер-су атымен атауға шешім шықты. Қазақ, урианхай, дөрвөд халқы Хужирт, Цагаангол, Дэлүүн, Толбо, Улаанхус, Цагааннуур, Баяннуур, Сагсай т. б. жер-су атымен аталған әкімшілік бірліктерге бөлінді.

Саяси қуғын-сүргін нәубеті 1937-1938 жылдары өзінің шарықтаған шегіне жетті. Моңғолияда 37 мыңға жуық адам нәубетке ұшырады. Олардың 3 мыңға жуығы Баян-Өлгийліктер болған.

Саяси нәубетке ұшырағандардың мал мүлкін тәркіледі.

Маусым айында Мемлекеттік Кіші Құрыл басқармалары мен Министрлер кеңесінің біріккен отырысында Ховд аймағына қарасты қазақтардың мәселесін сөйлесіп, «Аз ұлт өкілдерінің өмір тіршілігі, саяси және қоғамдық белсенділігін жақсартуға байланысты іс-шаралар» туралы №50 -ші қаулы қабылданып, мемлекеттік комиссия орнатқан. Комиссия мүшесіне Қобда аймағы әкімінің орынбасары Б.Қаби, МКХ депутаты М.Тоқтамыс қатарлы өкілдер қатысқан. Қаулы бойынша қазақ, урианхай халқына 21460 шаршы жер беру, әкімшілік құрылымын өзгерту, жаңа сұмындарды сайлау арқылы құру, өнеркәсіп ашу, заңдарды қазақ тілінде насихаттау қатарлы тағы басқа шаруаларды атқаруды сол кездегі Премьер-министр А.Амарға тапсырған.

Көкмойнақта бастауыш мектеп құрылды.

Цагааннуур сұмыны (Ақкөл қалашығы) 1938 жылы Увс аймағы Бөхмөрөн сұмынының 1,2,3 және қазақтың Бақат сұмынының 4 -ші бағынан құралып Ховд аймағының қарамағында орнады.

1950 жылы

Қыркүйек айында аймақ орнауының 10 жылдық мерейтойы тойланды. Мерейтойға алғаш аймақ орнату ісін ұйымдастырған МХРП-ның Орталық комитетінің хатшысы Ч.Сүрэнжав қатарлы өкілдер келіп қатысты. Мерейтойда генерал М.Зайсанов алғаш рет ұшаққа ақсақалдар мен балаларды отырғызып, Өлгий қаласының аспанында өнерін көрсетумен қатар, тойшыл қауымға арнайы баспадан шыққан «Үнэн», «Өркендеу» газеттерін ауадан шашып, құттықтау жолдады.

«Мәдени төңкеріске» ауылдағы халықтың басым көпшілігі қатысты.

1950 жылының басында Моңғол елінің саяси, қоғамдық өмірінде бірқатар өзгерістер орын алды. Негізгі заң бойынша мемлекеттік құрылымның сайлау системасына өзгеріс еңгізілді. Бұл өзгерістер бойынша 1951 жылы Мемлекеттік Ұлы хурал сайлауы өтіп, Баян-Өлгий аймағынан 15 депутат сайланған.

Архив қағаздары крилл жазуымен жазылатын болды.

Бұл жылы аймақтық мерейтойда аймақтық піл дәрежелі палуан Ц.Чимэд-Очир жеңімпаз атанған.

Радио желісі құрылып, Улаанбаатар қаласының радио станциясы хабарын тыңдайтын мүмкіндік туды.

1950 жылғы барыс жылы аймақ басшысы қызметін Жеңісхан Дүзелбайұлы (1944.1-1950.12) атқарып тұрып, Құрманхан Мұқамедиұлы (1950.12-1952.8) билікке келген.

Мініс Әбілтайұлы Монғол Халық революциялық партиясы (МХРП) Орталық Комитетінің шешімімен мемлекеттік баспахананың қазақ бөліміне редактор, аударушы қызметіне тағайындалады.

1962 жылы

Бұл жылы аймақтық мерейтойда аймақтық арыстан дәрежелі палуан Е.Дағыс жеңімпаз атанған.

Министрлер кеңесінің №40 қаулысы бойынша Хотгор көмір шахтасын әкімшілік құрылымы бекітіліп, 1963 жылдан көмір шығару жұмысы басталды.

1962 жылы 25 желтоқсан күні Налайхан көмір шахтасының мастері Залел Нұғыманұлы мен Налайхан көмір шахтасының жұмысшысы Шанкей Дембебайұлы Моңғол Халық Республикасының «Еңбек батыры» атағын алған.

Аймақ орталығында спорт денешынықтыру ғимараты бой көтерді.

1962 жылғы барыс жылы аймақ басшысы қызметін Ырым Жуанғанұлы (1959.11-1970.6) атқарып тұрған.

1974 жылы

Ю.Цэдэнбал Моңғол Халық Республикасы Халық Ұлы Хуралы Президиумының Төрағасы яғни мемлекет басшысы қызметіне тағайындалды.

Өлгий қалалық Халық депутаттар құрылтайының атқару орыны құрылды.

Бұл жылы аймақтық мерейтойда аймақтық піл дәрежелі палуан Е.Қали жеңімпаз атанған.

1974 жылғы барыс жылы аймақ басшысы қызметін Сарай Асқанбайұлы (1970.6-1978.6) атқарып тұрған.

1986 жылы

Бұл жылы аймақтық мерейтойда аймақтық арыстан дәрежелі палуан Қ.Қажымұқан жеңімпаз атанған.

Халық Ұлы хурал депутатына бұл жылы М.Кәрімбек, Б.Құрметбек, Н.Сарбас, Қ.Қызырхан, Б.Дэжид, С.Цэцэг, К.Қабдеш, С.Цэдэнбал, А.Зардыхан, Н.Жамей, Т.Шәріпхан, С.Ғылымхан, Т.Намжим, Н.Бақат, Т.Дүйсенбай, Ц.Нарангэрэл, С.Кенжебай, Р.Дагвадорж қатарлы 18 азамат сайланған.

1986 жылғы барыс жылы аймақ басшысы қызметін Қызырхан Құсбекұлы (1978.6-1989.11) атқарып тұрған.

1998 жылы

Бұл жылы аймақтық мерейтойда мемлекеттік лашын дәрежелі палуан О.Бақыт (қазір мемлекеттік харцага) жеңімпаз атанған.

Моңғолия Президенті Н.Багабанди Қазақстан Республикасы, Кувейт және Түркия елдеріне ресми жұмыс сапарымен барды.

1998 жылы аймақ басшысы қызметін Мейрам Қадырұлы (1996.10-2000.8) атқарып тұрған.

2010 жылы

2010 жылы 11-13 қараша аралығында Астанада Моңғолияның Қазақстандағы мәдениет күндері өтті. Мәдениет күндері аясында фотокөрме, моңғол киносының көрсетілімі және өнер шеберлерінің концерті ұйымдастырылды.

Наурыздың Халықаралық мәртебесі айқындалды. 2010 жылы 19 ақпанда БҰҰ Бас Ассамблеясының 64-ші сессиясында «Әлем мәдениеті» атты күн тәртібінің 49 тармағы аясында «Халықаралық Наурыз күні» деп аталатын қарар қабылданды.

ЮНЕСКО ұйымы 2010 жылы қыран құспен аңшылық жасауды адамзаттың материалдық емес мұрасы тізіміне қосқан.

Парламент депутаты Тілейхан Әлмәлікұлының бастамасымен Музыкалы драма театрының ауласында Бүркіт бейнеленген “Бірлік кешені” ескерткіші орнатылды.

Қоғам қайраткері Сарай Асқанбайұлының ескерткіші орнатылды.

Моңғол елінің «Мәдениетіне еңбегі сіңген қайраткер» Самжид Риймэдке «Халық артисі» атағы берілді.

Бұл жылы аймақтың 70 жылдық мерейтойы тойланып өтті. Палуандар бәсекесінде қазіргі мемлекеттік чемпион дәрежелі палуан П.Бүрэнтөгс жеңімпаз атанған.

800 орындығы бар спорт кешені бой көтерді. 

Баян-Өлгий аймағының халық саны өсімінің ең жоғарғы төмендеуі 1991-1994, 2010 жылдары байқалған. 2010 жылғы халық санағында 89191 адам тіркелген.

2010 жылы аймақ басшысы қызметін Қабыл Сәкейұлы (2007-2012.12) атқарып тұрған.

2022 жылы ?

Continue Reading

Дерек

Ұлттық бостандық пен тәуелсіздіктің қалпына келгеніне 110 жыл толды

Published

on

28 желтоқсан, KAZNEWS. 1911 жылы 29 желтоқсанда 200 жыл бойы Манжурия билігінде болып келген Моңғол елі дербес Боғда (Моңғол) хандығын құрып, Боғда Живзундамбаны хан тағына отырғызады. Осылайша Моңғол халқы өз тәуелсіздігін жариялап, бес министрлікен тұратын үкімет құрып, Боғда хан үкіметінің  алғашқы Премьер-министріне Сайн ноён хан Намнансүрэн тағайындалды.

Боғда хан үкіметі барлық моңғолдарды біріктіретін Моңғол елін құруға ұмтылып, 1912 жылы басқа аймақтар секілді Цинь үкіметінің құрамында болып келген Қобда өлкесін азат етіп, Манж Цинь үкіметінің Қобда, Улиастай қалаларындағы өкілдігін қуып шықты.

1912 жылы шілденің 14 күні Шеруші руының Қылаң бастаған 11 билеушісі 400 отбасы атынан Боғда ханға ұсыныс хат жолдап, Моңғолия құрамына кіруге дайын екенін білдірді.

1912 жылы қарашаның 23 күні Боғда ханның жарлығы шығып Қобда өңіріндегі қазақтар Моңғол елінің құрамына қабылданды.

Моңғол елі 1915 жылы Қытаймен Ресей патшалығының арасындағы Хиагта келісімі бойынша автономиялық статус беріліп, 1919 жылы Қытайдың әскери басқаруында болғанымен 1921 жылы Ұлттық революция жеңіп, өз тәуелсіздігін қайта жариялаған болатын.

29 желтоқсан ел тұрғындары үшін мерекелік демалыс күні болып есептеледі.

Continue Reading

Дерек

Жылдың үздік 10 оқиғасы – KAZNEWS

Published

on

26 желтоқсан. KAZNEWS ақпараттық агенттігі жыл сайын «Жылдың үздік 10 оқиғасын» анықтауды дәстүрге айналдырған. Агенттіктің көзқарасы бойынша 2021 жылдың үздік оқиғасы төмендегідей.

1. Моңғолияның “Еңбек ері” атағы Әнуарұлы Нотаға, “Халық дәрігері” атағы Рәмішұлы Асайға берілді

Моңғолия Президенті У.Хүрэлсүхтің жарлығы бойынша Нейрохирургия саласында ми қан тамырлары ауруларының диагностикасын, хирургиясын және емдеуін теориялық тұрғыда дамытып оны тәжірибеге толығымен енгізу мен қатар нәтижелерін әлемдік деңгейге жеткізгені үшін Мемлекеттік сыйлықтың иегері, Еңбек сіңірген дәрігер, доктор профессор, даңқты нейрохирург Ануарұлы Нотаға Моңғолияның “Еңбек ері” атағы, Моңғолияның Ұлттық онкологиялық орталығының кеңесші дәрігері, Еңбек сіңірген дәрігер, доктор профессор Рәмішұлы Асайға «Халық дәрігері» атағы берілді.

Елім дейтін ер болмаса, ерім дейтін ел қайдан болсын! Ерім дейтін ел болмаса, елім дейтін ер қайдан болсын!

Ануарұлы Нота мен Рәмішұлы Асай дәрігердің Президенттен алған атағын KAZNEWS ақпараттық агенттігі жылдың үздік оқиғасы ретінде анықтап отыр.

2. Қазақ қызы алғаш рет әлем чемпионатының қола жүлдегері атанды

Польшаның Кельц қаласында бокстан өткен жастар арасындағы әлем чемпионатында 51 келі салмақ дәрежесінде Құлын Алтынбекқызы қола жүлдегер атанды. Шаршы алаңда украйналық Дарья-Ольга Гутаринаны және Қазақстандық Гүлнар Тұрапбайды жеңіп, жартылай финалға өткен болатын. Ол жартылай финалдық кездесуінде ресейлік Валерина Линоваға есе жіберіп алды.

Құлын Алтынбекқызының Моңғолия қазақ қыздары арасынан алғаш рет әлем чемпионатында қола жүлдегер атануы 2021 жылдың үздік оқиғасы ретінде анықталып отыр. 

3. «Жыл басы – Наурыз 2021» бағдарламасы арқылы қазақтың салт дәстүрі дәріптелді

Нұрбек Жырғауұлы жетекшілік ететін «Өлгий жерлестер дамыту кеңесі» мемлекеттік емес ұйымының қолдауымен, Моңғолия Жастар одағының Улаанбаатар қаласындағы Баян-Өлгий жастар бөлімшесі бірлесіп «Жыл басы Наурыз – 2021» атты бағдарламасы Талын Монгол телеарнасында көрерменге жол тартты.

Бағдарламада қазақ халқының салт дәстүрі дәріптеліп, Моңғол халқына Ұлыстың ұлы күні Наурыз мейрамы туралы кең көлемде ақпарат берілді.

Салтанатты шара барысында Моңғолия эстрадасындағы қазақ халқынан шыққан жұлдыздар әнмен шәшу шашты.

4. Ризабек Жазидолдаұлы Халықаралық ТҰРАН сыйлығының лауреаты атанды

Ризабек Жазидолдаұлы 2021 жылғы Бейнелеу өнері саласы бойынша Халықаралық ТҰРАН сыйлығының лауреаты атанды.
Халықаралық ТҰРАН сыйлығына Моңғолия, Қазақстан, Өзбекстан, Әзербайжан, Молдава, Ресей, Қырғызстан, Түркіменстан қатарлы елдерден суретшілер қатысты.

Ризабек Жазидолдаұлы тақырыптық композицияларын көркемдік рәсіммен жандандырып, романтикалық туындыларында эмоциялық сезімдер бере біледі. Тарихтың бір түйінінен поэтикалық ой толғап, дерегіне үлкен философиялық, символикалық ой жүгіртеді. Образды ойлауда типтік қасиет дарыту шебер.

5. Жаннұр Көпжасарқызы шахматтан халықаралық турнирдің жеңімпазы атанды

Шахматтан Моңғолияның әуесқойлар арасындағы ел біріншілігінің күміс жүлдегері Жаннұр Көпжасарқызы 1959 жылы құрылған француздың әйгілі «Europe Echecs» клубы ұйымдастырған онлайн-халықаралық ашық турнирге сәтті қатысып, 1600 -ге дейінгі деңгейдегі шахматшылар арасында жеңімпаз атанды.

Бұл жетістігі үшін оған Еуропалық шахмат жаттығу алаңын бір жыл бойы тегін пайдалану құқығы берілді.

6. Ел біріншілігінде таеквондошылар 1 күміс, 3 қола медаль жеңіп алды

Улаанбаатарда таеквондодан Моңғолия біріншілігі мәресіне жетті. Ел біріншілігінде Баян-Өлгий аймағының намысын қорғаған спортшылардың жетістіктерін «Арман» таеквонда клубының жетекшісі Ерұлан Шөленұлы қорытындылап берді.

Байрақты бәсекеге 55 командадан 520 спортшы күш сынасты. Жастар арасындағы -55 келі салмақта өнер көрсеткен Айдарханұлы Тасқын қола медаль, ересектер арасындағы сайыста -68 келі салмақта өнер көрсеткен Сейлұлы Ақниет қола жүлдегер атанды.

Қыздар арасындағы -70 келі салмақта өнер көрсеткен Құмырбекқызы Гүлдәурен қола медаль иеленсе, +70 келі салмақта Асылбекқызы Әсемхан 2021 жылғы ел біріншілігінің күміс жүлдегері атанды.

Ел біріншілігіндегі Баян-Өлгий спортшыларының жеңіске деген ұмтылысының жоғары екенін көруге болады. Таеквондашы жастардың өнері жылдың үздік оқиғасына лайық.

7. Моңғолиялық ерлі-зайыпты әншілер «Алтайдың ар жағынан келген ару» әнін орындап хошеметке ие болды

Моңғолиялық ерлі-зайыпты әншілер А.Анхбаяр мен Б.Чанцалдулам ақын сазгер Тынышбайұлы Рахымның «Алтайдың ар жағынан келген ару» әнін орындап, әлеуметтік желіде хит болды. Казньюс ақпараттық агенттігі қос әншімен байланыс орнатып, әңгімеге тартқан еді.

А.Анхбаяр бұл әнді алғаш рет 1993 жылы Увс аймағында әскери міндетін атқарып жүрген кезде Баян-Өлгий аймағынан келген Молдаш, Қуанған, Аманбек есімді қазақ әскерлер аузынан естіп, сөзі мен әнін жаттап алғанын айтады. Содан бері үнемі айтып жүрген. Өнер жолын қуғаннан кейін бұл әнді орындау қажет екен деген ой келген. Қазақ әндерінің әуені керемет болады. Сол үшін де қазақ шығармаларындағы биік құзар шыңдар, әдемі табиғат, қазақ халқының салт-дәстүрлері көрсетілетінін ұнатады.

Ал, оның зайыбы Чансалдуламның айтуынша: «Алғаш танысқан кезде Анхаа маған гитарамен бір ән орындап беретін. Ол әннің сөзін түсінбесем де әуені керемет болатын. Сөйтсем осы ән екен. Махаббат туралы ән әрі музыкасы көңілімнен шыққан соң бұл әнді ұнатып қалдым. Содан дует болып орындайық деп жолдасыма ұсыныс жасадым. Ол да қуана келісті» – дейді.

Әнді жарыққа шығарғалы көп болмаса да, қазақ халқының зор алғысына бөленіп жатырмыз. Бұл бізді ерекше жігерлендірді. Тезірек әдемі киімдер тіккізіп, клип жасап шығаруды ойлап отырмыз. Сіздерге бізді құрметтеп, сұхбат жасау мүмкіндігін беріп отырғандарыңызға алғыс білдіреміз. Оқырмандар мен барша қазақ халқына тек қана әлемдегі бар жақсылықтарды тілейміз!

8. С.Нұртілек пен Б.Иманғали жасөспірім палуандар арасындағы ел біріншілігінен күміс жүлде алды

Моңғолдың ұлттық күресінен жасөспірімдер арасындағы ел біріншілігі Улаанбаатар қаласында өтті. Жарысқа елдің 21 аймағы мен Улаанбаатар қаласының 9 ауданынан үздік 60 спортшы қатысты.

16 жас аралығындағы бәсекеде Сонгинхайрхан ауданының палуаны С.Бат-Эрдэнэ 27 палуанды ұтып чемпион атанса, Баян-Өлгий аймағының спортшысы С.Нұртілек 26 палуанды жеңіп күміс медаль иеленді.

Ал, 17 жас аралығындағы бәсекеде Сэлэнгэ аймағының палуаны Г.Төгсжаргал 28 палуанды ұтып жеңімпаз атанса, Баян-Өлгий аймағының палуаны Иманғали Бақытұлы 27 палуанды тізе бүктіріп күміс медаль иеленді.

9. Математика пәнінен академик Мекей Әбішұлы атындағы батыс зоналық дәстүрлі олимпиадасында аймақтық оқушылар көш бастады

Өлгий қаласында математика пәнінен Моңғол елінің «Халық ұстазы», доктор, профессор, академик Мекей Әбішұлы атындағы 7-ші батыс зоналық олимпиада өтті. Математика пәні бойынша өтіп жатқан сайысқа аймағымыздан және көршілес Увс, Ховд, Баянхонгор аймағынан командалар келіп қатысты.

Батыс зоналық олимпиадаға 20 команда 300 оқушы, 40 ұстаз бақтарын сынап, қорытынды есеппен Баян-Өлгий аймағының 1-ші командасы бірінші орын, Увс аймағының 1-ші командасы екінші орын, Баянхонгор аймағы мен Увс аймағының 2-ші командасы үшінші орын иеленді.

10. Жылдың үздік 3 бейнебаяны анықталды

Баян-Өлгий аймағы эстрадасының танымал жұлдыздары НҰР тобы (Кертай Зархумұлы, Сәтжан Класханұлы) мен Заманбек Абдуллинұлы бірлесіп ақын Мейраш Қибатайұлының сөзіне жазылған “Әдемі қыз” әніне, Нұр тобы «Баян-Өлгий мекенім» әніне, Моңғолияның ең танымал әншісі С.Жавхлан «Өлгий жерлестер дамыту кеңесі» -нің директоры Нұрбек Жырғауұлының қолдауымен “Өнөд орших Өлгий” әніне жаңа бейнебаян түсірді. Бұл бейнебаяндар әлеуметтік желіде үлкен қолдауға ие болуы Казньюс ақпарат агенттігінің 2021 жылғы үздік оқиғалар тізбегіне қосылып отыр.

Жаңа жылда жағымды жаңалықтарымыз көп болсын ағайын! 

KAZNEWS AGENCY

Continue Reading

Дерек

Millennium Challenge Account және Оюу толгой компаниясындағы жалақысы жоғары бос жұмыс орындар

Published

on

Әкімшілік көмекші


Компания: Millennium Challenge Account (Мянганы сорилтын сан)

Мекен жайы: Улаанбаатар, Монгол Улс, Улаанбаатар хот, Сүхбаатар районы, “ЮНЕСКО” көшесі, МПМ ғимараты, 5, 6-шы қабаты, hr@mca-mongolia.gov.mn

Міндеттері: МСА – ның ұзақ мерзімді және қысқа мерзімді әкімшілік жоспарларын әзірлеуге қатысу.

Талаптары:
— Іскерлік басқару және менеджмент, қаржы, бухгалтерлік есеп немесе басқа ұқсас салаларда бакалавр немесе одан жоғары дәрежесі болуы керек.
— Ұқсас қызметтегі 3 жылдан артық жұмыс тәжірибесінің болуы және шетел тілін меңгерген болуы құпталады
— Ағылшын тілінің деңгейі ILR Level 3 -ден төмен емес болуы керек.

Айлық жалақы: Жоғары

Толық ақпаратты 7711-1710 телефоны арқылы алуға болады.

Оқыту маманы


Компания: Оюу толгой компаниясының Кадр және ұйымдастыру бөліміне

Мекен жайы: Моңғолия, Улаанбаатар, Чингис даңғылы -15, Сүхбаатар районы, Моннис мұнарасы, 1 қабат.

Міндеттері: Бұл лауазымның мақсаты бөлімнің мақсаттары мен жоспарланған жоспарларына қол жеткізу үшін компанияның саясаты мен процедураларына сәйкес бөлімшенің оқу функцияларын басқару, жоспарлау, ұйымдастыру, оқыту және жүйелі түрде нұсқау беру болып табылады.

Талаптары:
— Адам ресурстарына немесе бизнесті басқару бойынша колледж немесе университетте диплом, бакалавр немесе оған теңестірілген жоғары білімі болуы керек.
— Ұқсас қызметтегі 5 жылдан артық жұмыс тәжірибесінің болуы және шетел тілін меңгерген болуы құпталады

Толық ақпаратты +(976) – 7010-3604 телефоны арқылы алуға болады. 

Оюу толгой компаниясындағы өзге бос орындарды көру үшін мына жерге басыңыз.

Continue Reading
Advertisement

Бізге жазылыңыз

Сөзге тиек

Кітаптан үзінді...2 weeks ago

Опра Уинфри – “What I Know For Sure” жалғасы…

07 қаңтар, KAZNEWS. Американдық тележүргізуші, актриса, продюсер О́пра Гэйл Уи́нфри 1954 жылы 29 қаңтарда Миссисипи штатының Косиускода дүниеге келеді. Аты...

Дерек3 weeks ago

Барыс жылы қандай болған? 1902-2022 жылғы оқиғаларға шолу

04 қаңтар, KAZNEWS. Барыс – сиыр жылынан кейін, қоян жылынан бұрын кіретін мүшел есебінің үшінші жылы. Барыс сақтардың ұғымында қасиетті...

Дерек4 weeks ago

Ұлттық бостандық пен тәуелсіздіктің қалпына келгеніне 110 жыл толды

28 желтоқсан, KAZNEWS. 1911 жылы 29 желтоқсанда 200 жыл бойы Манжурия билігінде болып келген Моңғол елі дербес Боғда (Моңғол) хандығын...

Дерек4 weeks ago

Жылдың үздік 10 оқиғасы – KAZNEWS

26 желтоқсан. KAZNEWS ақпараттық агенттігі жыл сайын «Жылдың үздік 10 оқиғасын» анықтауды дәстүрге айналдырған. Агенттіктің көзқарасы бойынша 2021 жылдың үздік...

Дерек1 month ago

Millennium Challenge Account және Оюу толгой компаниясындағы жалақысы жоғары бос жұмыс орындар

Әкімшілік көмекші Компания: Millennium Challenge Account (Мянганы сорилтын сан) Мекен жайы: Улаанбаатар, Монгол Улс, Улаанбаатар хот, Сүхбаатар районы, “ЮНЕСКО” көшесі,...

Дерек1 month ago

Мемлекет және қоғам қайраткері Сарай Асқанбайұлы туралы деректі фильм жарық көрді

18 желтоқсан, KAZNEWS. Бүгін Баян-Өлгий аймағының жұртшылығы тарихшы, көрнекті мемлекет және қоғам қайраткері Сарай Асқанбайұлының 90 жылдық мерей тойына арналған...

Дерек1 month ago

Шетелдегі қандас оқушылар үшін ҰБТ-ға дайындық

Қазақстанда білім алғысы келетін қандас жастар үшін ҰБТ-ның маңызы зор. Осы уақытқа дейін түлектер маңызды емтиханға дайындық курсына түссе ғана...

Кітаптан үзінді...1 month ago

Опра Уинфри – “What I Know For Sure”

Американдық тележүргізуші, актриса, продюсер О́пра Гэйл Уи́нфри 1954 жылы 29 қаңтарда Миссисипи штатының Косиускода дүниеге келеді. Аты аңызға айналған ток-шоумен...

Басты назарда