Connect with us

Published

on

Voice of Mongolia шоуының қатысушысы Еркежан Көгершінқызы көрермендерді өз өнерінің ерекшелігімен тәнті етіп, көпшіліктің ықыласына бөленді. Әнші С.Наранның “Нутгаа санахуй” әнін тамаша орындады. Әділ қазылардың барлығы қазақ қызына жоғары баға берді.
К.Еркежан бұл шоуда тәлімгері ретінде өзіне Киви тобының әншісі Уканы таңдады.

Мәдениет

Darkhan Juzz: Күн мен Айым

Published

on

Дархан Джунусбеков – Ол табиғатынан дарынды, ерекше тембр, өзіндік стиль иесі. Оның музыкалық білімі жоқ, бірақ тыңдармандары бар. Оның әндерін жас режиссерлер, танымал вайнерлер саундтрек ретінде қолданып жүр. Ал алғашқы клипі “Күн мен Айым” 3 ай бұрын  “Gakku” арнасында жарыққа шыққан болатын.  YouTube-те оның әндерінің cover нұсқалары пайда бола бастады. Кеңінен танылып келе жатқан талантты музыканттың өзіне кезек берейік…

Балалық шақ. Аяқталмаған колледж

1990 жылы Алматыда туып, Ақсай ауданында көше баласы болып өстім. 9 сыныпты бітірген соң, дизайнер мамандығына түсіп, 1 жарым жылдай оқыдым. Бірақ жалғастырудың мәнін көрмеген соң, колледжді тастап кеттім. Сондықтан музыкалық мамандық та, басқа да мамандық иесі емеспін. Мен ноталарды да білмеймін, бірақ әуенді жақсы сеземін.

Алғашқы гитара. Алғашқы ән

Көшемізге келіп жүретін бір жігіттің гитарада ойнағанына сырттай қатты қызығатынмын. 14 жасқа толғанымда әпкем туған күніме гитара сыйлады. Көптен қалаған аспап қолыма тигенде, таң атысымен көрші досымның есігін тоқылдатып, гитарада ойнауды үйретуін өтіндім. Сөйтіп ең алғашқы үйренген әнім Цойдың “Пачка сигарет” деген әні болды. Ауладағы балаларды жинап алып ән орындап бердім. Олар бір күнде үйреніп алғаныма таң қалған еді. Содан бері гитара менің серігіме айналды. Сабақтан келген бетте, анама “3 сағат мені мазаламаңыз, мен сабақ оқимын” деймін де, бөлменің есігін жауып алып, ақырын гитара ойнап отыратынмын. Ең алғашқы әнімді де сол 14 жасымда жаздым. Махаббат туралы ән. Қазір әуені мен сөздері еміс-еміс есімде.

Ішкі түйсік. ВКонтакте

Бұған дейін түрлі салада жұмыс істедім. Өзімді жоғалтып алған сәттер де болды. Музыкамен айналысатын ешқандай мүмкіндігім болмаса да, ішкі түйсігіммен музыкант болатынымды сезетінмін.

Қазір тыңдалып жүрген әндерім 2013-2014 жылдары досыммен бір студияға бара салып, аяқ астынан жазылған еді. “ВКонтакте” желісінде аудиажазбаларымның арасында жататын. Кейін жас режиссерлер, танымал вайнерлер саундтрек ретінде пайдаланғандарын естідім. Сөйтсем алдында танысқан Aizatulla (Айзат Құссайынов) деген filmmaker арқылы таралған екен.

Жаныңды емдейтін музыка (с)

Кішкентай кезімнен жүйе, шектеу дегенді ұнатпайтынмын. Сабақ оқуға да аса зауқым болмайтын. 2 сынып оқып жүргенімде бір тоқсан бойы мектепке бармай адамдарды сырттай бақылап, қаланы жаяу кезіп жүретінім есімде. Виктор Цой, Боб Марлиді көп тыңдайтынмын. Жалпы мен туып-өскен Ақсай ауданы бұзақылық көп, қатаң орта болатын. Әкем болса суықтау адам. Сыртта мейірім болмағандықтан жылeлықты музыкадан іздедім.

Ән. Тыныштық

Өмірімде болған оқиғалардың әсерінен ішкі дүниемнің күйіне сай әуен мен мәтін туындайды. Әндерімді өзім үшін, күнделігім сияқты жазатынмын. Жанымда біреу құлаққап тағып отырса да, бөгет жасап отырғандай көрінеді. Сондықтан жалғыз.

Continue Reading

Мәдениет

Бақат Сайынмұратұлы: Чамдаа би (Мен сені)

Published

on

Жас әнші Бақат Сайынмұратұлы “Чамдаа би” (Мен сені) атты жаңа әнінің тұсауын кесті.

Әннің сөзін Н.Минжинсайхан, әуенін Бердібек Дәулетбекұлы жазған.

Естеріңізге салсақ, Қазақстандық «Әке» атты фильмі моңғолияның 25-ші каналында көрсетілді. Бұл фильмнің моңғол тілінде көрсетілуіне байланысты Бақат Сайынмұратұлы орындаған саундтрек видеосы желіде танымалдыққа ие болған.

Continue Reading

Мәдениет

Ука, Татар “Аримун”

Published

on

Еңбекқор, бірегей образымен өзгеден үнемі алға қарай ұмтылумен жүретін әнші әрине «Киви» тобының мүшесі Д.Уламбаяр яғни Ука.

Ол тыңдармандарына жаңа клипін ұсынып отыр. Бұл жолы «Татар» тобымен бірге орындаған «Аримун» клипі желіде хитке айналып үлгерді. «Аримун»-ның әнімен сөзін Заяа шығарған. Туынды «Mongal Film» продакшнда жасалыпты.

Continue Reading

Өзекті