Моңғолияда

О.Цогтгэрэл ұсынған “Бірге жаңартайық” бағдарламасы күшті қарқынмен алға жетелеуде

Published

4 years ago

March 20, 2021

20 наурыз, KAZNEWS. Әр үміткер партияның жеңісі үшін өздерінің бағдарламаларын ұсынып жатқан бұл сәтте Моңғолия Парламентінің депутаты Одонгийн Цогтгэрэл ұсынған “Бірге жаңартайық” бағдарламасы Демократия партиясының мүшелері арасында үлкен қолдауға ие болды.

1970-1980 жылғы туғандар жаңа әрі жігерлі жастар партия төрағалығына үміткер болып, ынтымақтастықпен үгіт-насихат жұмыстарын жүргізуде.

О.Цогтгэрэл ұсынған “Бірге жаңартайық” бағдарламасы барлық партия мүшелерінің күш-жігерін олардың бағдарламасының басты қағидасына айналғанына ризашылық білдіруде. Бірлікті ту етіп, партияны түбегейлі жаңартуға үміт артып ғаламтор арқылы ұсыныс тілектерін жеткізіп, табыс тілеп отыр.

Олай болса О.Цогтгэрэл мырза туралы және бағларламасы туралы таныстыруды жөн көрдік.

Одонгийн Цогтгэрэл 1975 жылы Увс аймағының Тэс сұмынында С.Одонның отбасында дүниеге келген.

Еңбек жолы:

• 1998-2020 жылдары ТЭСО корпорациясының директоры қызметін атқарған.
• 2008 жылы Демократиялық партия мүшелігіне қабылданған.
• 2015 жылдан бері Демократиялық партияның Саяси кеңес, Ұлттық конференция және Ұлттық кеңес мүшесі.
• 2012-2015 жылдары Үкімет басшысы Н.Алтанхуягтың кеңесшісі қызметін атқарып тұрған.
• 2015-2017 жылдары Увс аймақтық Демократиялық партия бастығы болған.
• 2020 жылы МҰХ (Парламент)-ның депутатына сайланған

Білімі:

• 1994 жылы Увс аймағы Тэс сұмыны орта мектебін бітірген.
• 1998 жылы Ғылым және технология университетінің Компьютерлік техника және менеджмент факультетін инженер-экономист мамандығымен тәмамдаған.
• 2011 жылы Басқару академиясынан басқару ғылымы магистрі, докторант дәрежелерінде білім алып, АҚШ-тың Гарвард Университеті мен Австралияның Сидней қаласында білімін жетілдірген.

Партия төрағалығына үміткер Моңғолия Ұлы Хуралының депутаты Одонгийн Цогтгэрэлдің “Бірге жаңартайық” ұстанымы аясында 4 Х/Ж сайлауалды бағдарламасын сіздерге ұсынамыз.

БІЗДІҢ ПАРТИЯ ЖЕҢІЛ /ХӨНГӨН / ПАРТИЯ БОЛАДЫ: Партияға ілесу, ақпарат алмасу үдерісін электрондық жүйеге көшіріп, қағасбастылықты жойып, демократиялық көзқарас пен құндылықтарды жаңартып, білікті көшбасшылар командасын жасақтап, оңтайлы жұмыс жүргіземін.

БІЗДІҢ ПАРТИЯ ЖЫЛДАМ /ХУРДТАЙ/ ПАРТИЯ БОЛАДЫ: Партия мүшелігін жүйелі етіп, партия мүшелеріне ақпаратты жедел жеткізіп, биліктегі партияның жұмысы мен әрекетіне жедел қорытынды жасай алатын партияға айналдырамын.

БІЗДІҢ ПАРТИЯ ҚОЛЖЕТІМДІ /ХҮРТЭЭМЖТЭЙ/ ПАРТИЯ БОЛАДЫ: Барлық әлеуметтік топтар, жекеменшік пен бизнеске қолжетімді партия етемін.

БІЗДІҢ ПАРТИЯ ЖАЛҒАСТЫРУШЫ /ХОЛБОГЧ/ ПАРТИЯ БОЛАДЫ: Азаматтардың көзқарасын билікке жалғастыратын, мекемелердің барлық сатылы басшыларына жеткізіп, ортақ мүддеге сай шешім қабылдататын тараптарды байланыстырушы міндетін атқарады.

Related Topics:Kaznewsmn Одонгийн Цогтгэрэл ТЭСО

Up Next

Пандемиядағы екінші Наурыз қалай тойланады

Don't Miss

Моңғолиядағы ҚР-ның Елшісі Наурыз мерекесіне орай құттықтау жолдады

Kaznews Agency

Казньюс агенттігі

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

6 hours ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.