Моңғолияда

Аймақтың жарты жылдағы экономикалық әлеуметтік көрсеткіштері

Published

4 years ago

August 18, 2020

Kaznews Agency – Баян-Өлгий аймағының 2020 жылғы шілде айындағы негізгі әлеуметтік-экономикалық көрсеткіштер серпіні қандай?

Халық саны

2020 жылғы шілде айындағы статистикалық мәлімет бойынша Баян-Өлгий аймағының халық саны 105016 адамға жеткен.

Жұмыссыздық деңгейі

Сұмын әкімшілігі мен аймақтық Еңбек және халықты әлеуметтік қорғау басқармасына тіркеулі жұмыссыз азаматтардың саны 2020 жылғы қаңтарда 719 болса, сәуір айында 1177 ге жеткен болатын. Ал шілде айында 769 болуы өткен жылғы шілде айымен салыстырғанда 147 адаммен яғни 16 пайызға азайған. Жұмыссыз азаматтардың 43,7 пайызын әйелдер, 50,3 пайызын 15-34 жас аралығындағы азаматтар иеленсе, олардың 19,1 пайызында жоғарғы білімі бар. Жаңадан 257 жұмыс орны пайда болғанының 27,2 пайызы құрылыс саласына, 24,1 пайызы толайым және бөлшектеп сату саласына тиесілі.

Өнеркәсіп

2020 жылғы сәуір айында өнеркәсіп саласының кірісі 12037,3 млн төгрөг болғаны, 2019 жылғы шілде айымен салыстырғанда 14,6 пайызға, сату көлемі 13,6 пайызға азайған. Өсімнің азаюына төтенше жағдай орын алғанына байланысты кейбір өндірістердің кірісі азайып, тоқтап қалуы әсер еткен.

Банк, жинақ, кредит

Аймақтық Моңғол банк филиалының мәліметі бойынша алғашқы 7 айда несие көлемі 156,6 миллиард төгрөгті көрсетуі өткен жылғы шілде айынмен салыстырғанда 11,8 пайызбен азайған. Мерзімі өткен несие 6,3 миллиард, нашар несие 2.7 миллиард төгрөгті көрсетуде.
Азаматтардың банктердегі жинақ ақшасының мөлшері 2020 жылғы сәуір айында 107.1 миллиард төгрөг болса, шілде айында 120,0 миллиард төгрөгке жеткен. Бұл көрсеткіш 2019 жылғы шілде айымен салыстырғанда 17,7%-бен артылған.

Халықтың тұрақты қолданысындағы тауарлар

Халықтың тұрақты қолданысындағы тауарлардың негізгі бағасы 2020 жылғы шілдені 2019 жылғы шілде айымен салыстырғанда 2,2% -бен, 2019 жылғы желтоқсан айымен салыстырғанда 1.2% -бен, өткен мамыр айымен салыстырғанда 0,5 пайызбен өскен. Азық түлік өнімдері мен алкоголь емес сусындар 0,8%-дан, алкогольді ішімдіктер мен темекі өнімдеріне 5,2%-дан, киім және аяқкиімге 2,5%-дан, жиһаз және үйге қажетті заттарға 2.6%-дан, дәрі-дәрмек, денсаулық сақтау қызметтеріне 3,1%-дан, қонақ үй, қоғамдық тамақтардыру қызметтеріне 1,5%-дан, тұрғын үй, коммуналдық қызметтер саласына тарифтерге 1,0%-дан, білім беру қызметіне 18.6%-дан, демалыс, мәдени қызметтер 2,9 пайызбен қосылған.
Баға өзгерістері апта сайынғы жинақталған мәліметтерге сүйеніп зерттеледі. Ұнның бағасы 4,9%-бен, сүт өнімдері 23.3%-бен, түбіттің бағасы 36,5%-бен, құмтәтті 1,2%-бен, АИ80 бензин 18,6%-бен, АИ92 бензин 18,1%-бен, дизель отыны 17,5%-бен, престелген шөптің бағасы 24,1%-бен арзандап, сиырдың сүйекті етінің бағасы 5,7%-бен, қой еті 4,3%-бен, ешкі еті 3,8%-бен, күріштің бағасы 1,8%-бен өскен.

Related Topics:Kaznewsmn Баян-Өлгий Баян-Өлгий аймағы әлеуметтік көрсеткіштер

Up Next

Нұр-Сұлтанға 30 тамызда арнайы ұшақ ұшады

Don't Miss

Аспанда туған егіздер

Kaznews Agency

Казньюс агенттігі

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

2 days ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.