Connect with us

Лайфстайл

БІЛІМНІҢ ҚАРА ШАҢЫРАҒЫ

Published

on

Бегалиева А.Қ.
Әл-Фараби атындағы Қазақ ұлттық университеті жоғары оқу орнына дейінгі дайындық кафедрасының аға оқытушысы. Қазақстан, Алматы қаласы.

Әмірханов М.Б.
Әл-Фараби атындағы Қазақ ұлттық университеті жоғары оқу орнына дейінгі дайындық кафедрасының аға оқытушысы. Қазақстан, Алматы қаласы.

Елбасы Н.Ә. Назарбаевтың «Болашаққа бағдар: рухани жаңғыру» атты бағдарламалық мақаласында ұлттық қасиетімізді жоғалтпай, санамызды, ұлттық құндылықтарымызды жаңғыртып, оған ие болып, оны әлемдік құндылықтармен үйлестіре қарап, ел игілігіне жарату қажеттігі айтылды. Осы бағытта жаңғырудың маңызын былай көрсетті: «Жаңғыру атаулы бұрынғыдай тарихи тәжірибе мен ұлттық дәстүрлерге шекеден қарамауға тиіс. Керісінше, замана сынынан сүрінбей өткен озық дәстүрлерді табысты жаңғырудың маңызды алғышарттарына айналдыра білу қажет. Егер жаңғыру елдің ұлттық-рухани тамырынан нәр ала алмаса, ол адасуға бастайды. Сонымен бірге, рухани жаңғыру ұлттық сананың түрлі полюстерін қиыннан қиыстырып, жарастыра алатын құдіретімен маңызды».Білген адамға осындай тұжырымның өзі көп нәрсені аңғартады.
Әл-Фараби атындағы Қазақ ұлттық университетінде жоғары оқу орнына дейінгі факультетте білім алып жатқан алыс және жақын шетелден келген қандас- бауырларымыз ( Қытай, Монғолия, Түркия, Ауғаныстан, Өзбекстан, Тәжікстан, Иран, т.б.) міндетті пән ретінде Қазақстан тарихын оқиды. Отан тарихын шетелдік аудиторияда оқытудың арнайы міндеттері бар деп санаймыз. Атап айтқанда, тыңдаушыларымыз іргелі білімін қалыптастыру және дамыту, тәрбиелік мәнде жалпы адамдық рухани құндылықтардың артықшылығын анықтау, оларды ұлттық құндылықтармен үйлестіру.
Әбу Насыр әл-Фарабидің 1150 жылдық мерейтойына орай «Ұлы даланың ұлы есімі» атты салтанатты іс-шара өтті. Ұстаздарға арналған, Әл-Фарабидің 1150 жылдық мерейтойына арналған«Білім беруді цифрландыру жағдайындағы Әл-Фарабидің педагогикалық тұжырымдамасының заманауи интерпретациясы» атты 50-ші Халықаралық ғылыми-әдістемелік конференциясының аясында «Білім беру саласының цифрлық жүйеге көшуі-заман талабы» атты секция бойынша конференция өтті.Конференцияға білікті ұстаздар мақалаларын жазып, секцияға қатысып,өз ойларын ортаға салды.
Жоғары оқу орнына дейінгі білім беру факультетінінің ұйымдастыруымен сәуірдің 7-8 күндері аралығында алыс, жақын шетелден келген қандас тыңдаушылар, ЖОО оқу орындарының студенттері және жас ғалымдардың, колледж студенттері мен бейімдік мектеп оқушыларының арасында онлайн жүйесінде «Фараби әлемі-2020» атты халықаралық ғылыми конференция өтті. (htpps://kaznu.kz.) Конференцияның негізгі мақсаты –Қазақстан республикасындағы қазіргі білім мен ғылым дамуының өзекті мәселелерін талқылау, жастар арасындағы патриоттық сезімді, отансүйгіштікті қалыптастыру және Елбасы саясатын жастар арасында дәріптеу болып табылады.
Әл-Фараби атындағы Қазақ ұлттық университеті Бейіндік мектебі ағымдағы оқу жылының 14 ақпанында«Рухани жаңғыру» бағдарламасы аясында және ұлы бабамыздың 1150 жылдық мерейтойына арналған республикалық конференция ұйымдастырды. Конференцияға ғылымға деген қызығушылық танытқан мектеп оқушылары мен арнайы орта білім мекемелерінің білім алушылары қатысты. Конференция туралы толық мәліметті htpps://kaznu.kz сайтынан біле аласыздар. Әл-Фараби атындағы Қазақ ұлттық университеті ЖОО-ға дейінгі білім беру факультеті Бейімдік мектептің директоры Б.Н.Кульжанова мен ұстаздар ұжымының ұйымдастыруымен мектеп оқушыларының ғылыми-зерттеу жұмыстарының ҮІІ Республикалық конференциясы өз жұмысын ұйымдастырушылар мен қатысушылардың университеттің басты ғимаратының алдына орналасқан әл-Фарабидың ескерткішіне гүл қойып, тағзым етуден бастады. Конференцияға еліміздің түкпір-түкпірінен келген мектеп оқушыларымен қатар Жоғары оқу орындарының студенттері де белсене қатысты. Конференция талантты мектеп оқушыларымен қатар, студенттерді де ғылым әлеміне жетелеп, оларды ғылыми-зерттеу жұмыстарымен шұғылдануға баулу мақсатында ұйымдастырылды. Республикалық конференцияның пленарлық отырысын – салтанатты жиынын құттықтау сөзбен ашқан бейіндік мектептің директоры Ботагөз Ниязовна бұл дәстүрлі ҮІІ Республикалық конференция өте ауқымды көлемде,жоғары деңгейде өтті .Оған Қазақстанның көптеген өңірлерінен 400-ге жуық оқушылар мен студеттер қатысып,олардың ғылыми жетекшілері әр шәкіртінің жұмысы сәтті өтуіне тілектес болып белсенділік танытып бірге келді. Әуелі конференция жұмысын қалалық деңгейде бастағанын айтып, ізгілікті шараның жылдан-жылға аясы кеңейіп, арқалаған жүгінің маңызды болып келе жатқанын атап өтті.
ЖОО-ға дейінгі факультетінің деканы, тарих ғылымдарының кандидаты, доцент Ж.Е.Жаппасов та жастардың осы әлемнің құпиясын тереңірек білсем, ғылым кеңістігінде пайдалы жаңалық ашып, туған елінің дамуына өзіндік үлесін қоссам деп келіп отырған жастардың қадамына сәттілік тілейтінін айта келіп, жас дарындарды ғылым әлеміне жетелеп, бағыт-бағдар беруші ұстаздарына алғысын білдірді.
Қазіргі кездегі Тәжвирус індетіне қарамастан, әл-Фараби атындағы Қазақ ұлттық университетінің профессор-оқытушы құрамасы студенттерге, тыңдаушыларға қашықтықтан Zoom бағдарламасымен және ватсап арқылы, Майкрософт, Youtube интернет арқылы білім беруді меңгеріп алды. Тыңдаушылар да ақпарат заманының талабына сай ұстаздарының жетелеуіне жүріп, жақсы білім алуда.
Қазақ халқы өз тарихында қиын-қыстау күні жігін үзбей, береке-бірлікте болған, сондықтан қазіргі жағдайдың ұраны «Біз біргеміз!» деп аталуы тегін емес. Осы тілекпен жатақханада тұратын алыс және жақын шетелден келген тыңдаушы- қандастарымызға азық-түлік жеткізіліп берілді, ораза ұстаған Ауғанстан,Түркиядан т.б елден келген студенттерге, тыңдаушыларға ауыз ашарға деп тамақ апарып бердік, өйткені арнайы ифтар ұйымдастыруға көп адам жиналуға тиым салынғаны белгілі.
Білім мен ғылымның Қара шаңырағы Әл-Фараби атындағы Қазақ ұлттық университеті төтенше жағдайға қарамастан студенттерімен, тыңдаушылармен куратор-эдвайзерлер,тәрбиеге жауапты аға куратор және факультеттің, кафедраның жауаптылары қашықтықта күнделікті байланыс жасап, оқу бағдарламасы бойынша білім алуларын тоқтатқан жоқ және патриоттық, адамгершілік тәрбие беруде.

Advertisement


Лайфстайл

Remember the past, moving into the future

Published

on

The 35th anniversary of the Department of language and General education of foreigners of Faculty of Pre-university Education of al-Farabi Kazakh National University dedicated

In 2020 year, the Department of language and General education of foreigners of Faculty of Pre-university Education of the Kazakh National University named after al-Farabi marks the 35th anniversary date of its. The University started teaching its first foreign students in 1985. This is one of the bright pages of the history of KazNU, the flagship of education in Kazakhstan, which in 2019 crossed the 85-year mark.
The history of creation and development of the University is rich in interesting facts and events. Throughout its history, which has already become legendary, the University has always been at the forefront of implementing the most pressing problem – the training of highly qualified specialists for all sectors of the country’s economy.
In 1985, by the decision of the Council of Ministers of the USSR, a preparatory Faculty for foreign citizens was established at the Kazakh state University named after S.M.Kirov. It should be noted that the process of creating a new division was accompanied by full support from the relevant departments of the center: teachers were trained in Moscow universities, the Faculty received the necessary literature, profile specialists from the capital came and conducted master classes… This was a completely new, but infinitely interesting direction of the University’s work.
Today, the Department of language and General education of foreigners is a structural division of the faculty of pre-University education. The Department’s work includes teaching Russian and Kazakh languages as foreign languages. The contingent of students studying at the Department are foreign citizens. The geography of citizens arriving for training is very extensive. Over the 35 years of the structure’s existence, representatives of more than 100 countries have received language training at the Faculty. It should also be noted that at the behest of time, the Department has created and successfully operates a Resource center for multilingual education, as well as Intensive Russian language courses, where everyone can study languages according to individual programs.
Teachers of the Department of language and General education training of foreigners, respecting the past of their Department, undoubtedly feel a sense of pride from their participation in the glorious history of the University in general, and the Faculty in particular. Evidence of this is the existence of The Museum of the Department and Faculty. For more than 3 decades, teachers carefully collected documentary evidence related to the creation of the structural unit, photos, student reviews, their letters, memorable gifts, various Souvenirs made by the hands of students, national costumes… The Museum exhibits introduce the activities of the Department from the unofficial side: each of them is a part of the soul of grateful students and, of course, teachers who treat their work with great love. This is confirmed by the warm and touching letters of students who graduated from the University and went home, but did not forget about their mentors. Unfortunately, in this age of electronic correspondence, such evidence is rare!
In the Museum you can also see gifts from official guests, who are traditionally invited to Open days of the Department. And their warm wishes can be read in “The book of reviews and suggestions”, where everyone who visited the Museum can make a note of their impressions. But this clerical name does not fit the heartfelt notes left by guests who have seen the exhibition.
In a brief overview, it is impossible to describe everything that you can see, and most importantly, feel when visiting our Museum. Newly arriving foreign students visit the Museum with great interest, realizing that their place of study has a legendary history. And this is undoubtedly a component of educational work with foreign students.
The Museum’s exposition is constantly updated. In December 2018, on the eve of the anniversary of the University, the Museum was modernized. In the near future, we plan to create a virtual version of it.

A.K. Akhmedova, A.E. Sadenova.
al-Farabi Kazakh national University,
Faculty of Pre-university Education,
Department of Language and general education of foreigners

Continue Reading

Лайфстайл

12 жастан асқан балалар міндетті түрде маска тағып жүруі керек

Published

on

KAZNEWS – Дүниежүзілік денсаулық сақтау ұйымы (ДДСҰ) 12 жастан асқан балалар мен ересектер міндетті түрде маска тағып жүруі керек екендігін айтып, төменгі ақпаратты ұсынады.

  • 12 жастан асқан балаларға бетперде тағу жағынан ересектермен бірдей талап қойылады.
  • 6-11 жас аралығында болса, бетпердеге қатысты бірқатар жайтты ескеру керек. Олар: бала тұратын өңірдегі вирустың таралу көрсеткіші, масканы дұрыс таға білуі, бетперде тағудың баланың психикалық-әлеуметтік дамуына тигізетін потенциалды әсері, масканың қолжетімділігі және оны ауыстырып отыру мүмкіндігін қарау керек.
  • 5 жасқа дейінгі балалар бетперде тағуы міндетті емес. Бұл олардың қауіпсіздігі мен масканы дұрыс таға алмайтынына байланысты.

Дүниежүзілік денсаулық сақтау ұйымы 11 наурызда коронавирус инфекциясын пандемия деп атаған болатын. Ұйымның соңғы мәліметіне сәйкес, әлемде 23 миллиондай адам індет жұқтырып, 800 мыңнан астамы қайтыс болды.

Continue Reading

Лайфстайл

МЕНІҢ ТАҢДАУЫМ – үздік білім ордасы

Published

on

Мектеп қабырғасынан түлеп ұшқан жас талапкер үшін өмірінің жаңа бір кезеңі ашылады. Бұл кезең – қызыққа толы тәтті шақ “студенттік өмір”. Талабы мен қалауына сүйеніп мамандық таңдаған талапкер жоғары оқу орнына түседі. Кешегі мектептегі оқушы ендігі кезекте студент атанады. Міне, дәл осы студенттік шақты көңілді, әрі болашақ үшін пайдалы етіп өткізу үшін және жан жақты тұлға болып қалыптасу үшін жоғары оқу орнының қосар үлесі зор.
Жоғары оқу орны студентті белгілі бір мамандық иесі, қазіргі заманғы қоғамда өз орнын таба алатын жеке тұлға және алдағы жауапкершілік пен қиыншылықтарға толы өмірге бейім адам етіп қалыптастыратын тәрбие ошағы болып табылады. Сондықтан, жоғары оқу орнын таңдаған кезде өте мұқият болу қажет. Өмірімде де дәл осындай маңызды таңдау қажеттігі туғады. Соның бірі – Әл-Фараби атындағы Қазақ ұлттық университеті болды. Қазіргі таңда осы киелі білім ордасының студенті болуға және осы таңдауға ешбір өкінбейсің.
Әл-Фараби атындағы Қазақ Ұлттық Университеті сексен жылдан астам тарихы бар, білікті профессорлар мен ұстаздар ұжымы қызмет ететін, шетелдік университеттермен тең дәрежелі серіктестікке ие, Қазақстанның түкпір-түкпірінен білім нәрімен сусындау үшін келген ең білімді, ең дарынды, озат студенттердің ордасы. Университет қабырғаларында студенттерге сапалы білім беріледі, сондай-ақ суденттерге өздерінің табиғи дарыны мен қабілеттерін шыңдау үшін алуан түрлі мүмкіндіктер бар. Осындай мақсатта, университетте көптеген студенттік ұйымдардың басын қосатын Жастар Ұйымдарының Комитеті жұмыс істейді. Мұнда әрбір студент әртүрлі ұйымдардың жұмысымен және мақсатымен таныс болып өзінің жанына жақын ұйымға мүше бола алады. Университет тарапынан да студенттерге көптеген жағдайлар жасалған. Мұның бірден бір көрінісі – Алматының тау бөктеріндегі студенттік қалашық. ҚазҰУ-нің студенттік қалашығын оның көлемі мен масштабын ескерсек “қала ішіндегі қалашық” деп атасақ та болады. Мұнда студенттер сарайы, оқу корпустары, заманауи кітапхана, оқу корпустары, жатақхана блогы және студенттерге қызмет көрсету орталығы “Керемет” орналасқан. Сонымен қатар, студенттерге қызмет көрсету орталығының бірінші қабаты студенттердің қажеттерін қамтамасыз ету үшін медициналық орталық, кинотеатр, супермаркет, дәріхана, тіпті кір жуу блогтарымен жабдықталған. Студенттерге қойылатын талап ҚазҰУ студентінің кодексіне сәйкес абыройлы студент атағына кір келтірмей білім нәрімен сусындау…Сөз соңында, ҚазҰУ-де шынымен де барлық армандар жүзеге асады дегіміз келеді.

Әл-Фараби ат. ҚазҰУ-дың аға оқытушылары:

Дауытова Ж.К., Тойғанбекова М.Ш., Наралиева Р.Т

Continue Reading

Лайфстайл

КӘСІБИ БАҒДАР БАҒЫТЫНДА БІЛІМ АЛУДЫҢ БАСЫМДЫҒЫ

Published

on

Отанына адал қызмет ету – әрбір адамның қасиетті парызы. Отанын сүйген азамат өз еліне пайдалы қызмет еткісі келеді. Әрине, мектеп түлектерін, талапкерлерді мазалайтын бір өзекті сұрақ бар. Ол – болашақ мамандығын таңдау мәселесі? «Елімнің өркендеуіне өз үлесімді қосқым келеді. Бірақ елімнің болашағы үшін кім болғаным дұрыс», деген сұрақтар оларды мазасын алады. Мамандық таңдау оңай шаруа емес. Себебі мамандық – адамның өмірлік серігі. Мамандық адамның өмірлік таңдауы. Біздің университеттің тыңдаушысы Баубек Лиза өзінің мамандық туралы түпкілікті шешімін қалай қабылдағаны туралы былай дейді: «Мектепте бастауыш сыныпта оқып жүрген кездерімде алғаш дәрігер болуды армандайтынмын. Ақ желең киген осы абзал жандар маған өте ұнайтын. Ата-анам, ұстаздарым да, үйдегілердің бәрі дәрігер болғың келсе, сабағыңды беске оқуың, озат оқушы болуың керек, дейтін еді. Бұл сөзді құлағыма құйып, зердеме қатаң түйген мен сабақты өте жақсы оқыдым. Қосымша сабақтарға, көркемөнерпаздар үйірмесіне қатыстым. Би билеуді айрықша жақсы көретін болғандықтан, биден өнер сайысына қатысып жүрдім. Сайыстарда кейде бас жүлде, кей кездерде бірінші, екінші орындарды иелендім. Өсе келе бала кездегі ойымнан айнып, заң саласына қызыға бастадым. 9-сыныптан 11-сыныпқа дейін заңгер болсам ба, деп ойлап жүрдім. Осы ойдың жетегінде жүрген мен қоғамтану және құқықтану пәндерін зер сала оқыдым, заң саласына қатысты білім сайыстарына да белсене қатысып жүрдім. Білім сайыстарында жүлделі орындарға ие болуым, менің заң саласына деген қызығушылығымды арттырып, білімімді жетілдіре түсті. Заңгер болсам деген арманның жетегінде Түрік лицейіне емтихан тапсырдым. Емтиханды ойдағыдай тапсырған соң, 11-сыныпты осы Түрік лицейінде жалғастырдым. Моңғолияда жүргенімде 650-700 аралығында балл жинап, университетке оқуға түстім, дегенмен де көңілімді бір ой мазалай берді. Атамекенімде ана тілімде білім алсам деген арман мені атажұртқа тартты да тұрды». «Ал үлкен арманның жетегімен Қазақстанға келдім, қазір қазақтың қара шаңырағы атанған әл-Фараби атындағы Қазақ ұлттық университетінде ЖОО-ға дейінгі білім беру факультетінде білім алып жүрмін», – дейді Моңғолиядан келген тыңдаушымыз Баубек Лиза. Ол Әл-Фараби атындағы ҚазҰУ-ға келіп даярлық курсына тест тапсырып, оң нәтижемен оқуға қабылданғанымды өзімнің үлкен жетістігім, деп санайды. Даярлық курсында негізгі бес пән бойынша ана тілімде оқып жүрмін. Даярлық курсына келгенде, Лиза атамекеніне ана тілінде білм алу үшін келгенінде әуелі заңгер болсам ба деп ойлаған. Алайда ЖОО-ға дейінгі дайындық кафедрасының ұстаздары құжаттарды қабылдау барысында отандық білім беру саласындағы сан түрлі мамандықтармен таныстырғанда, заңгер болсам деген пікірін өзгертіп, шет тілдер саласына қатысты мамандықты таңдаған екен. Себебі шет тілдер саласы бойынша білім алу қазіргі жаһандану жағдайында үлкен сұранысқа ие мамандықтың бірі болуыма мүмкіндік береді. Отандық және әлемдік еңбек нарғында бәсекелестіктің артуы, еңбек ресурстарын тиімді пайдалану қажеттілігін одан ары дамыта түсуде. Сондықтан еңбек нарығында да, экономикада бәскеге қабілеттілігі төмендемейтін, әрқашанда сұранысқа ие мамандықтың бірі тіл маманы болуды түбегейлі шешім қабылдаған. Тіл дегеніміз әлем ғажайыптарының сырын білуге, өзге халықтармен танысып-білісуге кеңінен жол ашатын мамандық. Шет тілі маманы дипломатиялық қатынаста да, ауыр-жеңіл өнеркәсіптің аударма саласында да, білім беру барысында сұранысқа ие бола алады. Бұл – үлкен өмірде игі бастамаларды жүзеге асыруға қол жеткізе аласың деген сөз. Даярлық курсында тыңдаушылар негізгі пәндер бойынша ана тілімізде қарқынды оқыту жүйесімен орта білім алумен қатар, болашақ мамандығы бойынша да бағыт-бағдар алады. Кафедра оқытушылары мен куратор-эдвайзерлер «Мамандықтың бәрі жақсы», «Мың түрлі мамандық», «Бүгінгі студент – ертеңгі маман» деген тақырыптарды кәсіби-танымдық іс-шаралар өткізеді. Мамандықтарымен терең таныстыру мақсатында болашақ білім ордаларының факультеттеріне, жұмыс орындарына танымдық саяхат сабақтарын ұйымдастырады. Мамандық бойынша кәсіби бағдар бере оқытудың өзіндік басымдығы бар, білім алушылар, болашақ мамандығы туралы қажетті ақпараттар да алады. Кәсіби-танымдық саяхат сабақтары мамандықпен жақын танысуына мүмкіндік береді. Кәсіби-танымдық сабағында осы мамандық иелері бізге өздерінің жұмыстары туралы, бұл мамандық иелерінің келешекте қандай перспективалар күтіп тұрғандығы туралы әңгімелеп берді. Болашақ мамандығының қыры мен сырын жете түсіну арқылы, талапкерлер бұл жұмыстың артықшылықтары мен өзіндік қиындықтары да болатынын түсінеді. Әрине, еңбек жолында ең жетістікке жетелейтін негізгі фактор – кәсіби бағдарлық жүйемен терең білім алу, себебі сапалы білім алған бүгінгі студент – ертеңгі білікті маман. Өмірден өз жолын тапқан адам – бақытты жан. Кәсіби бағдармен білім беру басымдығы стратегиялық маңызы зор оқу жүйесі болып табылады.

Әл-Фараби атындағы ҚазҰУ-дың аға оқытушылары:
Мырзахметова А.К., Наралиева Р.Т., Тойғанбекова М.Ш.

Continue Reading
Advertisement

Сөзге тиек

Әлемде4 weeks ago

Жаңа жағдайдағы Қазақстан: іс-қимыл кезеңі

Мемлекет басшысы Қасым-Жомарт Тоқаевтың Қазақстан халқына Жолдауы Құрметті отандастар! Құрметті Парламент палаталарының төрағалары, депутаттар, Үкімет мүшелері! Парламенттің кезекті сес­сия­сының жұмысы...

Әлемде4 weeks ago

ТАҒЫЛЫМЫ ЕРЕН БІЛІМ МЕКЕНІ

Қымбатты достар! Биыл Шетелдіктердің тілдік және жалпы білім беру дайындығы кафедрасының 35 жылдық мерейтойы! Осы айтулы мерекемен Сіздерді шын жүректен...

Әлемде4 months ago

Маусымның соңында Қазақстан мен Түркия арасындағы әуе қатынасы қайта қалпына келеді

Маусым айының соңында Қазақстан және Түркия арасындағы халықаралық рейс қайта қалпына келеді. Бұл туралы Қазақпарат хабарлады. Халықаралық рейстерді кезең-кезеңімен жандандыру...

Әлемде4 months ago

Мэнни Пакьяо президент сайлауына түседі

KAZNEWS – Жартылай орта салмақта WBА бұрынғы чемпионы Мэнни Пакьяо 2022 жылы өтетін Филиппин президентін сайлауына үміткер болады. Дәл қазіргі...

Әлемде4 months ago

Түркия 31 елге шекарасын ашты

KAZNEWS – 20 мамырдан бастап медициналық мекемелерде емделу үшін 31 елдің азаматтарына Түркия шекарасынан өтуге рұқсат берілді. Бұл туралы Ийгл...

Әлемде4 months ago

Қазақстан астық пен ұн экспортына қойылған шектеуді алып тастайды

Спутник ақпараттық агенттігінің хабарлауынша, Қазақстанда 1 маусымнан бастап бидай, ұн және басқа азық-түлік өнімдерінің экспорты жанданады. “Төтенше жағдай аяқталып, еліміз...

Әлемде5 months ago

Ким Жон Ун қайтып келді

Солтүстік Кореяның көшбасшысы Ким Жон Ун 20 күннен кейін алғаш рет көпшілікті қамтыған іс-шараға қатысты. Солтүстік Кореядағы орталық ақпараттық агенттігі...

Әлемде5 months ago

Президент сайлауын пошта арқылы өткізуге дайындалып жатыр

Польша үкіметі пандемия аяқталмаса да, 10 мамырда президенттік сайлау өткізуге тәуелкел етіп отыр. Сайлау белгіленген күнді өзгертпейтін болды. Пошта арқылы...

Статистика

  • 75
  • 8,203
  • 183,976

Басты назарда