Моңғолияда

Қ.Қобландин жергілікті БАҚ өкілдеріне арналған брифинг өткізді

Published

10 years ago

April 29, 2015

KAZNEWS – 29 сәуірде Қазақстан Республикасының Моңғолиядағы Елшісі Қалыбек Қобландин жергілікті БАҚ өкілдеріне арналған брифинг өткізді.

Моңғолиядағы Қазақстандық өкілдік басшысы 2015 жылы 26 сәуірде Қазақстан Республикасы Президентінің кезектен тыс сайлауы өткенін хабарлады.
Ресми мәлімет бойынша сайлауға 9 млн. астам адам немесе дауыс берушілердің 95,21% қатысқан.
Сайлауға ЕҚЫҰ, ТМД, ШЫҰ, ИЫҰ, Түркі тілдес елдер Парламенттік Ассамблеясының және т.б. халықаралық ұйымдардан 858 байқаушы қатысса, тіркелген шетелдік журналистер саны 160-ты құраған.
Қазақстан Республикасы Орталық сайлау комиссиясының ресми мәліметіне сәйкес, президенттікке үміткерлер төмендегідейдауыстар жинаған:

– Әбілғазы Құсайынов – 57 718 дауыс немесе 0,64%;
– Нұрсұлтан Назарбаев – 8 млн 833 мың 250 дауыс немесе 97,75%;
– Тұрғын Сыздықов – 145 мың 756 дауыс немесе 1,61%.
Осылайша, Қазақстан Республикасының Конституциясына сәйкес 1940 туылған, Қазақстан Республикасының Президенті Нұрсұлтан Назарбаев Қазақстанның Президенті болып қайта сайланды. Ол – ұлты қазақ, «Нұр Отан» партиясының мүшесі, Қазақстан Республикасының Президенті, тұрғылықты жері Астана қаласы.
Сондай-ақ, Қазақстан Президентін ұлықтау рәсімі 29 сәуірде өтетіндігі белгілі болды.
Қазақстандық дипломат Президент Нұрсұлтан Назарбаевтың 28 сәуірде қазақстанның бұқаралық ақпарат құралдары өкілдерімен баспасөз мәслихаты барысында Қазақстанның көпвекторлы сыртқы саясатты жалғастыратындығын, ал ішкі саясат бес институционалдық реформаларға сәйкес жүргізетіндігін мәлімдегенін жеткізді. Олар меритократиялық негіздерге сүйенген кәсіби басқару аппараты бар мемлекет, заң үстемдігі, сот және құқық қорғау салаларында реформаларды жалғастыру, экономикада бизнесті дамыту және индустрияландыруға қолдау көрсету, «Мәңгілік ел» идеясы аясында біртұтас қазақстандық ұлтты қалыптастыру, ашық және халыққа есеп беруші мемлекет құру болып табылады.
Елші сөзінің соңында дауыс беру күні Моңғолияда жергілікті сағ. 7.00-ден 20.00-ге дейінгі уақыт аралығында Елшілікте № 231 сайлау учаскесі жұмыс атқарғандығына тоқталды. Сондай-ақ, тасымалданатын сайлау урнасы арқылы Эрдэнэт қаласындағы азаматтарға да дауыс беру мүмкіндігі берілгені айтылды. Сайлау барысында Монғолияда уақытша тұрып жатқан 120 Қазақстан азаматы дауыс беріп, көрсеткіш 97,4 % пайыздық құраған.

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

9 hours ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.