Моңғолияда

Премьер-министр: Сел апаты зардабын шұғыл түрде жойып, қайта қалпына келтіруді тапсырды

Published

6 years ago

July 19, 2018

KAZNEWS – 19 шілдеде Моңғолия Премьер-министрі У.Хүрэлсүх елдің бірнеше өлкелерінде орын алған сел апатына байланысты Мемлекеттік Төтенше жағдайлар комиссиясы отырысын жариялап, ақпарат алды. Бұл туралы Моңғолия Үкіметінің баспасөз қызметі хабарлады.
Ү.ж. 11-18 шілде аралығында елдің көптеген өлкелерінде нөсер жаңбыр жауып, аймақтарға және Улаанбаатар қала орталығында сел жүріп азаматтар мерт болып, автожол, электр жүйелері бұзылып, мекемелер мен шаруашылық бірліктер зардап шекті.
Төтенше жағдайлар бас басқармасы басшысының бірінші орынбасары, бригадалық генерал Г.Ариунбуян ақпарат берді.
– Баян-Өлгий аймағы Өлгий сұмын орталығының барлығы 8 ықшамауданының 530 отбасы, 2500-ден астам азаматы сел апатынан зардап шегіп, 3 адам жарақаттанып, тұрғын үйлер мен мекемелер ғимараты қирады. Қазіргі таңда, азаматтарды қауіпсіз ортаға көшіру, уақытша баспанамен қамтамасыз ету, қажетті көмектер көрсетілуде.
– Улаанбаатар қаласының Баянзүрх ауданында 17 шілдеде сел жүріп 2 азамат мерт болып, шаруашылық бірліктер ғимараты мен азаматтардың үйлері су астында қалды.
– Төв аймағы Зуунмод сұмынында 16-17 шілдеде үздіксіз жауған жаңбыр селге ұласып, лас су құбырлары мен бөгеттер жарылып, 28 отбасының баспанасын су басты.
– Төв аймағы Борнуур сұмынында 16 шілдеде сел жүріп 70 отбасының ауласы, үйі, 10 шаруашылық бірлік ғимараты мен жертөлелерін су басып, аталған аумақтағы «Шавартай» көпірі құлап, сұмын орталығындағы 0.6 шақырым автожол бұзылды.
– Сүхбаатар аймағында 7 тұрғынүй, 2 автокөлік, Мөнххаан сұмынынан 44 км, аймақ орталығынан 150-200 км қашықтықтағы автожол бұзылған.
13 аймақтың барлығы 116 км автожолына су тоқтап, жүруге жарамсыз болып қалғанын Моңғолияның Жолдар және көлік дамуы вице-министрі Б.Цогтгэрэл таныстырып, сел апаты салдарынан бұзылған автожолдарды қайта қалпына келтіруге ең аз дегенде 1,3 млд төгрөг қажет болуы ықтимал екендігін айтты.
Болған жағдай туралы ақпараттарды тыңдағаннан кейін Моңғолия Премьер-министрі У.Хүрэлсүх бірнеше міндеттер мен бағыттар берді. Табиғи апат кезінде адам мерт болу, материалдық шығындарға ұшыраудан алдын алып жұмыс істеуді Төтенше жағдайлар комиссиясы мүшелері мен басқарушыларына тапсырды.
Табиғи апаттан алдын ала сақтану, апат болған жағдайда қалай көмек шақыру бойынша оқытулар жүргізу, жарнамалар мен ақпараттар таратуды тиісті мекемелерге жүктеді.

Премьер-министр сел апаты болған Баян-Өлгий аймағына Мемлекеттік қордан 80 киіз үй, ауыз және арам су тасымалдайтын және медициналық автокөліктер, бульдозер жіберетін болды. Сондай-ақ, аталған аймаққа су тасқыны бөгетін салу жұмысына қазіргі таңда тендер жарияланған сатыда жүргенін хабарлады.
Сел апаты салдарынан келген зардапты жою, қайта қалпына келтіруге қажетті қаржыны зерттеп Үкімет отырысында таныстыру, Улаанбаатар қаласының сел апаты болуы ықтимал жерлерде өмір сүретін отбасыларды көшіру, сел апаты зардабын шұғыл түрде жойып, қайта қалпына келтіру жұмыстары кешіктірілмей дер кезінде жасауды құзыретті органдарға тапсырды.
Ел көлеміндегі мемлекеттік қызметтегі басшыларды 1 тамызға дейін демалыстарынан жұмысына оралып, күзге дайындық жұмыстарын тез арада бастау керектігін айтып, арнайы тапсырмасын берді.
Б.Нұрбота

Related Topics:Төтенше жағдай

Up Next

Баян-Өлгийге Үкіметтен көмек керуені келді

Don't Miss

БАЯН-ӨЛГИЙ: Табиғи апаттан келген шығын 10 миллиард төгрөг

Kaznews Agency

Казньюс агенттігі

Моңғолияда

Баян-Өлгий аймағының Әкімі қызметіне Заңғар Есентайұлы тағайындалды

Published

2 days ago

November 16, 2024

Kaznews Agency

Моңғолия Премьер-Министрінің өкімі бойынша Баян-Өлгий аймағының Әкімі қызметіне Заңғар Есентайұлын тағайындады. Бұл туралы Казньюс ақпарат агенттігі хабарлайды.

Жаңадан сайланған Баян-Өлгий аймақтық Азаматтар өкілдері Хуралының 28 қазан күнгі алғашқы мәжілісінде аймақтың жаңа әкіміне Заңғар Есентайұлының кандидатурасын қолдап, Моңғолия Премьер-Министріне ұсынған болатын.

Моңғолия Премьер-Министрінің өкімімен бұған дейін екі рет аймақтық азаматтар өкілдері Хуралының депутаты әрі аймақтық Демократиялық партия басшысы болған, Самал компаниясының директоры болып жұмыс жасаған Заңғар Есентайұлы Баян-Өлгий аймағының әкімі болып тағайындалды.

Моңғолияда

Қасым-Жомарт Тоқаевты салтанатты түрде қарсы алу рәсімі өтті

Published

3 weeks ago

October 29, 2024

Kaznews Agency

Моңғолияға мемлекеттік сапармен келген Қасым-Жомарт Тоқаевты салтанатты түрде қарсы алу рәсімі өтті
✔️Үкімет үйі алдындағы Сұхбаатар алаңында құрмет қарауылы және сауыт киген салт атты моңғол жауынгерлері сап түзеп тұрды. Құрмет қарауылы бастығының рапортынан кейін екі елдің мемлекеттік әнұрандары шырқалды, мемлекеттер басшылары бір-біріне ресми делегация мүшелерін таныстырды.
✔️Содан соң Қасым-Жомарт Тоқаев Құрметті қонақтар кітабына қолтаңба қалдырды.
✔️Салтанатты рәсімнен кейін президенттер келіссөз залына барды.

Моңғолияда

Моңғолия Президенті мен Қазақстан Республикасы Президенті келісім шартқа қол қойды

Published

3 weeks ago

October 29, 2024

Kaznews Agency

Моңғолия Президенті Ухнаагийн Хүрэлсүх пен Қазақстан Республикасы Президентінің Қасым-Жомарт Тоқаев төмендегідей құжаттарға қол қойды:
1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;
2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;
4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;
5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;
6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;
11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Моңғолияда

Баян-Өлгий аймағының АӨХ-ның төрағасы қызметіне Бегарыс Алданышұлы тағайындалды

Published

3 weeks ago

October 28, 2024

Kaznews Agency

Баян-Өлгий аймағының Азаматтар Өкілдері Хуралының төрағасы қызметіне Бегарыс Алданышұлы тағайындалды.

Баян-Өлгий аймағының Демократиялық партия бастығы Бегарыс Алданышұлы 1992 жылы Баян-Өлгий аймағының Толбо сұмынында дүниеге келген.
2010 жылы Өлгий қаласындағы жалпы білім беретін Бастама мектебін, 2015 жылы Ғылым, технология ұлттық университетін инженер-құрылысшы мамандығы бойынша тәмамдап, 2019 жылы Қазақстан Республикасының Сәтбаев университетінде техникалық ғылымдар магистрі дәрежесін алған.
Бегарыс Алданышұлы 2017-2021 жылдары «Назар Авто» компаниясының атқарушы директоры болса, 2021 жылы «Мөстийн Ундарга» компаниясының директоры қызметін жалғастыруда.
2010 жылдан Баян-Өлгий аймағының Демократиялық партияның мүшесі, 2016 жылы Демократиялық партияның комитетінің мүшесі, 2016-2020 жылдары Демократиялық партия комитетінің басқарма мүшесі, 2023 жылы аймақтық Демократиялық партияның бастығы қызметін атқаруда.
Естеріңізге салсақ, Бегарыс Алданышұлы аймақтағы ең ірі «Happy Town» тұрғын кешенін тұрғызған іскер азамат.