27 маусым, KAZNEWS. Моңғолия астанасы Улаанбаатар қаласында өтіп жатқан дзюдодан «Grand Slam» турнирінде Қазақстан құрамасы 4 қола жүлдеге ие болды. 

Турнирде 48 келі салмақта сынға түскен Абиба Әбужақынова Халықаралық дзюдо федерациясы атынан сынға түскен Сабина Гильниязованы жеңіп, жарыстың қола жүлдесін алды. 

Бұл салмақта жапон палуаны Нацүми Цүнода жеңімпаз атанса, моңғолиялық палуан Ганбаатарын Наранцэцэг  күміс жүлдегер атанды. Сондай-ақ, екінші қола Оңтүстік Кореялық Ли Хе-Кюүн еншісінде. 

Айта кетейік, 48 келі салмақта Қазақстан абыройын бұған дейін халықаралық жарыстарда моңғолиялық легионер Галбадрах Отгонцэцэг қорғап келген болатын. 

Ал, Абиба Әбужақыноваға келер болсақ 48 келі салмақта жасөспірімдер арасындағы әлем чемпионатының күміс жүлдегері атанған. “Grand slam” жарыстарындағы алған алғашқы жүлдесі Улаанбаатардан бұйырып отыр.

Оқи отырыңыз: Галбадрах Отгонцэцэг спорттық мансабын аяқтады 

Галбадрах Отгонцэцэг 2021 жылғы қараша айынан бастап спорттық мансабын аяқтап, елге оралған. 

Галбадрах Отгонцэцэг Қазақстан командасының намысын абыроймен қорғаған легионер спортшылардың бірі болған. 

Галбадрах Отгонцэцэгтің спорттық ғұмырындағы ең ірі жеңіс – 2016 жылғы Рио Олимпиадасының қола жүлдесі. 48 келіде Қазақ елінің намысын қорғаған Галбадрах екі мәрте (2017, 2018) әлем чемпионатының қола жүлдегері атанып, 2018 жылы Ташкентте өткен Азия чемпионатында топ жарған.

26 маусым, KAZNEWS. 21-25 маусым күндері Улаанбаатар қаласында жасөспірімдер арасында Моңғолия чемпионаты жүріліп өтті.

60 келі салмақ дәрежесінде өнер көрсеткен Баян-Өлгий аймағының боксшысы Ақжол Қайнарұлы алғашқы кездесуінде Хөвсгөл аймағының былғары қолғап шебері Б.Чагданхорлооны, ширек финалда “Алдар” спорт клубының спортшысы М.Санчирдоржны, жартылай финалда Сэлэнгэ аймағының спортшысы Ч.Шинэхүүді ұтты.

Финалда Дорноговь аймағының спортшысы Э.Тэмүүлэнге есе жіберіп, ел чемпионатының күміс жүлдегері атанды. 

15 маусым, KAZNEWS. 14 маусым күні футболдан Моңғолия құрамасы 2023 жылғы AFC Азия кубогының іріктеу турнирінің “В” тобының үшінші ойынында Йемен құрамасымен кездесті.

Улаанбаатар қаласындағы ойын 2:0 есебімен аяқталды. Матчтың 9 және 53 минутында Г.Ганбаярдың соққан соққысы Йемен құрамасының қақпасына тоғытылып, Моңғолия құрамасына жеңіс сыйлады.

Бұл топта Палестина құрамасы Филиппин құрамасын 4:0 есебімен ұтып, көш бастап тұр.

11 маусым, KAZNEWS. 2023 жылғы AFC Азия кубогының іріктеу турнирі “B” тобындағы ойындар жалғасуда.

Бүгін Моңғолия құрамасы өз алаңында Филиппин құрамасын қабылдап, 0:1 есебімен ұтылып қалды. 

Бундеслиганың «Бохум» клубының ойыншысы, Филиппиндік легионер Геррит Хольтман Моңғолияға қарсы өткізген матчтың 90+3 минутында гол салды.

Казньюс ақпарат агенттігі Геррит Хольман туралы қызықты деректер ұсынады.

1. Геррит Хольтман 27 жаста, 1995 жылы 25 наурызда дүниеге келген.
2. Германияның Бремен қаласының тумасы.
3. Анасы филиппин, әкесі неміс.
4. Германияның 20 жасқа дейінгі құрамасында өнер көрсеткен.
5. Филиппин ұлттық құрамасының шақыруын қабылдап, 2023 жылғы Азия кубогы чемпионатының іріктеу турниріне қатысуда.
6. Қазіргі азаматтығы – Филиппин.
7. Неміс Бундеслигасының «Бохум» командасының шабуылшысы ретінде 2020 жылы 24 тамызда келісім шартқа отырған. Келісім шарты 2023 жылы 30 шілдеде аяқталады.
8. Неміс Бундеслигасының 2021-22 маусымында «Бавария Мюнхен» командасы төменгі лигадағы «Бохум» командасынан 4:1 есебімен жеңіліп қалған болатын. Бұл ойында Геррит Хольтман тамаша гол соқты.
9. Оның Аусбург қақпасына соққан голы Бундеслиганың жылдың ең үздік голы атанған.
10. Ойыншының құны 2022 жылғы 9 маусым бойынша 4.5 млн еуро.