Connect with us

Published

on

ALTAI – бұл Бөрте тобының /Boerte band/ бір жылғы еңбегінің жемісі.

Аталмыш туынды моңғолияның ең биік шыңы орналасқан Баян-Өлгий аймағының Алтай Бес-богда тауы, көрікті мекен Сырғалы өлкесінде жасалған.

Бейнебаянда әсем табиғаттың көріністері мен Моңғолияны мекен еткен көшпенділер туралы, ұлттық салт-дәстүрлеріміз жайлы баяндалады.

Бөрте тобы бейнебаянға арнайы Eagle Huntress фильмі арқылы әлемге танымал болған Айшолпан мен әкесі Нұрғайыпты шақырған.

Моңғол-Алтай тау жоталары – Тектоникалық аңғарлармен бөлінген параллель жоталардан тұрады. Жота шыңдары тегістелген, жұмырланған. Жазда ерімейтін қар мен мұздың ауданның көлемі 810 км2 (кей деректерде 300 км2-дей). Қарлар мен аспалы мұздықтар (ең ірісі – Потанин мұзды өзені) көп кездеседі.

Оңтүстік-батыс беткейі ылғалды, орманды-шалғынды келеді. Етегі дала, ал жоғарғы бөлігін альпілік шалғын алып жатыр.

Ең биік шыңы – Бес-богда тауының Хүйтэн шыңы теңіз деңгейінен 4374 метр биіктікте орналасқан.

Мәдениет

Аймөлдір Пәнейқызы “Еуразия Аруы – 2022” сайысында II орын иеленді

Published

on

12 мамыр, KAZNEWS. Нұр-Сұлтан қаласындағы Еуразия Ұлттық университеті ұйымдастырған “Еуразия Аруы-2022” сайысына Аймөлдір Пәнейқызы қатысып, ІІ-орын иеленді.



Аймөлдір Баян-Өлгий аймағының ІІІ орта мектебін бітірген. Қазіргі таңда ЕҰУ-де “Филология: қазақ тілі” мамандығы бойынша 3-курс студенті.

Continue Reading

Мәдениет

Сәйгүлік Жәнімханқызы: Баян-Өлгий мен Баянхонгор аймағының театры тығыз ынтымақтастықта болады

Published

on

12 мамыр, KAZNEWS. Баян-Өлгий аймағының М.Құрманхан атындағы Музыкалы драма театры мен Баянхонгор аймағының Музыкалы драма театры тығыз ынтымақтастықта болады.

Баян-Өлгий аймағының М.Құрманхан атындағы Музыкалы драма театры мен Баянхонгор аймағының Музыкалы драма театрының бірлескен шығармашылық кеші 17 мамырда Өлгий қаласында, 19 мамырда Баянхонгор қаласында алғаш рет өтеді. Оркестерлеріміз, бишіліміз, әншілеріміз бірге өнер көрсетіп, актерлеріміз бірге монолог оқиды.

Біздің театрымыздың қазақ ұлт аспаптар оркестері моңғол шығармаларын, Баянхонгор аймағының театрының оркестері қазақ шығармаларын көрермен назарына ұсынатын болады.

Баян-Өлгий аймағының М.Құрманхан атындағы Музыкалы драма театрының директоры Сәйгүлік Жәнімханқызының айтуынша бұл жолғы іс-шара екі аймақтың мәдени қарым-қатынасын насихаттауға, дәріптеуге үлес қосады дейді.

Continue Reading

Мәдениет

С.Нинжин айтқан “Ақтамақ”

Published

on

9 мамыр, KAZNEWS. Моңғолиялық жас әнші С.Нинжин қазақ халқының “Ақтамақ” әнін әнші Ш.Ердоспен бірге орындап, халықты тәнті етті.

Моңғолия мәдениетінің озат қызметкері С.Нинжин халық әндерін орындаумен танымал болған.

Ол бұған дейін Урианхай халқының “Хоёр нутгийн эрх” әнін, Үзэмчин халқының “Алаг хоргой дээл” қатарлы халық әндерін орындап, көпшіліктің ыстық ықыласына бөленген.

Continue Reading

Мәдениет

AUKA мен Мұратбек, Бердібектің концертінде өнер көрсетпек

Published

on

27 сәуір, KAZNEWS. Белгілі әнші, сазгер Бердібек Дәулетбекұлы 6 мамыр күні Улаанбаатар қаласында алғашқы шығармашылық концертін өткізгелі жатыр. Ал концерттің арнайы қонақтары Қазақстан Республикасынан белгілі әншілері AUKA мен “Қазақстан дауысы” жобасының жеңімпазы Мұратбек Хайролда болмақ.

Естеріңізге салсақ, Бердібек Дәулетбекұлы 23 сәуір күні “Чин зүрх” яғни “Шынайы жүрек” деп аталатын альбомының тұсауын кескен болатын.

Әнші, сазгерді шын жүректен құттықтап, шығармашылығына тек қана сәттілік тілейміз!

Continue Reading

Басты назарда