Шанхай сегіздігі

2017 Жыл 06 айдың 12 күні

Қазақстан астанасында өткен ШЫҰ-ға мүше мемлекеттер басшылары кеңесінің кеңейтілген отырысында Үндістан мен Пәкістан ресми түрде ШЫҰ мүшелігіне қабылданып, ұйым әлем халқының 40%-ның, дүние жүзі экономикасының 30%-ын иеленген бірлестікке айналып үлгерді. 

Саммитті ұйымдастырушы әрі төрағалық watchma.com етуші елдің басшысы ретінде Қазақстан Республикасының Президенті Нұрсұлтан Назарбаев ұйымның бүгінге дейінгі атқарған жұмысына жоғары баға бере келіп, жаңадан қабылданған Үндістан мен Пәкістанның премьер-министрлерін мүшелікке қабылдануымен құттық­тады. Шанхай ынтымақтастық ұйымы аясындағы мүше мемлекеттердің өзара сауда-экономикалық қатынастары Ұлы Жібек жолын жаңғырту идеясын ілгерілетіп отыр. 25 жылдық тарихы бар Қазақстан мен Қытайдың дипломатиялық қатынасы жыл санап артып келеді. Батыс Еуропа – Батыс Қытай автожолының биылдан бастап коммерциялық пайдалануға беріліп, Қытай тауарының Қазақстан мен Ресей арқылы Батыс Еуропа елдеріне жете бастағаны анық.  Осы орайда, ұйымға мүше Қырғызстан Президенті Алмазбек Атамбаев ШЫҰ елдерінің жаһандық экономикадағы маңызы транзиттік әлеуетіне де байланысты екенін айта келіп, Қырғызстан мен Өзбекстан арқылы да тасымал нарығын құру керектігіне назар аударды. Атамбаевтың пі­кі­рінше, соңғы жылдары Қырғыз Республикасында қолға алынған инфрақұрылымдық жобалар мен Өзбекстанның сыртқы экономикаға ашыла бастауы Қытайдың «Бір белдеу – бір жол» бағдарламасымен үндесері анық. 

 

ШЫҰ елдерінің экономикалық әлеуеті

Шанхай ынтымақтастық ұйымы құрылғалы бері ұйым елдерінің өзара тиімді экономикалық және сауда қатынастарының орнауына мұрындық болып жүрген Қазақстан Президенті Нұрсұлтан Назарбаев биылдан бастап сегіз елдің басын біріктіріп отырған алпауыт ұйым елдерінің өзара еркін сауда аймағын құру керектігін айтты. 

Экономикалық даму үшін ортақ нарық пен экономикалық интеграцияны басшылыққа алатын Қазақстанның бұл жолғы бастамасы Қазақстан-Қытай сауда қатынасының екі ел ішінде ғана емес, жалпы Еуразия кеңістігінде арта түсуін мақсат ететіні анық.  «Өзара сауда көлемінің артуы бола­шақта ШЫҰ-ның еркін сауда аймағын құруға септігін тигізетіні анық. Бұл жерде біздің еліміз эко­номикалық өзара іс-қимыл сала­сын­дағы өздерін қызықтыратын жобаларды зерделеуді бастау арқылы кезең-кезеңімен ілгерілей алады. Мұнан бөлек, біздің қызметіміздің маңызды векторы мәдени-гумани­тарлық ынтымақтастық саналады. Бұл тұрғыда ШЫҰ университетін құру және жұмысын жолға қою туралы келісімге қол қоюды қолдаймыз», – деген Қазақстан Президенті ШЫҰ-ға мүше мемлекеттердің 2017-2018 жылдарға арналған туризм саласындағы ынтымақтастық бағдарламасын ұйым­дастырудағы бірлескен іс-қи­мыл жос­парын қабылдау аталған сала­дағы өзара іс-қимылға тың серпін бере­тін­ді­гін атап өтті.

Өз кезегінде Қырғызстан Президенті Алмазбек Атамбаев ШЫҰ Даму банкін ашу керектігін айтты. «Біз сауда-эко­номикалық ынтымақтастықтың бел­­с­енділ­ігін қолдаймыз.  Сондықтан ШЫҰ Даму банкін құру мәселесі туып отыр. Қырғызстан да ШЫҰ-ны құру­шы­лардың бірі болды. Сол себепті аталған банк Бішкек қаласында орналасуы керек деген шешімді ұсынып отырмыз», – деді А.Атамбаев.

 

Дайындаған Бауыржан МҰҚАН



пікір қалдыру
АНХААРУУЛГА: Уншигчдын бичсэн сэтгэгдэлд www.kaznews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ПІКІРЛЕР: 0