Connect with us

Моңғолияда

KAZNEWS – Жылдың үздік 10 оқиғасы

Published

on

KAZNEWS АА жыл сайын «Жылдың үздік 10 оқиғасын» анықтауды дәстүрге айналдырған. Агенттігінің көзқарасы бойынша жылдың үздік оқиғасы төмендегідей.

1. Жансерік Маратханұлы моңғолия футбол тарихында алғаш рет хет-трик жасады
Футболдан 19 жасқа дейінгі Моңғолия жасөспірімдер құрамасы Азия чемпионатының іріктеу турнирінің I тобының соңғы кезеңі аясындағы соңғы матчын Улаанбаатарда Сингапур командасына қарсы өткізген.
Кездесу 4:2 есебімен Моңғолия құрамасының пайдасына аяқталды.
Моңғолия құрама сапынан 9 –шы нөмерде өнер көрсететін Жансерік Маратханұлы 3 гол соғып хет-трик жасады.
Жансерік Маратханұлы 1999 жылы туған. «Дэрэн» клубында жартылай қорғаушы ретінде өнер көрсетеді. 17 жасында моңғолия құрамасына шақырылған. 2016 жылы моңғолия құрамасындағы ең жас футболшы атанған.
Бұл көрсеткіші бойынша Жансерік Маратханұлы KAZNEWS ақпараттық агенттігінің жылдың үздік оқиғасы тізімінде көш бастап отыр.
2. Министр лауазымына Бәделхан Қабдісіләмұлы тағайындалды
Моңғолия Парламентінің 2017 жылғы 18 қазандағы кезекті отырысында Құрылыс – қала құрылымы министрі лауазымына ұсынылған Моңғолия Парламентінің депутаты Бәделхан Қабдісіләмұлын депутаттардың 87.5 пайызы қолдап дауыс беріп, Құрылыс – қала құрылымы министрі лауазымына тағайындады.
Бәделхан Қабдісіләмұлы өзінің еңбек жолын 1976 жылы Улаанбаатар қаласындағы Автобус базасында инженер болып бастаған. 1978-1988 жылдары Баян-Өлгий аймағының Авто басқару органында бас инженер, басшы болып жұмыс атқарады. 1991 – 2000 жылдары “Өркен”, “Жол” компаниясында директор қызметін атқарып, 2000-2005 жылы Баян-Өлгий аймағының әкіміне тағайындалған.
2008 және 2016 жылдары өткен Моңғолия Парламентінің сайлауына Баян-Өлгий аймағынан атын ұсынып депутатқа сайланған.
2015-2016 жылдары Сайханбилэгтің Үкіметінде Өнеркәсіп вице министрі қызметін атқарған болатын.
21 жылдан кейін моңғолия қазақтары арасынан шыққан министр Бәделхан Қабдісіләмұлын KAZNEWS ақпараттық агенттігі «Жыл адамы» ретінде танып, жылдың үздік оқиғасы тізіміне еңгізіп отыр.

3. Серік Бердімұратұлы мемлекеттік начин атанды
Халық революциясының 96 жылдығы Моңғолияның Ұлттық мерекесіне арналған күрестің бесінші кезеңінде Баян-Өлгий аймағының тумасы аймақтық арыстан Серік Бердімұратұлы мемлекеттік харцага Т.Баасанхүүді жығып, мемлекеттік «начин» яғни лашын атағына ие болды.
Естеріңізге салсақ, Серік Бердімұратұлы өткен жылғы мемлекеттік мерекеде бесінші кезеңде мемлекеттік арыстан Э.Оюунболд-дан жығылған болатын.
Серік Бердімұратұлы бұл атаққа жеткен ең жас палуан, әрі моңғолия қазақтары арасынан 36 жылдан кейін бұл атаққа қол жеткізіп отыр.
Жылдың үздік оқиғасы тізімінде үздік үштікте Серік Бердімұратұлы жайғасты.

4. Жайна Майдарқызы садақ атудан әлем кубогының чемпионы атанды
Орхон аймағының 12 сынып оқушысы Жайна Майдарқызы садақ ату бойынша әлем кубогының чемпионы атанды. Бұл туралы журналист Досан Хавдалбариұлы хабарлады.
Жайна Майдарқызы Тайланд астанасы Бангкокта өтіп жатқан садақ атудан әлем кубогында нысананы дәл көздеп, жеңіс тұғырына көтерілген.

5. Жиенхан Сувателұлы джиу-джитсудан Азия чемпионы атанды
Моңғолияның Хэнтий аймағының тумасы Жиенхан Сувателұлы Жапония астанасы Токиода джиу-джитсудың IBJJF желісі бойынша өткен Азия чемпионатында -100 келі салмақта жеңімпаз атанды.
Сонымен қатар Моңғолия спортшылары 4 алтын, 3 күміс, 2 қола жүлде алды.
Жалпы Токиода IBJJF желісі бойынша өткен Азия Чемпионатына әлемнің барлық мемлекеттерінен жалпы саны 900 спортшы қатысты.
Жиенхан Сувателұлы джиу-джитсуден ел чемпионатының бірнеше дүркін жеңімпазы, моңғолдың ұлттық күресінен 2011 жылы Хэнтий аймағының тойында екінші орын иеленіп, аймақтық піл атағын, 2016 жылы Дорноговь аймағының тойында бірінші орын иеленіп аймақтық арыстан атағын алғанын айта кеткеніміз жөн болар.

6. Аталар аманаты көрерменмен қайта қауышты
Қазақ халқының Моңғолия жеріне қоныстануына 150 жыл толып отыр. Осы мерей тойға арнап және театрымыздың 61 жылғы қысқы мезгілдік ашылуына орай доктор, Моңғолия мәдениетіне еңбек сіңірген қайраткер Ислам Қабышұлының «Аталар аманаты» драмасын саханаға қойылды.
Қазақтардың Моңғолияға біржолата қоныстану үшін қандай қадам жасағанын, қандай қиындықтарды бастан кешкенін бұл драмадан көруге болады. Жылқышы, Көбеш және өзге ел ағаларының рөлін театрымыздың актерлері сомдаған. Сондай-ақ аталар аманаты қандай еді дегенді бұл драмадан білуге болады.
Драма 1980 жылы Баян-Өлгий аймағының орануының 40 жылдық мерей тойына орай алғаш рет саханаға қойылған болса, 37 жылдан кейін қайтадан көрерменге жол тартты. Бұл ретте Ислам Қабышұлының жобасына Моңғолия Білім және мәдениет министрлігі тарапынан 19,0 млн төгрөгтің қолдауы көрсетілгенін айта кеткеніміз жөн болар.
Драма көркемдік жетекшісі Өсерхан Рахым, Ислам қабышұлы, Музыкасын өңдеген Мусайып мырза. Театр толық құрамда өнер көрсетті.

7. Алғаш рет Футболдан жастар арасында лига ойындары өтті
Өлгий қаласында алғаш рет футболдан жастар арасында лига ойындары өтті. Шілденің 2 – сі күні басталған лига ойындары тамыздың 2 күні аяқталған.
Мустафа Жұқанұлының айтуынша: “Бұл жарысты аймақтық Футбол федерациясы, Өлгий лига жастары бірлесіп ұйымдастырып отыр.
Мақсаты жастарды спортпен шұғылдануға қызықтыру, футболды насихаттау, сондай-ақ аймағымызда аталмыш спортты дамыту болып табылады.” – дейді.
Жарысқа тоғыз команда жасақталып, жасыл алаңда 200 ге жуық футболшы өнер көрсетті.
Қазақстаннан төреші келген. Сонымен қатар, Өлгий қаласынан төрелік етіп жатқан жастарымызда бар. Жұма күндері үзіліс. Жұмыс күндері күніне екі матч өткізіледі. Ал, сенбі және жексенбі күндері күніне төрт матч өткізіліп отыр.
Сонымен қатар, ұйымдастырушылар тобы бұл жарысты жыл сайын ұйымдастырып тұруды жоспарлауда. Командалар өзара ойыншы алмасуы лиганың ережелеріне сай болады деп отыр.
Бұл жарыста көзге түскен спортшылар іріктеліп еліміздің «Ұлттық лигасы» ойындарында аймағымыздың абыройын қорғайтын болады.
Өңірде футболдың дамуына зор мүмкіндік бар. Бір өкініштісі, мемлекет тарапынан қолдау жеткіліксіз екенін айтып отыр.

8. Баян-Өлгий әуежайының техникалық мүмкіндігін арттыруға ҚР көмектесуге ниетті
«Біз Өлгийге ұшақ ұшыра алмаймыз. Әуелі екі елдің Азаматтық авиация өкілдері кездесуіміз керек. Сол кезде біз өзара келісімге келе отырып, Астана-Улаанбаатар, Астана-Өлгий бағытындағы рейстер туралы шарт жасасамыз. Біз бірінші Астана- Улаанбаатар бағытын қалпына келтіріп алуымыз керек. Содан кейін барып, «Міне, бізде сұраныс бар, Астана-Өлгий бағытына қазақстандық әуе компаниясы ұшуға ниетті, рұсат етіңіздер» деуіміз керек. Алайда олар бізбен кездесуден бас тартып отыр» – дейді ҚР ИДМ Азаматтық авиация комитетінің төрағасы Бекен Сейдахметов
Осы кезде тағы бір мәселе туындайды.
Ол Баян-Өлгий әуежайының мүмкіндігінің шектеулі екендігі. «Бұған дейін Ан-24 ұшағымен СКАТ ұшқан болатын. Алайда Моңғолия тарапы «біз Кеңес үкіметінен қалған ұшақтарды қабылдай алмаймыз» деп шектеу қойды. Содан кейін біз тоқтатуға мәжбүр болдық. Ал боинг, SRJ ұшақтарын қабылдауға Баян-Өлгий әуежайының техникалық мүмкіндігі жоқ. Бірақ біз бұл мәселенің де түйнін шешіп отырмыз. Мысалы бүгінгі таңда Қазақстан әуежайлары 6-шы сыныптық дәрежеге дамуына байланысты, бізде бұрын жұмыс істеген авияциялық техникалық құралдары бар. Соларды пайдалануға береміз. Осының барлығын келісу үшін біз моңғолиялық әріптестерімізбен кездесуіміз керек. Ал олар оған құлықсыз» – дейді Бекен Кеналұлы.
Жауапты органдардың құлағына «алтын сырға» ретінде бұл оқиғаны KAZNEWS ақпараттық агенттігі тарапынан «жылдың үздік 10 оқиғасы»-на еңгізіп отыр.

9. Бәкей Ағыпарұлы ғылым академиясының академигі болып сайланды
Қоғам қайраткері, экономика ғылымдарының докторы, профессор Бәкей Ағыпарұлы Моңғолия ғылым Академиясының академигі болып сайланды.
Бәкей Ағыпарұлы бұл жоғары ғылыми атаққа мал шаруашылығының тиімділігін арттыру, экономикалық және менежменттік бағытта 30 жыл ғылыми зерттеулер жасап, моңғолияның ауыл шаруашылығының тұрақты дамуының стратегиялық бағыты, малшы отбасының экономикалық шешім қабылдау процессі, жайылым жерлерді ұтымды пайдаланудағы менежменттік үлгісін жасау мәселері бойынша еңбектері үшін ие болды.
Бұл атаққа бұған дейін доктор, профессор, «Еңбек сіңірген ұстаз», «Халық ұстазы» Мекей Әбішұлы жеткен болатын.

10. Әнші Гүлназ (Guli) жаңа бейнебаян түсірді
Әнші Қ.Гүлназ (Guli) жаңа бейнебаян түсірді. «Мансуурам» деп аталатын бейнебаяны басқалардан өзгеше.
«Махаббат – Өз әлеміңді тек ғана сол бір жаңға арнайтын ләззат сезім.» – дейді Guli.
Өмірді құламастай берік ететін махаббат ғана. Ал біз шынайы махаббатты бағалай аламыз ба? Ойла¬на¬йық, адамзат баласына берілген нәзік сезімге дақ түсірмейік!

Жаңа жыл бақыт жылы болсын, ағайын!

Моңғолияда

548 ана – «Ана даңқы» орденімен марапатталды

Published

on

Моңғолия Президенті Халтмаагийн Баттулга 20 қыркүйекте Баян-Өлгий аймағына жұмыс сапарымен келді. Жұмыс сапары аясында Президент Х.Баттулга 548 анаға «Ана даңқы» орденін табыстап, марапатталған аналарды құттықтады.

I–ші дәрежелі «Ана даңқы» орденімен 82, II-ші дәрежелі «Ана даңқы» орденімен 466 ана марапатталды.

Continue Reading

Моңғолияда

Баян-Өлгий аймгийн 548 ээжид “Эхийн алдар” одон гардууллаа

Published

on

Монгол Улсын Ерөнхийлөгч Халтмаагийн Баттулга эхчүүдэд одонг нь гардуулсныхаа дараа баяр хүргэж үг хэллээ.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА:

“Монголын сайхан ээжүүд ээ,

Энэрэлт эхчүүд ээ,

Та бүхний энэ өдрийн амар амгаланг айлтгаж, үндэстний ирээдүй болсон хүүхэд, багачуудыг эрүүл саруул, хайр халамжаараа дутаалгүй өсгөн бойжуулж байгаад тань халуун талархал илэрхийлье.

Дэлхий дахинд тархсан цар тахлын улмаас энэ жил “Эхийн алдар” одонг Хүүхдийн баяраар гардуулж чадаагүй ч нэг сарын өмнөөс засаг захиргааны түвшинд үе шаттайгаар гардуулж эхлээд байна.

Өнөөдөр Баян-Өлгий аймагт ажиллах үеэрээ танай аймгийн 548 ээжид “Эхийн алдар” одонг гардуулж байгаадаа туйлын баяртай байна. Баян-Өлгий аймгаас энэ жил “Эхийн алдар” Нэгдүгээр зэргийн одонг 82, Хоёрдугаар зэргийн одонг 466 ээж хүртэж байна. Үр хүүхдүүдийнхээ гэрэлт наран, гэр бүлийнхээ ивээлт саран болсон сайхан ээжүүддээ баяр хүргэе!

Хүүхэд өсгөж, хүмүүжүүлнэ гэдэг аз жаргалтай атлаа өндөр хариуцлагатай ажил. Монгол Улсын ирээдүй болсон хүүхэд, багачуудыг зөв хандлага, ёс зүйтэй, боловсролтой иргэн болгон хүмүүжүүлж байгаа нь ээжүүдийн эх орныхоо хөгжил дэвшилд оруулж байгаа үнэлж баршгүй хувь нэмэр юм.

Хүн амаа өсгөх бодлогыг тууштай баримталж ирсэн Монгол Улсын хувьд хүүхэд хамгаалал, эхчүүдийн нийгмийн асуудлыг төрийн бодлогын нэн тэргүүнд тавьж, эхчүүдийн хөдөлмөрийг дэлхийн жишигт хүргэн үнэлэх ёстой.

Олон хүүхэд төрүүлж өсгөсөн эхчүүдэд Монгол Улсын Ерөнхийлөгчийн зарлигаар хүртээдэг “Эхийн алдар” одон бол энэ бодлогын нэгээхэн хэсэг. Төрийн бодлого, үйл ажиллагаа үүнээс ч өргөн цар хүрээтэй, илүү хүртээмжтэй, тогтвортой хэрэгжих учиртай.

Тийм ч учраас миний бие хүүхдийн мөнгийг хүүхэд бүрд олгох, хүүхэд хамгааллыг сайжруулах чиглэлд тодорхой ажлуудыг санаачилсан. Цаашид ч эхчүүд хүүхдээ сэтгэл амар өсгөн бойжуулах нөхцөлийг бүрдүүлэхийн төлөө санаачилгатай ажиллаж, Улсын Их Хурал, Засгийн газрыг шахан шаардаж байх болно.

Өнөөдөр одонгоо гардан авсан Та бүхэнд болон Баян-Өлгий аймгийн нийт эхчүүд, охид эмэгтэйчүүддээ халуун баяр хүргэж, аз жаргал, эрүүл энх, сайн сайхан бүхнийг хүсэн ерөөе.

Монголын маань үрс маш олон болтугай!” гэлээ.

President.mn

Continue Reading

Моңғолияда

Президент Баян-Өлгий аймағының халқымен кездеседі

Published

on

KAZNEWS – Моңғолия Президенті Халтмаагийн Баттулга қыркүйектің 18-20 аралығында елдің батыс өңірінде жұмыстап, халықпен кездесу өткізеді. Бұл туралы Президенттің баспасөз қызметі хабарлады.

Президент 2020 жылдың 18 – қыркүйекте Завхан аймағында, 19 қыркүйекте Увс аймағында халықпен кездеседі.

Қыркүйектің 20 күні аймақтық Музыкалы драма театрында сағат 15:30 -да Баян-Өлгий аймағының халқымен кездесу өткізеді.

Continue Reading

Моңғолияда

Айбота Әлиханқызы: Кер замандағы кедейшілік

Published

on

«Атымды айта бастасам тілім таңдайыма жабысып қалғандай күй кешемін» – деп Қожа айтпақшы кедейшілік туралы айта бастасақ жұмыссыздық алдымен ойға оралады. Жұмыссыз адам кіріссіз, кіріссіз адам кедей. Оның басқа бір формуласы бола қоймас деп ойласақ тағы да қателеседі екенбіз. Қазіргі таңда мемлекеттік жұмысшылардың көпшілігі, малшылардың көпшілігі кедей адамның құрамына кіреді. Неге десеңіз айталық.

Монгол елінде 3 млн жарым адам бар делік. Осының бір миллионы кедей. Жұмыссызы да кедей, малшысы да кедей, үкіметтік қызметкері де кедей. Жұмыссыз адамның кедей болатыны түсінікті, ал, үкіметтік қызметкерлерге не жоқ деп таңғалуыңыз мүмкін. Себебі мемлекеттік қызметкерлердің 70 пайызы айлық-жалақысын кепілге қойып несие алып тіршілігін жалғаушылар. Олар тек ғана банкіні асырауда. Мысалы 6-7 миллион төгрөгті бірнеше жылда оннеше млн төгрөг қылып қайтарасыз. Немесе 60 млн төгрөгтің пәтер үйін ипотекамен алып 20 жылдың ішінде 120 млн немесе одан да көп қылып қайтарасыз. Егер жаңа үйленген жас отбасы болса әсіресе қалалы жерлерде үйлі болу үшін 20 жылын жұмсайды. 20 жыл бойы несие төлеп ақша жинай алмағандықтан қайта несие алып балаларын оқытады. Мемлекеттік ұйым-мекемелердің сот төрешілері немесе кейбір заңи, әскери ұйым-мекемелерді айтпағанда көпшілігінің айлық-жалақысы млн төгрөгке жетпейді Орташа есеппен алғанда 600-800 мың төг аралығында.

Енді қараңыз мемлекеттік қызметкерлердің көпшілігі несие төлейтіндіктен жалақысының 30 немесе 40 пайызын банкіге береді. 600 мың төгрөгтің 250 мыңы несиеге кетсе, қалған 350 мың төгрөгті қай жыртығына жамасын. Бір тонна көмірдің бағасы ең аз дегенде 75 мың, бір қойды ең аз дегенде 160 мың төгрөгке ала алады, ал, ұнның бағасы 50 мың төгрөг. Егер бір үйде бір адам жұмыс істейді деп есептесек әлгі ауыз толтырып айтып отырған 600 мың, 800 мың төгрөгіңіз тек қағаз ғана, қымбатшылықта қажетіңді өтеуге келмейтінін, қысқа жібі не күрмеуге, күрмеуге келсе сүйреуге келмейтінін бағамдай аласыз. Әйтеуір өлместің күнін көріп жүрген халық. Ал, малшылардың жағдайына тоқталсақ қыстың суығы, жаздың ыстығында малын жайып, құртын жеп, айранын ішіп жүргенімен сол малдың барлық өнімдерінен мол пайда тауып отырғаны да шамалы. Елімізде ірі өндірістер, мал терісі, жүні мен сүтін өңдеп нарыққа ұсынушылар тым аз. Соның салдарынан мал өнімдерінің бағасы түсіп, малшылардың кірісінің азаюына әсер етуде.

Сонымен қатар мал бір жұттық дегенді де ескеруіміз керек. Мал терілері далада қалды, түбіттің бағасы түсіп, қой жүні де мардымды емес. Тек ғана еттің бағасы көтерілгенімен ақшаның қажеттілігі туындаған жағдайда сол малын дереу сатып қажетіне жарату мүмкіндігі аз. Себебі кейбір сұмындар аймақ орталығынан 100-300 шақырым қашықтықта орналасқан. Малшылар малын әкеліп сатып, саудалауға шамалары келе бермейді. Малшылар мен мемлекеттік қызметкерлердің жағдайы осындай болғанда жұмыссыздардың халін ойлаудың өзі артық. Олар істейін десе де жұмыс жоқ, енді көпшілігі тегін әрі оңай жолмен келетін қаржы-қаражатты көксейді. «Тақыр кедей» деген анықтама бойынша азық-түлік талоны, немесе еңбек даяшылық, қамқорлық басқармасынан берілетін азды-көпті көмекке, еңбек шыдамдылығынан айырылған адамдарға берілетін қаржы яғни түсінікті тілде айтсақ группаға тәуелді болады. Соны алудың амал айласын қарастырады. Халықтың бір азғана пайызын қариялар құрайды. Өмір бойы үкіметке еңбек сіңірген, ұл-қызын өсірген қарттарымыздың алатын зейнетақының төменгі мөлшері 350 мың.

Жоғарыда осы қаржыға не алуға болатынын айтқанбыз. Қариялар қартайған шағында еңбегінің зейнетін көргеннің орнына бір отбасын осы 350 мың төгрөгпен асырап отыр. Өйткені қариялардың қолында отырған балаларында да жұмыс жоқ әйелі ерге, ер жерге, бәрі бірігіп шал кемпірдің зейнетақысына қарап отырған жайттар халық арасында өте көп. Бәз біреулері студент оқытып отыр. Жұмыссыздар, жұмыстағылар, немесе малшылар, қариялар кедейге есептелсе енді кімдер бай дейсіздер ғой! Кейбір өз еңбегімен, табан ет маңдай терімен байыған бизнесмендерді айтпағанда күнәһарлар ғана бай. Себебі олар халықтың нәпақасын жеушілер. Халықтың ішінде жетім-жесір, кәрі-құртаң, ауру-сырқау адамдардың бәрі кездеседі. Соларға жасалуға тиіс қызметтер жасалынбай, солардың мүддесі үшін қызмет ететіндер тек өзінің қара басын, жемтіктестері мен ағайын туыстарының ғана мүддесін ойлаған, тендер деп, басқа деп заң жүзінде, қағаз жүзінде барлығын реттеп, қоржынын толтырғандар ғана бай.

Ұлттық статистика комитеті және әлемдік банкінің кедейшіліктің деңгейін анықтаған зерттеу анализдеріне жүгінсек 2008 жылдары кедейлік деңгейі 35 пайыз болған. Кейіннен тау-кен саласы жанданудың нәтижесінде 2016 жылы 29,6 пайыз болса, 2018 жылы 28,4 пайызға азайған. Ауылдық жерлерден қарағанда қалалық жерлерде кедейшіліктің деңгейі жоғары. Мәселен Улаанбаатар қаласында кедейліктің деңгейі 62,1 пайыз болса 2018 жылы 63,5 пайызға жеткен. Сонымен қатар кедей азаматтардың 41,8 пайызы Улаанбаатар қаласында өмір сүретіні анықталған. Ал ең кедей аймақ ретінде 51,9 пайызбен Говьсүмбэр аймағы аталған. Халқының тең жарымы кедейлікте өмір сүреді деген сөз. Келесі орындарды 45,1 пайызбен Говь-Алтай, 42,5 пайызбен Дорнод, 40,9 пайызбен Ховд аймақтары бөліскен. Бұлар тек сандық деректер. Дегенмен бұның артында кедейшіліктің нағыз бет-бейнесі жасырынып жатуы мүмкін. Ал, осы тізімнің ішінде аймағымыз кедейшілік деңгейі бойынша 24,3 пайызды құрап отыр. Екі жыл сайын бір рет жасалатын зерттеулерге қарағанда елде қандай бір дағдарыс, төтенше жағдайлар орын алса кедейшілікке ұшырайтындар екі есеге көбеюі мүмкін.

Биылғы әлемді жайлаған «Ковид-19»-дың әсері болмай қоймасы анық. Дегенмен ел тізгінін ұстаған басшылар кедейшілікті жою мақсатында әлі күнге дейін есі дұрыс бағдарлама ұсынып іске асыра алмады. Жұмыссыздықты, кедейшілікті жоюдың ең дұрыс жолы – шағын және орта өндірісті дамыту деп есептеді. Есесіне биліктегілер өздері бөлісіп жеп, қалғанын жергілікті жерлердегілер жең ұшымен алып деген сияқты оң нәтиже берген жоқ. Әйтсе де бірлі-жарым шаруашылық бірліктеріне септігін тигізсе де кедейшілік пен жұмыссыздықты шешудің тиімді жолы бұл емес еді. Кедейшілікті азайтамыз деп шетелге жұмыс күшін шығару да тиімді тәсіл емес дейді зерттеушілер. Ең дұрыс жолы ішкі өнімдерді арттыру, ірі компаниялар, ірі өнеркәсіптер бой көтеру, жер байлығын ұтымды пайдалану. Ел көлемінде ең кедейшілік деңгейі төмен аймақ Өвөрхангай. Бұл аймақта кедейлік деңгейі 11 пайыз. Аталмыш аймақта тау-кен саласы ірі қарқын алып жұмыстауда. Соның пайдасы халыққа тимеді деп айта алмаймыз. Ұлан-байтақ монголдың кең даласында небәрі 3 млн халық кедейшілікте өмір сүргеніне ішің күйеді. «Кең далаға симай жүргеніміз жоқ, сиыса алмай жүрміз ғой» демекші жер байлығын игере алмай, ел бюжетін барынша қымқырып-жымқырып, жең ұшымен жалғасып, жемтіктес болған мәдениетті ұрылардан құтылмайынша, халық көзін ашып, ұйқыдан оянбайынша кедейшілік ешқашан жойылмайды…

Әттең бір кем дүние!!!

Continue Reading
Advertisement

Сөзге тиек

Әлемде4 weeks ago

Жаңа жағдайдағы Қазақстан: іс-қимыл кезеңі

Мемлекет басшысы Қасым-Жомарт Тоқаевтың Қазақстан халқына Жолдауы Құрметті отандастар! Құрметті Парламент палаталарының төрағалары, депутаттар, Үкімет мүшелері! Парламенттің кезекті сес­сия­сының жұмысы...

Әлемде4 weeks ago

ТАҒЫЛЫМЫ ЕРЕН БІЛІМ МЕКЕНІ

Қымбатты достар! Биыл Шетелдіктердің тілдік және жалпы білім беру дайындығы кафедрасының 35 жылдық мерейтойы! Осы айтулы мерекемен Сіздерді шын жүректен...

Әлемде4 months ago

Маусымның соңында Қазақстан мен Түркия арасындағы әуе қатынасы қайта қалпына келеді

Маусым айының соңында Қазақстан және Түркия арасындағы халықаралық рейс қайта қалпына келеді. Бұл туралы Қазақпарат хабарлады. Халықаралық рейстерді кезең-кезеңімен жандандыру...

Әлемде4 months ago

Мэнни Пакьяо президент сайлауына түседі

KAZNEWS – Жартылай орта салмақта WBА бұрынғы чемпионы Мэнни Пакьяо 2022 жылы өтетін Филиппин президентін сайлауына үміткер болады. Дәл қазіргі...

Әлемде4 months ago

Түркия 31 елге шекарасын ашты

KAZNEWS – 20 мамырдан бастап медициналық мекемелерде емделу үшін 31 елдің азаматтарына Түркия шекарасынан өтуге рұқсат берілді. Бұл туралы Ийгл...

Әлемде4 months ago

Қазақстан астық пен ұн экспортына қойылған шектеуді алып тастайды

Спутник ақпараттық агенттігінің хабарлауынша, Қазақстанда 1 маусымнан бастап бидай, ұн және басқа азық-түлік өнімдерінің экспорты жанданады. “Төтенше жағдай аяқталып, еліміз...

Әлемде5 months ago

Ким Жон Ун қайтып келді

Солтүстік Кореяның көшбасшысы Ким Жон Ун 20 күннен кейін алғаш рет көпшілікті қамтыған іс-шараға қатысты. Солтүстік Кореядағы орталық ақпараттық агенттігі...

Әлемде5 months ago

Президент сайлауын пошта арқылы өткізуге дайындалып жатыр

Польша үкіметі пандемия аяқталмаса да, 10 мамырда президенттік сайлау өткізуге тәуелкел етіп отыр. Сайлау белгіленген күнді өзгертпейтін болды. Пошта арқылы...

Статистика

  • 51
  • 8,179
  • 183,952

Басты назарда