Connect with us

Лайфстайл

Білім – таусылмайтын азық

Published

on

Әл-Фараби атындағы Қазақ Ұлттық университетінің қалыптасқан имиджі және оны  дамыту.

Кеше ғана тәуелсіздік туын желбіретіп,азаттыққа қол жеткізгеннен бері елімізде талай өзгерістер мен үздіксіз үдерістер толастаған емес. Бүгінгі таңда ел болып, ірге көтеріп, шаңырағымызды биіктен көрсете алатындығымызды дәлелдедік.Мемлекетіміз  қарқынды даму барысында әлем елдерімен бәсекеге түсе алатындай дәрежеге жетіп,басқалармен  терезесі тең өмір кешуде.

Мұның барлығы толассыз атқарылған еңбек пен білімнің арқасы деп ойлаймын.Осындай елдің әрбір жылдық  бағыт-бағдары Президенттің Жолдауларында айқындалып келе жатқандығы мәлім.Еліміздің ертеңіжігерлі жастарға көп сенім артады. Осы тұста айта кетерлік жайт, 1998 жылы қабылданған «Қазақстан-2030» даму стратегиясы межелеген уақытынан ерте аяқталды. Осы стратегияның 10 жылдығы біз үшін  шын мәнінде тарихи кезең болып табылмақ.

Ұлт көшбасшысы әрбір жолдауында білім саласын бір сәтке де ұмытқан емес. Күні бүгінге дейін айтылған міндеттердің бәрі жыл өткен сайын кезең-кезеңімен орындалу үстінде. Жолдаудың әрбірінде Елбасы жастарға да үлкен үміт артып отыр. Мұны «Қазақстан – 2050» Стартегиясы: қалыптасқан мемлекеттің жаңа саяси бағыты» атты Жолдауындағы «Мен сіздерге, жаңа буын қазақстандықтарға сенім артамын. Сіздер жаңа бағытың қозғаушы күшіне айналуға тиіссіздер» деген сөздерінен анық байқаймыз.

Қытай философының: «Маған жай айтсаң – ұмытамын, көрсетсең – есімде сақтаймын, ал өзімді іс-әрекетке қатыстырсаң – үйренемін» деген даналығы білім-ғылымның,  білім алудың маңызды екендігін көрсетеді.

Елбасы Н.Назарбаев«Терең білім – тәуелсіздігіміздің тірегі, ақыл-ой – азаттығымыздың алдаспаны» деген еді. Қазіргі заман білекке емес, білімге сенетін заманға айналды. Бабалар табаны тимеген жерге қазіргі буынның қаламының ұшы тиіп жатыр. Бұл да бейбіт елдің басты жетістіктерінің бірі емес пе?! Бұл бағытта еліміздегі білім ордаларының да бірлесе күш жұмасап жатқаны айтпаса да түсінікті. Міне, осы арқылы мемлекетіміз өз тарапынан жастардың сапалы білім мен саналы тәрбие алуына, қажетті мамандықты игеруіне, өз арман-мақсаттарын жүзеге асыру үшін бар мүмкіндіктер жасап келеді. Ең жоғарғы деңгейдегі білім ошақтары арқылы Қазақстан жас ұрпаққа білікті білім мен тәлім алуға зор мүмкіндіктер ашып беріп отыр.Біздің ата-бабаларымыз жете алмаған мақсат-мұраттар, мүмкіндіктер біз тәрбиелеп жатқан ұрпақтың алдында есігін айқара ашып тұр. Біз өз кезегімізде осы мүмкіндіктерді іске асыру үшін, тек қана жастардың санасына толассыз тәрбие мен білім нәрін құя беруіміз керек, табысты жұмыс жасауымыз керек.

Міне,осы тұста табысқа жету үшін бәрімізге атын көпір болып отырған Әл-Фараби атындағы Қазақ Ұлттық университетін айтқымыз келеді. Бүгінгі таңда университет Қазақстандағы ең бірінші орындағы және танымал, сұранысқа ие оқу орны.

КазҰУ қабырғасында Қ. СәтбаевМ. ӘуезовЕ. БекмаханұлыӘ.Марғұлан,

Д.Сокольский тәрізді аса көрнекті әрі қайталанбас ғылым мен мәдениет қайраткерлері дәріс оқыды. Ал,қазіргі кезде университет әртүрлі мамандық бойынша кадрлар даярлайтын жоғары оқу орны және ғылыми-зерттеу орталығына айналды. Оқытушы-профессорлар құрамы – 2500 мың адамнан асады, олардың арасында 400-ден аса ғылым докторы, профессорлар, 800-ден астам ғылым кандидаттары, доценттер бар.

Әл-Фараби атындағы Қазақ ұлттық университеті 180-нен астам гуманитарлық, жаратылыстану және техникалық мамандықтар бойынша бакалаврларды, магистранттарды, докторанттарды дайындайды.

Университет білім алушы тұлғаның жан-жақты дамуына, өзін-өзі кемелдендіруіне қажетті жағдай жасау үшін бар күш-жігерін салып, студенттік өзін-өзі басқаруға, көшбасшылық қасиеттерді тәрбиелеуге мол мүмкіндіктер тудыруда.

Универсиетте Қазақстандағы аса ірі ИНТРАНЕТ желісіне қосылған, заманауи компьютерден тұратын корпоративтік ақпараттық жүйе құрылған, сондай-ақ компьютер сыныптары мен Интернет залдар жұмыс істейді.

ҚазҰУ қалашығының барлық аймағы Wi-Fi сымсыз желісімен қамтылатын болады. Оның кез келген нүктесінде әр студент университет бірлестігінің желісінде жұмыс істеумен қоса, Интернетке тегін қосылу мүмкіндігіне ие болады. Сонымен қатар тәулік бойы істейтін 300 орындық жаңа Интернет-кафе жұмыс істейді.  Ө.А.Жолдасбеков атындағы Студенттер сарайы – ҚазҰУ қалашығының інжу-маржаны. Мұнда Қазақ ұлттық аспаптар оркестрі, көркемөнер үйірмелері, «Біз» студенттер театры, КТК командасы жұмыс істейді
Қорыта айтқанда, қоғам тұлғаны қаншалықты жетілдірсе, жетілген тұлға қоғамды соншалықты дәрежеде дамытады. Сондықтан қоғам дамуында  білім беру ең маңызды мәселе болып табылады. Осы орайда білім беретін ұстаздардың еңбегін бағаламасқа болмас. Өйткені, әрбір мемлекеттің өсіп-өркендеуінің, бәсекеге қабілетті болуының ең басты ошағы – ұстаз берген білімде. Сондықтан да дамудың ең биік көкжиегінен көрінгісі келген кез келген мемлекет  ең алдымен, білім беру саласын дұрыс жолға қойып, сапасын көтеруді мақсат етеді. Сөзімізді мына даналық оймен аяқтағымыз келеді. Кемеңгер Ахмет Байтұрсынұлының өткен ғасырдың басында: «Әуелі біз елді түзетуді бала оқыту ісін түзетуден бастауымыз керек.Неге десек, болмыстық та, билік те, халықтық та оқумен түзеледі. Қазақ ішінде неше түрлі кемшіліктің көбі түзелгенде, оқумен түзеледі». Сондықтан да еліміз үшін, оның болашағы үшін ерінбей еңбек етіп, ізденіс пен талпынысты ту ететін боламыз!

 

Әл-Фараби атындағы ҚазҰУ оқытушылары:

Искакова Гүлназ, Аушенова Айдана

Лайфстайл

Huawei смартфонына қандай дүкенді жүктейміз?

Published

on

Huawei мен Honor смартфондарының иелеріне Play Market-тің орнына қандай дүкенді қолдануға болады?

AppGallery

Соңғы жарты жылда шығарылған Huawei мен Honor смартфондарында орнатылған дүкен. Сырттай Google Play-ден айырмашылығы аз. Смартфонды жаңадан алған кезде басты бетте тұратынын байқаған боларсыз. Бұл дүкен ыңғайлы әрі Google Play-дің лайықты мұрагері. Оның үстіне қосымшаларды автоматты түрде жаңартып отырады.

Aptoide

Дүкеннің 200 мыңнан астам қолданушысы бар. Google Play-ді толыққанды алмастыра алады. Дүкенде 900 мыңнан астам қосымшалар бар. Интерфейсі ыңғайлы, жылдамдығы тез. Қазіргі таңда Huawei мен Aptoide әріптестік жөнінде келіссөздер жүргізіп жатыр. Болашақта Aptoide Google Play-дің орнын басуы әбден мүмкін.

Толығырақ: https://massaget.kz/

Continue Reading

Лайфстайл

Ағылшын тілі – тек қатынас құралы емес

Published

on

Ағылшын тілі – қазіргі заманда жаһандық тіл. Бұл тілде әлемнің көптеген елінде сөйлейді. Қазіргі заманауи мектептер де ағылшын тілі пәні міндетті пән ретінде оқытылады. Күні кеше ағылшын тілі пәні кестедегі негізгі пән ретінде 1 сыныптан бастап оқытыла бастады. Әлемдік денгейде алып қарағанда ағылшын тілі көп ұлттар арасындағы қарым қатынас құралы ғана емес білім мен өнер-кәсіп тілі екенін жылдан жылға дамып келе жатқан техника дәуірі анық көрсетуде. Ағылшын тілі алғаш пайда бола бастаған сәтте тек европа елдерімен еркін қарым қатынас орнату, шетелдерде саяхаттау, сонымен қатар жоғарғы оқу орындарында оқу үшін жасөспірімдер арасында қызығушылық көбірек арта түсті. Қазіргі таңда осы мақсаттарға жетіп ағылшын тілін жақсы денгейде меңгерген жастарды мақтан етуге болады. Оның бір айқын куәсі әл-Фараби атындағы Қазақ Ұлттық Университетінің «Болашақ» бағдарламасы және Эрамсус-Мундус жобалары арқылы жыл сайын шетелдік жоғарғы оқу орындарында білім алып жатқан түлектерді тілге тиек етуге болады. Әрине осындай жоғарғы талапқа сай маман иелерін дайындап отырған  осы ғылым ордасындағы толассыз оқытылып келе жатқан ағылшын тілінің бағдарламасы мен ұстаздардың заманауй әдістемеге сүйенген еңбектері жатыр.Осы тұста заманауи талаптарға сай отандық және шеттілдік қарым-қатынасқа халықаралық деңгейде қабілетті, әртүрлі жанрлы мәтіндер мен құжаттарды аударып,  білім мен ғылымның барлық саласында тіларалық қарым-қатынаста көмек көрсете алатын кәсіби білікті мамандар даярлау мақсатындағы Қазақ Ұлттық Университетінің «Шетел филологиясы және аударма ісі кафедрасы» – ның ұстаздар еңбегін атап айтсақ артық болмас. Көп жылдық тәжирибесі мықты, аға ұстаздармен бірлесе қызмет атқару барысында ағылшын тілін сөйлеспелі қатынас құралы ретінде ғана емес тереңдетілген академиялық білім денгейінде үйрету әдістемелерінде тәжірибе жинадым. Бұнда тіл үйретуге арналған мультимедия-инновациялық технологиялар және аудио кітап, электонды ресустар,сондай-ақ қажетті заманауй техникалық құралдармен(лингофонный кабинет) жабдықталған.  Сондықтан мұнда тек ағылшын тілітек тілдік тұрғыда ғана үйретілумен шектелей оның мәдениеті, дәстүрі, тарихы сынды денгейлерге бөлініп ғылыми тереңдетілген денгейде оқытылатынын білімге деген ынталы болашақ маман иелеріне ескертуді жөн көрдім.

«Enjoy living in the moment but remember that learning English will prepare you for the future»

Әл-Фараби атындағы ҚазҰУ

«Шетел филологиясы және аударма ісі кафедрасы»-ның

оқытушысы филол.ғ.м  Төнкер А.

Continue Reading

Лайфстайл

Шетелдік студенттер тарих бесігі – киелі Түркістанға саяхат жасады

Published

on

Елбасымыз Н.Ә. Назарбаевтың жарық көрген «Ұлы даланың жеті қыры» атты мақаласында Ұлы есімдер, түркі әлемінің генезисі, ежелгі өнер мен технологиялар музейі, дала фольклоры, кино мен телевизия өнері туралы айтылған«Тарихи сананы жаңғырту» бөлігінде атап көрсеткен ұлттық санаға қатысты және әрбір қазақстандықтың санасын жаңғыртудың маңызды бағыттарының бірі заманауи қазақстандық мəдениетті əлемге таныту мəселесіне басым көңіл бөлінеді.

        Елбасының «Рухани жаңғыру» бағдарламасы аясында, «Ұлы даланың жеті қыры» мақаласы негізінде «Айналаңды нұрландыр» жобасы бойынша әл-Фараби атындағы Қазақ ұлттық университетінің (www.kaznu.kz)  жоғары оқу орнына дейінгі білім беру факультетінде шетелдіктердің тілдік және жалпы білім беру дайындығы кафедрасының «Саяхат» атты өлкетану клубы еліміздің рухани астанасы, ежелден мұсылман атаулы тәу етіп барып, зиярат қылатын құтты орын, түркілердің төл мекені,өзінің көне тарихымен танымал, қазақтар үшін сондай рухани алып, бүкіл қазақ халқы мойындайтын піріміз, тарихи қала, діни туризм орталығы – Түркістанмен танысу мақсатымен ғылыми-танымдық іс-шараТүркістандағы Ахмет Яссауи кесенесіне экскурсия ұйымдастырды. Бұл экскурсия өзінің тарихи-мәдени бағытымен ерекшеленді.

Бұл жобаны жүзеге асырудағы кафедраның мақсаты заманауи қазақстандық мəдениетті əлемге таныту, ұлттық мəдениетті, қасиетті рухани құндылықтарды,білім мен ғылым саласында жеткен жетістіктерін дәріптеу, шетелдік азаматтарға кеңінен таныстыру болды.

        Осы іс-шараны әл-Фараби атындағы ҚазҰУ-ң85 жылдық мерейтойына арнайы кафедраның «Саяхат» атты өлкетану клубының жетекшісі Т.В. Курманова ұйымдастырды. Шараны осы кафедраның ұстаздары Г. Утебалиева, Р.Дүйсенбаева, А. Саденовалар ерекше қолдай отырып, АҚШ, Испания, Қытай, Ауғанстан, Түркия, Вьетнам, Ливан, Оңтүстік Корея, Жапония, Монғолия, Швейцария, Германия, Иран және басқа да елдерден Қазақстанға келген шетелдік студенттерді саяхаттауға алып барды.

Саяхат барысында шетелдік студенттер еліміздің түркі тілдес халықтардың рухани орталығы, Қазақ хандығының саяси астанасы болған Түркістан қаласын, XV ғасырда Қ.А. Яссауиге арнап тұрғызылған кесенесін аралап, ғажайып «Тайқазанды», Ахмет Яссауи мүрдесіне қойылған құлыптасты, жерленген бөлмені, Абылай хан ескерткішін көрді, тарихымен танысты. Одан соң жер асты мешітіне барып, Ахмет Яссауи қылуетке түскен жерді көздерімен көрді. Шығыс моншасы мен Жұма мешітінде болды, Рабия Сұлтан Бегімнің кесенесін тамашалап, ерекше әсер алды.

Ежелгі қазақ хандығының астанасы болған Түркістанның елдік бейнеміздің кәусар бұлағы екенін, оның пайда болу тарихын осы қала арқылы біз өткен тарихымызды, мәдениетімізді білетінімізді шетелдік студенттерге дәріптеу, оларды ұлттық салт-дәстүр, әдет-ғұрпымызды құрметтеуге тәрбиелеуде саяхаттың берері мол болды.

Бұл, біріншіден, қазақ халқының жоғары мәдениеті мен өнегелік қасиеттері туралы шетелдік студенттердің тарихи-мәдени білімдерін көтерудің өзгеше формасы, екіншіден шетелдік студенттердің ой-танымын қалыптастырудың негізі болар бірден-бір жақсы шара болды.

Сонымен қатар, студенттер Түркістанның ежелгі заманда да, қазір де үлкен саяси орталық екені, бұл қаланың сол ғасырлар бойы елдің басын біріктіріп, рухани негізді сақтап қалуға сіңірген еңбегі ұлан-теңіз екені, қаланың жалпы мұсылман әлемінде «Екінші мекке» атануы тегінен тегін емес екені, осындай бой көтерген зәулім кесене – Қожа Ахмет Яссауи кесенесі ЮНЕСКО-ның «Қызыл кітабына» енгізілгені, қасиетті қала кезінде шашыраған халқымыздың басын біріктіріп, елдігіміздің нышанын айдай әлемге паш еткені туралы мәліметтер алды.

Саяхат тек тарихи нысандарды аралау және олармен танысумен шектелмей, әрі қарай ғылыми-көпшілік бағдарламаларымен жалғасын тапты.

Бұл экскурсияның танымдық қызметімен бірге тәрбиелік, сауықтырушылық және спорттық мәні де зор болды. Бұл тарих саласы мен ой-танымдық мәдениетіне және шынайы тәжірибе алмасуға бағытталған бұл саяхат көпке үлгі болары сөзсіз.

 А.Е. Саденова., Т.В. Курманова., М.А. Азнабакиева

Шетелдіктердің тілдік және жалпы білім беру

дайындығы кафедрасының оқытушылары

Continue Reading

Title

Әлемде1 month ago

Халтмаагийн Баттулга Қырғызстанға ресми іс-сапармен барды (Видео)

KAZNEWS – /2019.06.12/ Шанхай ұйымының жылдық кезекті он тоғызыншы саммитіне қатысу мақсатында Моңғолия Президенті Қырғызстанға ресми сапармен барды. Бұл туралы...

Әлемде2 months ago

Қазақстан Республикасында Президент сайлауы

­Соңғы айларда Қазақстанда тұрғындарды ғана емес, әлемді елең еткізген саяси өзгерістер бірінен соң бірі орын алып кетті. Елді басқарып келген...

Кітаптан үзінді...4 months ago

Кітап оқудың ағзаға қандай пайдасы бар?

Кітап оқу өмірді 2 жылға ұзартады. Бұл – Йель университетінің ғалымдары дәлелдеген факт. Кітап оқығанда ми жасушалары арасындағы байланыс күшейеді....

Кітаптан үзінді...4 months ago

Екінші болма: Кітап не жайлы? БҰЛ КІТАПТАН НЕ ҮЙРЕНЕСІЗ?

Бүгінгі таныстырып отырған кітабымыз Шонбай Қ. : Екінші болма! Жеңіске жетудің қазақша жолы. Табысты кәсіпкер, ресторатор Қуаныш Шонбай бұл кітапта...

Іскер7 months ago

Инфографика: Моңғолияда 10,000 вебсайт бар

Сайттың интернеттегі адресін домен деп атайды. Сіздің дәл қазір оқып отырған сайтыңыздың адресі kaznews.mn, бұны адрес ретінде де сайттың аты...

Кітаптан үзінді...7 months ago

Билл Гейтс табысты болудың құпиясымен бөлісті

Microsoft корпорациясының негізін қалаушылардың бірі Билл Гейтс табысқа жетудің негізгі құпияларымен бөлісті. Естеріңізге салайық, 1955 жылы 28 қазанда өмірге келген...

Іскер7 months ago

2017-2024 жылдың трендтік IT-мамандықтары

CareerCast сайтының командасы АҚШ-та әйгілі болған еңбек және бос жұмыс орындарының ІТ-нарығын сараптап, жұмыс берушілер үшін маңызды және еңбек ақысы...

Кітаптан үзінді...7 months ago

Әлеуметтік желіде балалардың суреттерін не үшін бөліспеу керек?

Бүгінгі күнде әлеуметтік желі культі деген тұжырым өріс алып келе жатыр. ХХІ ғасырда пайда болған бұл сөз келесі іс-әрекеттермен түсіндіріледі:...

Сөзге тиек

Advertisement

Өзекті