Connect with us

Моңғолияда

Қазақстан мен Моңғолия үкіметаралық комиссиясының жетінші отырысы өтті

Published

on

KAZNEWS – Кеше Астанада сауда-экономикалық, ғылыми-техникалық және мәдениет саласындағы ынтымақтастық жөніндегі Қазақстан мен Моңғолия үкіметаралық комиссиясының жетінші отырысы өтті. Бұл туралы Егемен Қазақстан агенттігі хабарлады.
Аталмыш іс-шараға еліміздің тарапынан тең төраға Еңбек және халықты әлеуметтік қорғау министрі Мәдина Әбілқасымова мен Моңғолия тарапынан тең төраға осы елдің Еңбек және халықты әлеуметтік қорғау министрі Содномын Чинзориг, сонымен бірге қос елдің орталық мемлекеттік органдарының өкілдері және Баян-Өлгий аймағынан АӨХуралының төрағасы Бауыржан Дәлелұлы қатысты.
Үкіметаралық комиссия отырысында сауда, экономика, инвестиция, кәсіпкерлік, жер қойнауын пайдалану, ауыл шаруашылығы, қоршаған ортаны қорғау, мәдениет, білім беру және ғылым, денсаулық сақтау, құқықтық базаны дамыту, халықты әлеуметтік қамсыздандыру сияқты салалардағы ынтымақтастықты нығайту жолдары талқыланды.
Жалпы, Қазақстан мен Моңғолия тарихи тәжірибеге бай, мәдени әрі гуманитарлық байланыстары орныққан, сондай-ақ салт-дәстүрі жағынан да ұқсастықтары көп елдер. Бұдан бөлек, Қазақстан мен Моңғолия арасында сенім мен өзара ортақ мүдделі қағидалар жағынан да тұрақты әрі сындарлы қарым-қатынастар орнаған.
Кездесуді ҚР-ның Еңбек және халықты әлеуметтік қорғау министрі М.Әбілқасымова ашып, Моңғолия Қазақстанмен дипломатиялық қарым-қатынас орнатқан алғашқы мемлекеттердің бірі екенін ерекше атап өтті.
«Біз Моңғолия тарапынан болған зейнетақымен қамсыздандыру саласындағы екі-жақты ынтымақтастықты жалғастыруды және осы жоба бойынша басталған тиісті үкіметаралық келісімді дайындау үдерісін биыл іске асыруды қолдаймыз», деді М.Әбілқасымова.
Келелі кездесудегі маңызды мәселелердің бірі Монғолия мен Еуразиялық экономикалық одақ арасындағы ынтымақтастық шеңберінде екі ел арасындағы сауда-экономикалық ынтымақтастықты дамыту және кеңейту болды. Тараптар өзара жеткізілімдер құрылымы салыстырмалы түрде шектеулі екендігін және бұл олардың өндірісі мен экспорттық әлеуетін көрсетпейтінін атап өтті.
Бұл ретте екі ел өкілдері кездесуде аталған олқылықтың орнын толтыруға қажетті шаралардың бірнешеуін қабылдады. Екі ел тауар айналымын одан әрі дамыту мақсатында әлеуетті экспорттық тауарлар тізімімен алмасты.
Кездесу қорытындысында сауда-экономикалық, ғылыми-техникалық және мәдениет саласындағы әріптестік бойынша Қазақстан-Моңғолия үкіметаралық комиссиясының хаттамасына қол қойылды.
Сондай-ақ маңызды кездесу барысында Үкіметаралық комиссияның келесі, яғни сегізінші отырысы 2020 жылы Моңғолия астанасы Улаанбаатар қаласында өтетіні мәлім болды.

Моңғолияда

Қазақстан-Моңғолия бизнес-форумы өтеді

Published

on

Қазақстанның Моңғолиядағы Елшілігі моңғолиялық бизнес өкілдерін 2019 ж. 4-5 маусымда Ұлан-Батыр қаласында өтетін Бизнес-Форумға қатысуға шақырады.

Өтетін жері: Blue Sky Hotel қонақ үйі «Diamond» залы.

Шараның ұйымдастырушылары – ҚР Индустрия және инфрақұрылымдық даму министрлігі, ҚР Сыртқы сауда палатасы, «Атамекен» Ұлттық кәсіпкерлер палатасы және Моңғолия Ұлттық сауда-өнеркәсіп палатасы.

Шараның мақсаты – қазақ-моңғол кәсіпкерлері арасындағы қарым-қатынасты нығайту болып табылады.

Қазақстандық тараптан өңдеу өнеркәсібі, машинақұрастыру, азық-түлік, жеңіл өнеркәсіп және т.б. салалардағы ірі тауар өндірушілер қатысады деп күтілуде. Бұл моңғолиялық қана емес, сондай-ақ қазақстандық кәсіпкерлер үшін өзара серіктестік орнатуда, ұзақ мерзімді іскерлік қарым-қатынас құруға, екі елдің бір-бірінің нарығына жол ашуға орасан зор мүмкіндік болмақ.

Continue Reading

Моңғолияда

22-23 наурызда “Қазақстан білім күндері” көрмесі өтеді

Published

on

KAZNEWS – 2019-шы жылдың 22-23 наурыз күндері Монғолия, Баян –Өлгий аймағында «Қазақстан білім күндері» – Халықаралық білім көрмесі өтеді.
Көрмеге Қазақ елінің 30-ға жуық үздік оқу орындары, атап айтсақ:
Назарбаев Университеті, Сүлеймен Демирел атындағы халықаралық университет, Қазақ мемлекеттік медициналық университет т.б. Қазақстанда үздік сапада білім беріп отырған университеттер бар .
Бүгінгі таңда Қазақстан – Орталық Азиядағы білім хабына айналу мақсатында көптеген жұмыстар атқарып жатыр. Сонымен қатар, Қазақстандық университеттердің мұндай үлкен «білім хабына» айналу мүмкіндігі де, сапасы мен әл-ауқаты да жеткілікті екендігін айта кеткен жөн. Бұл орайда, Қазақстанда білім алудың бірнеше артықшылығы бар:
• Бакалавриат және магистратура бағдарламалары бойынша оқу стипендияларын жеңіп алу мүмкіндіктері
• 2 дипломдық оқу бағдарламасы
• Жоғары білімнің қолжетімділігі
• Заманауи білім беру технологиялары
Егер сіз Орталық Азиядағы ең мықты оқу орнының студенті атанғыңыз келсе, ағылшын, орыс, қазақ тілінің өз қалаған тіліңізді таңдай отырып білім алам десеңіз, Қазақстандық оқу университет өкілдерінен тікелей кеңес алып, бағытыңды таңда!
Естеріңізге сала кетейік, көрме 22-23 наурыз, сағат: 10-18:00-ге дейін, МДТеатрының артындағы «Махсум» қонақүйінде өтетін болады.

Continue Reading

Моңғолияда

Павлодар әкімшілігі мен «Отандастар» Қоры қандастарды қолдау тұрғысында күш біріктіреді

Published

on

“Отандастар” қоры мен Павлодар облысының әкімдігі өзара ынтымақтастық туралы Меморандумға қол қойды. Тараптар шетелде тұратын қандастарға және Атамекенге қоныс аударған этникалық қазақтарды қолдау бағытында бірлесіп жұмыс атқаруға келісті.

Екі жақты келісім құжатына қол қою шарасына «Отандастар» Қорының Аймақтармен және мемлекеттік органдармен жұмыс жөніндегі департаменттің басқарушы директоры Әлия Әбелдинова, облыс әкімінің орынбасары Мейрам Бегентаев, облыстық Ішкі саясат басқармасының басшысы Ернұр Дәуенов және Дүниежүзі қазақтары қауымдастығының Павлодар облыстық филиалы төрағасы Болат Зауыт қатысты.

Өз сөзінде «Отандастар» Қорының Аймақтармен және мемлекеттік органдармен жұмыс жөніндегі департаментінің басқарушы директоры Әлия Әбелдинова Мемлекет басшысының тапсырмасымен құрылған Қордың мақсат-міндеттері жайлы айтып, жоспарларымен бөлісті.

“Біздің отандастарымыздың көбі Қазақстанмен шекаралас аумақтарда  тұратынын ескере отырып, қазақ диаспорасын қолдау мақсатында Қор облыстық әкімдіктермен тығыз ынтымақтастық орнатып отыр. Бұл, өз кезегінде, ерекше маңызға ие. Бүгінде «Отандастар» Қоры түрлі бағыттар бойынша бірқатар жобаларды жүзеге асыруда. Олар білім, спорт, мәдениет, ана тілін үйрету, бизнес-бастамалар және т.б. салаларды қамтиды. Сондай-ақ, Қордың басты міндеттерінің бірі тарихи Отанына оралған қандастардың елде бейімделуі барысында оларға ақпараттық, ұйымдастырушылық және консультациялық көмек көрсетіп, олардың жеке құқықтары мен заңды мүдделерін қолдау болып табылады», – деді Әлия Сапабекқызы.

Облыс әкімінің орынбасары Мейрам Бегентаев өз сөзіде «Отандастар қорымен» бірлесіп жұмыс жасауға әзір екенін және ұсынған барлық жобаларды қолдайтынын жеткізді. Облыстық ішкі саясат басқармасының басшысы Ернұр Дәуенов көші-қон саласында бұған дейін атқарылған жұмыстар туралы баяндап, алдағы жоспарларымен бөлісті. Айтуынша, облыстық «Ана тілі» орталығында шетел қазақтарын оқыту курсы басталады. Оған Ресейдің Нобосібір, Омбы және Алтай өлкесінің тіл мамандары шақырылған.

«Этникалық қазақтарды қолдау бойынша бірқатар жұмыс атқарылды. Қазіргі күні Ресей және Моңғолия қазақтарымен тығыз байланысып тұрамыз. Жақында Алтай өлкесінің қазақ ауылдарының кітапханаларына Павлодар облысы туралы 20 кітап берілді. Сондай-ақ, бірқатар өнерпаздарға сахналық костюм тіктіріп бердік. Ондағы қазақ диаспорасы өкілдері ана тідерін ұмытпас үшін әдістемелік қолдау көрсетілуде. Яғни, облыстық тілдерді дамыту басқарсының мамандары қазақ тілі курстарын өткізіп келді», – деді Ернұр Нұрланұлы.

Меморандум аясында тараптар Павлодар облысына келіп қоныстанған отандастардың елде бейімделуі мен кірігуіне жағдай жасауға ниетті. Бұл, өз кезегінде, Этникалық қазақтарды уақытша орналастыру орталығының негізінде жүзеге асырылатын болады. Сондай-ақ, Қор мен Павлодар облысының әкімдігі осы Меморандумның мақсаттарына сәйкес келетін мәдени сауаттылықты арттыру, білім беру, спорт, бизнес және басқа да іс-шараларға жан-жақты ұйымдастырушылық және техникалық қолдау көрсетеді.

Павлодар облысына жұмыс сапары аясында “Отандастар” қорының өкілдері Этникалық қазақтарды уақытша орналастыру орталығына барып, ондағы жағдаймен танысып қайтты.

Continue Reading

Title

Кітаптан үзінді...2 months ago

Кітап оқудың ағзаға қандай пайдасы бар?

Кітап оқу өмірді 2 жылға ұзартады. Бұл – Йель университетінің ғалымдары дәлелдеген факт. Кітап оқығанда ми жасушалары арасындағы байланыс күшейеді....

Кітаптан үзінді...2 months ago

Екінші болма: Кітап не жайлы? БҰЛ КІТАПТАН НЕ ҮЙРЕНЕСІЗ?

Бүгінгі таныстырып отырған кітабымыз Шонбай Қ. : Екінші болма! Жеңіске жетудің қазақша жолы. Табысты кәсіпкер, ресторатор Қуаныш Шонбай бұл кітапта...

Іскер5 months ago

Инфографика: Моңғолияда 10,000 вебсайт бар

Сайттың интернеттегі адресін домен деп атайды. Сіздің дәл қазір оқып отырған сайтыңыздың адресі kaznews.mn, бұны адрес ретінде де сайттың аты...

Кітаптан үзінді...5 months ago

Билл Гейтс табысты болудың құпиясымен бөлісті

Microsoft корпорациясының негізін қалаушылардың бірі Билл Гейтс табысқа жетудің негізгі құпияларымен бөлісті. Естеріңізге салайық, 1955 жылы 28 қазанда өмірге келген...

Іскер5 months ago

2017-2024 жылдың трендтік IT-мамандықтары

CareerCast сайтының командасы АҚШ-та әйгілі болған еңбек және бос жұмыс орындарының ІТ-нарығын сараптап, жұмыс берушілер үшін маңызды және еңбек ақысы...

Кітаптан үзінді...5 months ago

Әлеуметтік желіде балалардың суреттерін не үшін бөліспеу керек?

Бүгінгі күнде әлеуметтік желі культі деген тұжырым өріс алып келе жатыр. ХХІ ғасырда пайда болған бұл сөз келесі іс-әрекеттермен түсіндіріледі:...

Әлемде2 years ago

Нұрсұлтан Назарбаев Моңғолия Президентін еліне ресми сапармен келуге шақырды

KAZNEWS – Қазақстан Республикасының президенті Нұрсұлтан Назарбаев Моңғолия президенті Халтмаагийн Баттулганы еліне ресми сапармен келуге шақырды. Бұл жөнінде ҚР-ның президентінің...

Әлемде2 years ago

Айгерім Болатқызы тарихи отанының дамуына қосқан перзенттік үлесін атады

Қазақстан Президенті Нұрсұлтан Назарбаевтың қатысуымен өткен Дүниежүзі қазақтарының V Құрылтайында Италияның Милан қаласындағы Боккони университетінің оқытушысы Айгерім Болатқызы тарихи отанының...

Сөзге тиек

Advertisement

Өзекті