Спорт

НААДАМ: Күрестен 1 – күннің нәтижесі

Published

2 years ago

July 12, 2017

kaznews

KAZNEWS – Моңғолияның ұлттық мерекесі ел көлемінде тойланып жатыр. Күрессіз тойдың сәні кем.
Бүгін, күрес түрінен 1-5 кезең аяқталып, аймақтық «начин» яғни «лашын» атағына ие болған азаматтардың есімі белгілі болды. Олар Тұлба сұмындық заан (піл) Т.Жарқын, Буянт сұмындық заан А.Айбек, Ногооннуур сұмындық жас палуан Д.Гантөмөр болды.
Ертеңгі бағдарлама бойынша күрестің шешуші кезеңі өтеді. 6 кезеңде У.Береке (аймақтық арслан – арыстан), М.Аманбек (аймақтық заан – піл), Б.Төмөрбаатар (аймақтық харцага – қаршыға), Ш.Сапар, С.Батүүл (аймақтық начин – лашын), сұмындық заан Т.Жарқын, А.Айбек, жас палуан Д.Гантөмөр қатарлы палуандар белдеседі. Ертең, 7 және 8 кезеңге кімнің білікті ұлы қарсыласын жығып, тұғырға көтерілетінін баршамыз тамашалайтын боламыз.
Ал, Улаанбаатар қаласында өтіп жатқан мемлекеттік тойда күш сынап жатқан жерлестеріміз Б.Серік пен М.Еркебуландар үшінші кезеңге өтті.

Моңғол күресінің өз жоралары, ережелері және өзіне тән ерекшеліктері бар: Салмаққа қарамайды, күрес ашық алаңда өтеді. Табаны мен білезікке дейін қолынан басқа дене мүшесі кімдікі бірінші жерге тисе, сол палуан жығылған болып есептеледі.
Белдесу аяқталғаннан кейін жеңілген палуан жеңімпаздың көтерілген оң қолының астынан өтуі керек. Бұл оның өзінің жеңілгенін мойындағанның белгісі. Ал жеңімпаз болса дәстүрлі бүркіт биін билейді.
Жұп-жұбымен белдеседі. Ұтылғаны жарыс жолынан шығып отырады.

Спорт

Баян-Өлгий футзалдан чемпионы атанды

Published

3 weeks ago

January 30, 2019

Kaznews Agency

KAZNEWS – Баян-Өлгий құрамасы Сэлэнгэ аймағында өткен жастар арасындағы футзалдан «Ұлттық кубок – 2019» турнирінің жеңімпазы атанды.

Финалда жерлестеріміздің қарсыласы көршілес Увс аймағының құрама командасы болды. Кездесуде есеп 11:9, жеңіс Баян-Өлгийліктердің пайдасына шешілді.

Атап өту керек, спорттың бұл түрінде Баян-Өлгий аймағының жастар құрамасы алғаш рет финалға шығып, жеңімпаз атанып отыр.

Спорт

Баян-Өлгий футзалдан финалға өтті

Published

4 weeks ago

January 30, 2019

Kaznews Agency

Photo: Mongolian Football Federation

KAZNEWS – Футзалдан Баян-Өлгий аймағының құрама командасы «Ұлттық кубок – 2019» турнирінің финалына жолдама алды.

Ұлттық кубоктың бірінші турында Говьсүмбэр аймағын 12:6, Булган аймағын 11:7, Өвөрхангай аймағын 15:6, Дундговь аймағын 26:8 ұпайымен жеңіп жартылай финалға өткен болатын.

Жартылай финалда Сүхбаатар аймағының аяқ доп шеберлерімен кездесіп, 12:8 есебімен ұтып финалға өтті.

/2019.01.30/ Бүгін финал! Баян-Өлгий аймағының құрамасы Увс аймағымен кездеседі .

Сонымен қатар, «Ұлттық кубок – 2019» турнирінің бірінші кезеңінде үздік шабуылшылар да анықталып жатыр.

Бүгінгі кесте бойынша, Баян-Өлгий аймағының футболшысы Б.Антон 27 гоол соғып ұлттық кубокта көш бастап тұр. Б.Ертіс 21 голымен екінші орынға жайғасты. Үшінші орын 17 гол соққан Увс аймағының футболшысы П.Буянхишигке бұйырған.

Спорт

Серік Бердімұратұлы самбодан -100 келіде ел чемпионы атанды

Published

1 month ago

January 17, 2019

Kaznews Agency

Photo: Mongolian Sambo Federation

KAZNEWS – Улаанбаатар қаласында самбодан ересектер арасында Моңғолия біріншілігі аяқталды.
Екі күнге жалғасқан сайыста ерлер мен әйелдер барлығы он салмақ дәрежесінде жарыстың жеңімпаздарын анықтады.

Ел біріншілігінде Серік Бердімұратұлы -100 келі салмақта өнер көрсетіп, өз салмағында қарсыластарының барлығынан басым түсіп, 2019 жылғы ел чемпионы атанды.

Сонымен қатар -100 келі салмақта күміс жүлдені “Хилчин” спорт клубының спортшысы Г.Түвшинжаргал, қола жүлдені “Сүлд” спорт клубының спортшысы Б.Түвшинтөгс, “Хилчин” спорт клубының спортшысы Д.Цэрэнням иеленді.

Естеріңізге сала кетсек, Серік Бердімұратұлы самбодан ересектер арасында үшінші рет ел чемпионы атанып отыр. Ол, бұған дейін 2014, 2017 жылы чемпион болған.