Connect with us

Моңғолияда

Б.Cағынтаев: Моңғолия мен Қазақстан арасындағы ынтымақтастық арта түспек

Published

on

KAZNEWS – Қазақстан және Моңғолия арасында бірінші кезекте болашақта экономикалық саладағы ынтымақтастықты тереңдету мәселесі талқыланды.

«Қазақстандық компаниялар бірінші кезекте, энергетика, тау-кен саласы, ауыл шаруашылығы, көлік инфрақұрылымы, алтынды өндіру және қайта өңдеу, сондай-ақ басқа салалардағы ынтымақтастықты дамытуға дайын», – деді ол Моңғолия Премьер-министрінің орынбасары Ухнаагийн Хурэлсухпен болған кездесу кезінде.

Қазақстандық тілшілерге берген сұхбатында Б.Сағынтаев Улаанбаатарға жасаған сапарының мақсаты мен қорытындылары туралы айтып берді.

«Моңғолияға Мемлекет басшысы Нұрсұлтан Назарбаевтың тапсырмасы бойынша келдік. Өздеріңіз білетіндей, 9 мамыр күні Мәскеуде Ұлы Отан соғысындағы Жеңістің 70 жылдығын мерекелеу кезінде Мемлекет басшысы Моңғолия президентімен кездескен. Екі елдің одан жоғары деңгейдегі екіжақты сауда-экономикалық қатынастарды дамыта бастайтыны туралы келісімге қол жетті», – деді Б.Сағынтаев.

Оның айтуынша, сапардың қорытындылары өте жемісті болды. «Біз сондай-ақ өзімізге моңғол тарапынан келіп түскен ұсыныстарды талқыладық. Онда электр энергетикасы, теміржол саласы, автомобиль жолдарын салу секілді әр түрлі инфрақұрылымдық жобаларға қатысу көрсетілген», – деп атап өтті Б.Сағынтаев.

Ол Қазақстан делегациясы отандық компаниялардың тау-кен қазу саласы, өңдеу өнеркәсібі, алтын өндіріп, қайта өңдеу, локомотивтерді Моңғолияға жеткізуге ынта білдіргенін айтты. Соңғы ұсынысқа Моңғолия тарапы қызығушылық танытты. «Осы мәселелердің барлығы сарапшылық деңгейде одан әрі қарастырылатын болады», – деді ҚР Премьер-министрінің бірінші орынбасары.

Моңғолия елінің Премьер-министрі және Вице-премьерімен болған кездесу барысында үкіметаралық комиссияның жұмысын күшейту туралы ортақ келісімге келді.

«Моңғолия Президентімен кездесу өте жемісті болды. Мен оған біздің мемлекет басшысымыз Нұрсұлтан Әбішұлы Назарбаевтың оны Қазақстанға ресми сапармен келуге шақыруын жеткіздім. Шақыруды қуана қабылдады. Мен Нұрсұлтан Әбішұлының біздің елдеріміздің арасындағы өзара қарым-қатынастың сапалы жаңа деңгейіне шығу қажет деген сөздерін айтып жеткіздім», – деп хабарлады Б.Сағынтаев.

Оның айтуынша, Моңғолия президенті Цахиагийн Элбэгдорж екі елдің ынтымақтастығындағы әлеуетті атап өтіп, сондай-ақ екіжақты қатынастарды сапалы жаңа деңгейге шығару қажеттілігін қолдап отырғанын көрсетті.

«Моңғолия тарапы Еуразиялық экономикалық одақпен ынтымақтастықты дамытуға ниетті. 29 мамыр күні Бурабайда Еуразиялық экономикалық одақ пен Вьетнам арасында еркін сауда аймағы туралы келісімге қол қойылатынын білесіздер. Бұл – бірінші құжат. Моңғолия тарапы осындай келісімге келуге үлкен қызығушылық танытып отыр», – деді Б.Сағынтаев. Оның айтуынша, келіссөздер барысында Қазақстан Улаанбаатардың аталған талпынысына қолдау танытты.

«Көрші болсақ та, өкініштісі, бізде Астана-Улаанбаатар және Алматы-Улаанбаатар бағытындағы тұрақты ұшақ рейсі жоқ. Үкіметтік деңгейдегі келіссөздер кезінде бұл мәселені Моңғолия да көтерді», – деді ҚазАқпарат тілшісінің сұрағына жауап берген Б.Сағынтаев. Ол сондай-ақ, Моңғолия ЭКСПО-2017 көрмесіне қатысатынын растағанын еске салды.

Улаанбаатарға келген қазақстандық делегацияның құрамында 20-дан астам адам барды. Олардың арасында ҚР Экономикалық интеграция істері министрі Жанар Айтжанова, Сыртқы істер министрінің бірінші орынбасары Рәпіл Жошыбаев, Әділет министрлігінің жауапты хатшысы Марат Бекетаев, Инвестициялар және даму вице-министрі Альберт Рау, Қаржы вице-министрі Руслан Бекетаев, Ауыл шаруашылығы министрінің орынбасары Ермек Көшербаев, KAZ Minerals PLC басқармасының төрағасы Олег Новачук, сондай-ақ ««Самұрық-Қазына» ұлттық әл-ауқат қоры» АҚ, «Бәйтерек» ұлттық басқару холдингі» АҚ, Қазақстан даму банкінің басқарушы директорлары және т.б. бар.

Advertisement


Моңғолияда

Г.Занданшатар: Қарттарым аман сау болсын

Published

on

KAZNEWS – Моңғолия Парламентінің спикері Гомбожавын Занданшатар 28 қыркүйекте Баян-Өлгий аймағына жұмыстап қайтқан болатын. Спикер өзінің әлеуметтік желісіндегі парақшасында төмендегідей жазба қалдырыпты.

“Баян-Өлгийде тұрғындармен кездесу кезінде әкемнің сыныптасы, еңбек сіңірген агрономшы Рахадыл және әкеммен бірге «Чандаган» бірлестігінде жұмыс істеген тракторшы Айыпхан өздерінің жақсы естеліктерімен бөлісіп, маған жақсылық пен табыс тіледі. Рахадыл ақсақал қазақтың қамшысын сыйға тартты. Ол қамшының елде әділдікті, тәртіпті сақтау үшін қажет болатынын айтты.

Әкемнің достарының батасын қабыл алып, әділеттілік жолында өзімді де қамшылап жүретін боламын.
Қарттарым аман сау болсын, көп жасаңыздар.” -делінген.

 

Continue Reading

Моңғолияда

Бүркітшілер тойы 3-4 қазан күндері өтеді

Published

on

KAZNEWS – «Бүркітшілер тойы» 3-4 қазан күндері Баян-Өлгий аймағында өтеді. Бұл туралы аймақтық Табиғат, қоршаған орта және туризм басқармасының маманы Нұрқанат Қариұлы хабарлады.

Осымен 21 – мәрте өткізілетін туристік іс-шараны Моңғолия Бүркітшілер одағы, Моңғолияның Табиғат, қоршаған орта және туризм министрлігі мен Баян-Өлгий аймағы Әкімінің іс басқармасы, аймақтық Табиғат, қоршаған орта және туризм басқармасы бірлесе ұйымдастырады.

Бүркітшілер сайысына 60-ға жуық құсбегі сайысқа түсіп, көрермендерге құсты басқара алу және оның көмегімен аң алу шеберліктерін көрсетеді.

Сонымен қатар, моңғол-қазақ халқының ұлттық ойындары өткізіліп, көрме ұйымдастырылады.

Continue Reading

Моңғолияда

Қазақстаннан чартерлік рейспен 95 азамат келді

Published

on

KAZNEWS – 2020 жылғы 28 қыркүйекте кешкі сағат 22:31–де Алматы – Улаанбаатар бағыты бойынша «Хүннү Эйр» әуе компаниясының арнайы чартерлік рейсі «Буянт Ухаа» халықаралық әуежайына келіп қонды.

Осы ұшақпен Моңғолияның 95 азаматы отанына келді. Азаматтарды ЖАЗҰОрталығына, Әскери орталық аурухана және Төв аймағының Батсүмбэр сұмынында орналасқан Қариялардың демалыс орталығына бақылауға алды.

Ұшақпен келгендер Моңғолия мен Қазақстанға карантин енгізіліп, моңғол-ресей шекарасы жабылғанға дейін жеке сапармен келіп (жерлеу рәсіміне қатысу, емделу, жеке істерімен және туған-туысқандарына келу), осы елде қалуға мәжбүр болған азаматтар болып табылады.

Тағы оқыңыз: Нұр-Сұлтаннан арнайы ұшақпен 170 азамат елге жеткізіледі
Хүннү Эйр әуе компаниясы Қазақстанға рейс ашады
Қазақстан Республикасының 96 азаматы отанына қайтарылды
Нұр-Сұлтанға 30 тамызда арнайы ұшақ ұшады
Қазақстаннан келген үш адамнан коронавирус инфекциясы анықталған жоқ
Д.Нямхүү: Қазақстаннан келген 3 адамнан коронавирус анықталды

Continue Reading

Моңғолияда

548 ана – «Ана даңқы» орденімен марапатталды

Published

on

Моңғолия Президенті Халтмаагийн Баттулга 20 қыркүйекте Баян-Өлгий аймағына жұмыс сапарымен келді. Жұмыс сапары аясында Президент Х.Баттулга 548 анаға «Ана даңқы» орденін табыстап, марапатталған аналарды құттықтады.

I–ші дәрежелі «Ана даңқы» орденімен 82, II-ші дәрежелі «Ана даңқы» орденімен 466 ана марапатталды.

Continue Reading
Advertisement

Сөзге тиек

Әлемде4 weeks ago

Жаңа жағдайдағы Қазақстан: іс-қимыл кезеңі

Мемлекет басшысы Қасым-Жомарт Тоқаевтың Қазақстан халқына Жолдауы Құрметті отандастар! Құрметті Парламент палаталарының төрағалары, депутаттар, Үкімет мүшелері! Парламенттің кезекті сес­сия­сының жұмысы...

Әлемде4 weeks ago

ТАҒЫЛЫМЫ ЕРЕН БІЛІМ МЕКЕНІ

Қымбатты достар! Биыл Шетелдіктердің тілдік және жалпы білім беру дайындығы кафедрасының 35 жылдық мерейтойы! Осы айтулы мерекемен Сіздерді шын жүректен...

Әлемде4 months ago

Маусымның соңында Қазақстан мен Түркия арасындағы әуе қатынасы қайта қалпына келеді

Маусым айының соңында Қазақстан және Түркия арасындағы халықаралық рейс қайта қалпына келеді. Бұл туралы Қазақпарат хабарлады. Халықаралық рейстерді кезең-кезеңімен жандандыру...

Әлемде4 months ago

Мэнни Пакьяо президент сайлауына түседі

KAZNEWS – Жартылай орта салмақта WBА бұрынғы чемпионы Мэнни Пакьяо 2022 жылы өтетін Филиппин президентін сайлауына үміткер болады. Дәл қазіргі...

Әлемде4 months ago

Түркия 31 елге шекарасын ашты

KAZNEWS – 20 мамырдан бастап медициналық мекемелерде емделу үшін 31 елдің азаматтарына Түркия шекарасынан өтуге рұқсат берілді. Бұл туралы Ийгл...

Әлемде4 months ago

Қазақстан астық пен ұн экспортына қойылған шектеуді алып тастайды

Спутник ақпараттық агенттігінің хабарлауынша, Қазақстанда 1 маусымнан бастап бидай, ұн және басқа азық-түлік өнімдерінің экспорты жанданады. “Төтенше жағдай аяқталып, еліміз...

Әлемде5 months ago

Ким Жон Ун қайтып келді

Солтүстік Кореяның көшбасшысы Ким Жон Ун 20 күннен кейін алғаш рет көпшілікті қамтыған іс-шараға қатысты. Солтүстік Кореядағы орталық ақпараттық агенттігі...

Әлемде5 months ago

Президент сайлауын пошта арқылы өткізуге дайындалып жатыр

Польша үкіметі пандемия аяқталмаса да, 10 мамырда президенттік сайлау өткізуге тәуелкел етіп отыр. Сайлау белгіленген күнді өзгертпейтін болды. Пошта арқылы...

Статистика

  • 246
  • 8,500
  • 184,758

Басты назарда