Спорт

Бейбіт Асқарұлы: Моңғолия чемпионатында біз бес медаль аламыз

Published

6 years ago

January 16, 2016

Бүгін Улаанбаатарда Бокстан ересектер арасындағы Моңғолия чемпионаты басталды. Ел біріншілігінде Баян-Өлгий аймағынан 10 боксшы бақ сынайды.
Ел біріншілігіне 18 жастан жоғары боксшылар қатыса алады. Ел біріншілігінің қорытындысы бойынша ең үздік деп танылған боксшылар Моңғолияның ұлттық құрама мүшесі атанумен қатар, алдағы уақыттарда өтетін олимпиада жолдамасы үшінгі жарыстарға қатысу құқығына ие болады.
– Моңғолия чемпионатында аймақтың намысын кімдер қорғайды?
Бейбіт Асқарұлы, Бокс бапкері: Биыл ересектер арасындағы Моңғолия чемпионатына Т.Жолдасбек 52 келіде, Ж.Еркін 60 келіде, Қ.Ерған 69 келіде, Жоламан 75 келіде, Қ.Бекнур мен Ибрайым 81 келіде, Т.Ерболат -91 келіде және қыздар арасында 49 келіде Б.Нұржамила, 67 келіде Н.Гүлшат, 69 келіде Саранчимэг қатарлы боксшыларымыз өнер көрсетеді.
– Боксшылар тізімінде Студенттер арасынан әлем чемпионатының қола жүлдегері А.Нурланың есімі жоқ сияқты?
Ия, А,Нурлан дәрігерлердің шешімі бойынша бұл жолғы чемпионатқа қатыспайды.
– Қанша медаль аламыз деп жоспарлап отырсыздар?
Алла бұйырса! Жоспарымыз бес медаль.
– Әңгімеңізге рахмет!

Спорт

Еркебұлан Малшыұлы жеңімпаз атанды

Published

4 days ago

October 17, 2021

Kaznews Agency

17 қазан, KAZNEWS. Баян-Өлгий аймағында ұйымдастырылған күрес сайысында аймақтық арыстан дәрежелі палуан Еркебұлан Малшыұлы жеңімпаз атанды.

Моңғолдың ұлттық күресінен аймақтық атақ берілетін сайысқа 128 палуан қатысып, аймақтық лашын (начин) дәрежесін Еркінбек Шоқанұлы мен Бердәулет Мұқтарұлы жеңіп алды.

Финалдық кездесу аймақтық арыстан (арслан) Еркебұлан Малшыұлы мен Энхболдын Тамираа арасында өтті. Бұл белдесуде Еркебұлан Малшыұлы жеңімпаз атанып, аймақтық “Хурц арслан” атағын алды.

Бұл атақ моңғолдық ұлттық күрес ережесіне сай аймақтық мерей тойда екі мәрте жеңімпаз атанған палуанға беріледі.

Еркебұлан Малшыұлы бұған дейін 2011 жылы аймақтық арыстан атағын алған болатын.

Спорт

Жәнібек Әлімханұлы өзін орта салмақтың патшасы деп атады

Published

1 month ago

September 7, 2021

Kaznews Agency

Орта салмақтағы қазақстандық боксшы Жәнібек Әлімханұлы (10-0, 6 КО) кезекті рет WBO тұжырымы бойынша әлем чемпионы америкалық Деметриус Андрадемен (30-0, 18 КО) жекпе-жек өткізуді талап етті, – деп хабарлайды Kaznews.mn тілшісі Vesti.kz басылымына сілтеме жасап.

“Эдди Хирн маған орта салмақтағы чемпионыңды – Андрадені бер. Мен оны титулынан айырамын. Мен дивизион патшасымын. Боб Арум, мен дайын”, – деп жазыпты Жәнібек Twitter-де.

Еске салайық, қазақстандық боксшы маусымда өткен кейінгі жекпе-жегінде бұрынғы әлем чемпионы америкалық Роб Брантты мерзімінен бұрын жеңді.

Жекпе-жектен кейін Әлімханұлы WBO-ның орта салмақтағы чемпионы америкалық Деметриус Андрадені айқасқа шақырып, жетінші-сегізінші раундта нокаутқа түсіруге уәде берді.

Спорт

Э.Содномпилжээ пауэрлифтингтен паралимпиада чемпионы атанды

Published

2 months ago

August 30, 2021

Kaznews Agency

Токиода өтіп жатқан Паралимпиада ойындарында Моңғолия командасы алғашқы алтынын иеленді деп хабарлайды KazNews.mn.

Пауэрлифтингтен ерлер арасында 107 келіге дейінгі салмақта сынға түскен Энхбаярын Содномпилжээ Паралимпиада чемпионы атанды.

Ол өзінің үздік нәтижесінде 245 келіні көтеріп, папалимпиада ойындарының рекордын жаңартып, алтын медаль жеңіп алды.

Күмісті малайзиялық Жон Ие Хи (237 келі), қоланы ирандық Рази Саман (231 келі) иеленді.

Естеріңізге салсақ, Токиода өтіп жатқан Паралимпиада ойындарында Моңғолия намысын 11 спортшы қорғауда.

Спорт

Сайд Моллай Токио Олимпиадасының күміс жүлдегері атанып, Моңғолия 33 орынға тұрақтады

Published

3 months ago

July 27, 2021

Kaznews Agency

27 шілде, KAZNEWS. Дзюдодан Моңғолия құрамасындағы ирандық легионер Саейд Моллай Токио Олимпиадасының күміс жүлдегері атанды.

-81 келі салмақ дәрежесінде Саейд Моллай ширек финалда грузин палуаны Тато Григалашвилиден, жартылай финалда австриялық Шамил Борчашвилиден басым түсіп, финалда жапониялық Нагасе Таканориге есе жіберіп алды.

Токио Олимпиадасында Моңғолия құрамасы дзюдо күресінен екі қола, бір күміс медаль жеңіп, жалпы есепте 33 орынға тұрақтады.